default_image

1 year ago

March 20, 2023

क्लबले राष्ट्रिय टोली घोषणा गरे, एन्फाले अझै सकेन

सुबास हुमागाईं, काठमाडौं नेपाली राष्ट्रिय पुरुष फुटबल टोलीले बुधबार प्रधानमन्त्री थ्री नेसन्स कपमा लाओसविरुद्ध पहिलो खेल खेल्दैछ । प्रतियोगिताका लागि लाओस र भुटान दुवै आफ्नो पूर्ण टोलीका साथ नेपाल आइसकेका छन् । तर अखिल नेपाल फुटबल संघ (एन्फा) ले भने हालसम्म प्रारम्भिक टोली घोषणा गर्न सकेको छैन । तर ए डिभिजन क्लबहरुले भने आ-आफ्नो तर्फबाट […]

366 views

0 Bookmark

सुबास हुमागाईं, काठमाडौं

नेपाली राष्ट्रिय पुरुष फुटबल टोलीले बुधबार प्रधानमन्त्री थ्री नेसन्स कपमा लाओसविरुद्ध पहिलो खेल खेल्दैछ । प्रतियोगिताका लागि लाओस र भुटान दुवै आफ्नो पूर्ण टोलीका साथ नेपाल आइसकेका छन् । तर अखिल नेपाल फुटबल संघ (एन्फा) ले भने हालसम्म प्रारम्भिक टोली घोषणा गर्न सकेको छैन । तर ए डिभिजन क्लबहरुले भने आ-आफ्नो तर्फबाट राष्ट्रिय टोलीमा बोलाइएका खेलाडीको नाम सार्वजनिक गरिसकेका छन् ।

एन्फाले गत साता मात्र इटालीका भिन्सेन्जो अल्बर्टो अनेसेलाई राष्ट्रिय टोलीको प्रशिक्षकको जिम्मेवारी सुम्पिएको थियो । भारतीय सुपर लिगको नर्थवेस्ट युनाइटेडबाट नेपाल आएका प्रशिक्षकले सम्झौता गरेपछि पत्रकार सम्मेलनमा युवा खेलाडीलाई अवसर दिने बताएका थिए । एन्फा प्रवक्ताका अनुसार प्रशिक्षकले हालसम्म एन्फालाई खेलाडी सुची बुझाएका छैनन् । तर क्लबहरुले भने राष्ट्रिय टोलीको प्रशिक्षणका लागि खेलाडी उपलब्ध गराएको सार्वजानिक रुपमा नै जारी गरिसकेका छन् ।

राष्ट्रिय टोलीका कप्तान किरण चेम्जोङ प्रतियोगिताका लागि नेपाल आइसकेका छन् । मनाङ मर्स्याङ्दी क्लबले गोलरक्षक दीप कार्कीसँगै कमल थापा, रणदिप पौडेल र सुमित श्रेष्ठलाई टोलीमा बोलाइएको जानकारी दिएको छ । जावलाखेल युवा क्लबले आफ्ना डिफेन्डर आदित्य चौधरी राष्ट्रिय टोलीमा परेको फेसबुकमा लेखेको छ ।

एपिएफले पनि फेसबुकमार्फत मणि लामा, नविन लामा र सनिश श्रेष्ठ राष्ट्रिय टोलीको क्याम्पमा बोलाइएको बताएको छ । संकटाले आयुष घलान, मनिष डाँगी र निशान खड्का थ्री नेसन्स कपका लागि टोलीमा नै समेटिएको लेखेको छ । खुमलटारले पनि डिफेन्डर पदम भट्टराईलाई राष्ट्रिय टोलीमा समावेश गरिएको जनाएको छ ।

त्रिभुवन आर्मी क्लबका नवयुग श्रेष्ठ, भरत खवास र विकास खवास टोलीमा समेटिएका छन् । त्यस्तै चर्च ब्वाइजका अनन्त तामाङ, आशिष चौधरी, अन्जन विष्ट र एरिक विष्ट पनि प्रशिक्षणमा समावेश छन् । मच्छिन्द्रबाट देवेन्द्र तामाङ र सुजल श्रेष्ठ चोटका कारण टोलीमा समावेश हुन सकेनन् । पुजन उपरकोटी भने राष्ट्रिय टोलीको प्रशिक्षणमा छन् ।

एन्फा प्रवक्ता सुरेश शाह आफूले हालसम्म टोलीको नामावली नपाएको बताउँछन् । ‘हामीले नाम पाएका छैनौं । सम्भवत आज टोली थाहा हुन्छ होला । प्रशिक्षकले खेलाडी बोलाएर प्रशिक्षण गर्नुभएको छ,’ उनले भने ।

विगतमा एन्फाले क्लबहरुलाई पत्रचार गरेर प्रारम्भिक टोलीका लागि खेलाडी छनोट गर्थ्यो । उक्त सुची सार्वजनिक पनि गर्ने प्रचलन थियो । प्रारम्भिक छनोटपछि अन्तिम छनोटमा पनि टोली सार्वजनिक हुन्थ्यो । यसपटक भने एन्फाले सिधै अन्तिम टोली घोषणा गर्ने बुझिएको छ ।

विदेशी क्लब – रोहित चन्द र किरण चेम्जोङ

मनाङ मर्स्याङ्दी क्लब – दीप कार्की, कमल थापा, रणदिप पौडेल र सुमित श्रेष्ठ

चर्च ब्वाइज युनाइटेड – अनन्त तामाङ, आशिष चौधरी, अन्जन विष्ट र एरिक विष्ट

जावलाखेल युवा क्लब – आदित्य चौधरी

त्रिभुवन आर्मी फुटबल क्लब – नवयुग श्रेष्ठ, भरत खवास र विकास खवास

नेपाल एपीएफ फुटबल क्लब – मणि लामा, नविन लामा र सनिश श्रेष्ठ

संकटा क्लब – आयुष घलान, मनिष डाँगी, निशान खड्का

खुमलटार क्लब – पदम भट्टराई

मच्छिन्द्र क्लब – पुजन उपरकोटी

सातदोबाटो युथ क्लब – अभिषेक बराल र दीपक राज सिंह ठकुरी

थ्री स्टार, नेपाल पुलिस, फ्रेन्ड्स, एनआरटी, हिमालयन शेर्पा – कुनै खेलाडी बोलाइएको छैन ।

प्रशिक्षणमा रहेका २४ खेलाडी :

गोलरक्षक (३) – किरण चेम्जोङ, दीप कार्की, अभिषेक बराल

डिफेन्डर (८) – रोहित चन्द, अनन्त तामाङ, आदित्य चौधरी, रणदिप पौडेल, विकास खवास, सनिश श्रेष्ठ, निशान खड्का, पदम भट्टराई

मिडफिल्डर (८) – मणि लामा, नविन लामा, पुजन उपरकोटी, एरिक विष्ट, कमल थापा, आशिष चौधरी, आयुष घलान र सुमित श्रेष्ठ

फरवार्ड (५) – दीपक राज सिंह ठकुरी, मनिष डाँगी, नवयुग श्रेष्ठ, भरत खवास र अन्जन विष्ट

March 28, 2024

सुरेश थापा क्षेत्री स्मृति फुटबलमा बाहुनडाँगी विजयी

हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]

March 28, 2024

फुटबल टोली स्वदेश फर्कियो

काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको‌ छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको‌ मंगलबारको ३–० […]

March 27, 2024

स्लोभेनियासँग पोर्चुगल स्तब्ध

एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]

Success

Thank you for your time.