default_image

1 year ago

March 22, 2023

एमबाप्पे फ्रान्सको कप्तान

222 views

0 Bookmark

एजेन्सी – फ्रान्सेली क्लब पेरिस सेन्ट जर्मेन (पिएसजी) का फरवार्ड केलियन एमबाप्पे फ्रान्सको राष्ट्रिय टोलीको नयाँ कप्तानमा नियुक्त भएका छन् ।

नियमित गोलरक्षक ह्युगो लोरिसले गत जनवरीमा अन्तर्राष्ट्रिय फुटबलबाट सन्यासको घोषणा गरेपछि फ्रान्सले रिक्त रहेको स्थानमा एमबाप्पेलाई जिम्मेवारी प्रदान गरेको हो ।

२४ वर्षीय एमबाप्पेले सन् २०१७ मा सिनियर डेब्यु गरेदेखि फ्रान्सका लागि ६६ क्याप जित्दा ३६ अन्तर्राष्ट्रिक्ष् गोल गरिसकेका छन् ।

फ्रान्सका मुख्य प्रशिक्षक डिडियर डेसच्याम्प्सले फ्रान्सेली टिभी च्यानल टीएफ वानलाई आइतवार प्रसारण हुने अन्तर्वार्तामा एमबाप्पेले कप्तानी जिम्मेवारी पाउन योग्य रहेको बताएका छन् ।

फ्रान्सेली फुटबल महासंघ (एफएफएफले मंगलबार सामाजिक सञ्जालमा डेसच्याम्प्सले एम्बाप्पेलाई कप्तान र एथ्लेटिको मड्रिडका फरवार्ड एन्टोइन ग्रिजम्यानलाई उपकप्तानमा नियुक्त गरेको पुष्टि गरेको छ ।

एम्बाप्पे गत वर्षको विश्वकपमा सर्वाधिक गोलकर्ता बनेका थिए । कतारमा गत नोभेम्वर र डिसेम्वरमा भएको विश्वकपमा कुल ८ गोल गरेका थिए । उनले फ्रान्सलाई लगातार दोस्रो पटक विश्वकपको फाइनलमा पुग्न मद्दत गरेका थिए, जहाँ फ्रान्स अर्जेन्टिनासँग टाइब्रेकरमा ४–२ ले पराजित भएको थियो ।

सन् २०१८ को विश्वकपको फाइनलमा क्रोएसियाविरुद्ध दुई गोल गरेका एमबाप्पे त्यसबेला उत्कृष्ट युवा खेलाडी बनेका थिए । युरो २०२४ क्वालिफायरको समूह ‘बी’ रहेको फ्रान्सले शुक्रबार राति घरेलु मैदानमा नेदरल्यान्ड्ससँग खेल्दैछ । त्यसपछि सोमबार राति आयरल्यान्डसँग खेल्ने तालिका छन् ।

May 26, 2024

पिएसजी फ्रेन्च कप च्याम्पियन

एजेन्सी – फ्रेन्च कपको उपाधि जित्दै फरवार्ड केलियन एमबाप्पेले आफ्नाे पेरिस सेन्ट जर्मेन (पिएसजी) बसाईकाे सुखद् अन्त्य गरेका छन्। पिएसजीले शनिबार लियोनमाथि २–१ को जित निकाल्दै उपाधि जित्न सफल भएको हो । पिएसजीका लागि आफ्नाे अन्तिम खेलमा भने एमबाप्पेले गाेल गर्न सकेनन् । पिएसजीका लागि अन्तिम खेल खेलिरहेका केलियन एमबाप्पेले उपाधिसहित क्लबबाट सुखद बिदाई लिएका […]

May 26, 2024

म्यानचेस्टर युनाइटेडलाई‌ एफए कप

एजेन्सी – म्यानचेस्टर युनाइटेडले एफए‌ कपको उपाधि जितेको छ। म्यानचेस्टर सिटीलाई‌ शनिबार २-१ ले हराउँदै युनाइटेडले उपाधि जितेको हो। गत वर्ष युनाइटेडलाई‌ २-१ ले नै हराउँदै सिटीले उपाधि जितेको थियो। युनाइटेडलाई‌ शनिबार जित दिलाउन अलेहान्द्रो ग्रानाचो र कोबी माइनोले गोल गरे। सिटीका जेरेमी डोकुले एक गोल फर्काए । खेलको ३० औं मिनेटमा ग्रानाचोले युनाइटेडलाई अग्रता […]

May 25, 2024

अञ्जनलाई स्पोर्ट्स कम्पनी ३६१ को साथ

काठमाडौं (हाम्रो खेलकुद) – नेपाली राष्ट्रिय फुटबल टोलीका सदस्य अञ्जन विष्टलाई चाइनिज स्पोर्ट्स पोशाक ब्रान्ड कम्पनी ३६१ डिग्रीले प्रायोजन गरेको छ । नेपालको लागि स्पोर्ट्स ब्रान्ड ३६१ का आधिकारिक विक्रेताका प्रमुख कार्यकारी अधिकृत (सिइओ) सरोज कार्की र अञ्जनबीच शनिबार सम्झौतामा हस्ताक्षर गरेका थिए । सम्झौता तीन बर्ष रहने बताइएको छ । कम्पनीले अञ्जनलाई तीन वर्षसम्म […]

Success

Thank you for your time.