default_image

12 months ago

March 23, 2023

ओजिलको सन्यास

एजेन्सी – आर्सनल, रियल म्याड्रिड र जर्मनीका पूर्व मिडफिल्डर मेसुट ओजिलले फुटबलबाट सन्यास लिएको घोषणा गरेका छन् । पछिल्ला समय टर्किस क्लब बसाकसेहिरमा रहेका ३४ वर्षीय ओजिलले सामाजिक सञ्जालमा एक विज्ञप्ति जारी गर्दै सन्यास लिएको घोषणा गरेका छन् । ‘यो अविस्मरणीय क्षण र भावनाले भरिएको अचम्मको यात्रा हो । मैले लगभग १७ वर्ष व्यवसायिक फुटबल […]

89 views

0 Bookmark

एजेन्सी – आर्सनल, रियल म्याड्रिड र जर्मनीका पूर्व मिडफिल्डर मेसुट ओजिलले फुटबलबाट सन्यास लिएको घोषणा गरेका छन् ।

पछिल्ला समय टर्किस क्लब बसाकसेहिरमा रहेका ३४ वर्षीय ओजिलले सामाजिक सञ्जालमा एक विज्ञप्ति जारी गर्दै सन्यास लिएको घोषणा गरेका छन् ।

‘यो अविस्मरणीय क्षण र भावनाले भरिएको अचम्मको यात्रा हो । मैले लगभग १७ वर्ष व्यवसायिक फुटबल खेले । यो अवसरको लागि अविश्वसनीय रूपमा आभारी महसुस गर्छु । तर पछिल्लो समय लगातारको चोटका कारण फुटबल खेल्न छाड्नुपर्ने महसुस भएपछि छाड्ने निर्णय गरेको हुँ ।’ ओजिलले सामाजिक सन्जालमा लेखेका छन् ।

ओजिलले आफ्नो क्लब करियरमा चार एफए कप र सन् २०१२ मा स्पेनिस ला लिगा उपाधि सहित नौ उपाधि जितेका छन् । जर्मनीका लागि ९२ क्याप पनि जितेका उनी जर्मनीले सन् २०१४ मा ब्राजिलमा भएको विश्वकपको उापधि जित्दा उनी टोलीका सदस्य थिए ।

जर्मन क्लब साल्केबाट २००६–०७ मा व्यवसायिक खेल करिअर शुरु गरेका ओजिलले त्यसपछि वेडर ब्रेमेनमा तीन सिजन खेलेपछि स्पेनिस क्लब रियल म्याड्रिडमा पुगेका थिए । ओजिलले रियल म्याड्रिडबाट ला लिगा, कोपा डेल रे र स्पेनिस सुपर कप जित्न सफल भए ।

रियलमा तीन सिजन बिताएपछि उनी सन् २०१३ मा त्यसबेला क्लबको कीर्तिमानी मुल्य ४२.४ मिलियन पाउन्डमा इंग्लिस क्लब आर्सनलमा सामेल भएका थिए । त्यहाँ उनले आफ्नो प्रभाव जमाउँदा चारपटक एफए कप र एक पटक एफए कम्युनिटी शिल्ड जित्न सफल भए ।

प्लेमेकर ओजिल जनवरी २०१८ मा क्लबको इतिहासमा सबैभन्दा धेरै कमाउने खेलाडी बने । तर, तत्कालिन प्रशिक्षक युनाई एमरीको नजरमा उनी पर्न सकेनन् । २०१९ मा एमरीको बर्खास्तीपछि उनी अन्तरिम प्रशिक्षक फ्रेडीको अधिनमा टोलीमा सामेल भए । त्यसपछि नयाँ प्रशिक्षक मिकेल अर्टेटा प्रशिक्षक बन्दा उनी टोलीमा समेटिए ।

सन् २०२१ मा फ्रि ट्रान्सफरमा फेनरवासमा पुगेका ओजिलले त्यहाँ दुई सिजन बिताएपछि उनी टर्किस क्लब इस्तानबुल बासाकसेहिरमा सामेल भए ।

ओजिलले अन्तर्राष्ट्रिय स्तरमा जर्मनी वा टर्कीबाट खेल्न सक्थे तर ओजिलले आफ्नो जन्म भएको देशबाट खेल्ने निर्णय गरे । सन् २००९ मा युरो यू–२१ च्याम्पियनसिपमा इंग्ल्यान्डलाई पराजित गर्दा उनी टोलीका महत्वपूर्ण सदस्य बनेका थिए । त्यो अघि नै उनले जर्मनीको सिनियर टोलीमा डेब्यु गरिसकेका थिए ।

ओजिल पाँच पटक जर्मनीको वर्ष खेलाडी घोषित भए । उनी २०१० विश्वकप र युरो २०१२ को सेमिफाइनलसम्म पुग्ने र २०१४ को विश्वकप जित्ने टोलीको हिस्सा थिए । टर्कीका राष्ट्रपति रेसेप तैयप एर्डोगानसँग फोटो खिचाएकोमा आलोचना भएपछि उनले सन् २०१८ मा अन्तर्राष्ट्रिय फुटबलबाट सन्यास लिनुपरेको थियो ।

March 18, 2024

बहराइन जान खोज्ने पदाधिकारीको नाम राखेपबाट अस्वीकृत

काठमाडौं (हाम्रो खेलकुद) – राष्ट्रिय खेलकुद परिषद (राखेप) ले राष्ट्रिय फुटबल टोलीसँग प्रत्यक्ष सरोकार राख्ने बाहेक अन्य पदाधिकारीलाई भने बहराइनको खेल हेर्न जानबाट रोक लगाएको छ । बहराइनमा हुने फिफा विश्व कप छनोट तथा एएफसी एसियन कप छनोट खेलका लागि एन्फाले फुटबल टोलीका साथ पदाधिकारी र अन्य गरि ४१ जनाको नाम बिहीबार स्वीकृतिका लागि राखेपमा […]

March 18, 2024

एट्लेटिकोलाई हराउँदै बार्सिलोना दोस्रो स्थानमा उक्लियो

एजेन्सी – बार्सिलोना आइतबार एट्लेटिको मड्रिडलाई ३-०ले हराउँदै स्पेनिस ला लिगा अंक तालिकाको दोस्रो स्थानमा उक्लिएको छ । खेलको ३८ औं मिनेटमा जोआओ फेलिक्सले गोलमा बार्सिलोनाले अग्रता लिएको थियो । यो सिजन लिगमा उनको त्यो छैटौं गोल हो ।  दोस्रो हाफको दोस्रो मिनेटमा रोबर्ट लेवान्डोस्कीले गोल गरेपछि बार्सिलोनाको अग्रता दोब्बर भएको थियो। ६५ औं मिनेटमा […]

March 18, 2024

लिभरपुलविरुद्ध रोमाञ्चक जित सहित म्यानचेस्टर युनाइटेड सेमिफाइनलमा

एजेन्सी – चिर प्रतिद्वन्दी लिभरपुल माथि रोमाञ्चक जित दर्ता गर्दै म्यानचेस्टर युनाइटेड एफए कपको सेमिफाइनलमा प्रवेश गरेको छ । घरेलु मैदान ओल्ड ट्राफोर्डमा भएको खेलमा लिभरपुललाई अतिरिक्त समयमा ४-३ को जित निकाल्दै युनाइटेड अन्तिम चारमा पुग्न सफल भएका हो । निर्धारित ९० मिनेट २-२ को बराबरीमा सकिएपछि खेल अतिरिक्त समयमा धकेलिएको थियो । अतिरिक्त समय […]

Success

Thank you for your time.