काठमाडौं (हाम्रो खेलकुद) – एएफसी यू–२० महिला एसियन कप छनोटको दोस्रो चरणमा नेपाल समूह ‘बी’ मा परेको छ ।

एएफसीले बिहीबार सार्वजनिक गरेको समूह विभाजन अनुसार नेपाल चीन, म्यानमार र चाइनिज ताइपेई रहेको ‘बी’ समूहमा परेको हो । समूह ‘ए’ मा अष्ट्रेलिया, भियतनाम, इरान र लेबनान रहेका छन् ।

प्यालेस्टाइनमा गत महिना भएको छनोटको पहिलो चरणमा नेपाल समूह विजेता बन्दै दोस्रो चरणमा पुग्न सफल भएको थियो । नेपालले प्यालेस्टाइन र नर्दन मारियाना आइल्यान्डलाई समान ६–० को अन्तरमा पराजित गरेको थियो ।

नेपालसँगै चीन, अष्ट्रेलिया, लेवनान, चाइनिज ताइपेइ, भियतनाम, म्यानमार र इरान समूह विजेता बन्दै दोस्रो चरणमा छनोट हुन सफल भएका टोली हुन् ।

दोस्रो चरणका छनोट खेलहरु जुन ३ देखि ११ सम्म हुनेछ । जसबाट उत्कृष्ट ४ टोलीले उज्वेकिस्तानमा हुने यू–२० महिला एसियन कप खेल्नेछ ।

उज्वेकिस्तानमा हुने यू–२० महिला एसियन कप सन् २०२४ को मार्च ३ देखि १६ सम्म हुनेछ । यू–२० महिला एसियन कपमा १६ टोलीले प्रतिस्पर्धा गर्नेछन् ।

एएफसी यू–२० महिला एसियन कपमा सन् २०२४ को मार्च ३ देखि १६ सम्म उज्वेकिस्तानमा हुँदैछ । आयोजक उज्वेकिस्तानसहित जापान, उत्तर कोरिया र दक्षिण कोरिया गरी चार टोली छनोट भइसकेका छन् ।