सुनिल गाउँले, सिमरा
भरतपुर फुटबल क्लब बिहीाबरबाट सिमरामा सुरु भएको १३ औं संस्करणको जगदम्बा जीतपुर सिमरा गोल्डकपको क्वार्टरफाइनलमा प्रवेश गरेको छ ।
आयोजक नव–जनजागृती यूवा क्लबलाई ३–१ ले हराउँदै भरतपुरले अन्तिम आठको यात्रा तय गरेको हो । सुरुवाती अग्रता बनाएको भरतपुरविरुद्ध बराबरी गोल फर्काएपनि आयोजक टोली घरेलु मैदानमा निरीह बन्दै प्रतियोगिताबाट बाहिरीयो ।
भरतपुरले खेलको सातौं मिनेटमै भिष्म क्षेत्रीको गोलबाट अग्रता बनायो । आकाश थापा मगरको क्रसलाई सदुपयोग गर्दै भिष्मलेले टोलीलाई अग्रता दिलाएका थिए ।
सुरुवाती दबाब झेलेको आयोजकले खेलको ३३ औं मिनटमा बराबरी गोलको अवसर बनायो । भरतपुरका डिफेण्डरले डिबक्स भित्र फाउल गरेपछि पाएको पेनाल्टी अवसरलाई सदुपयोग गर्दै आयोजक टोलीका अफ्रिकी स्ट्राईकर ग्लोरीले खेललाई बराबरीमा पुर्याएका थिए ।
त्यसको केहि मिनेटमै भरतपुरले सिमरा विरुद्ध पेनाल्टी अवसर पायो । सुनील श्रेष्ठलाई आयोजक टोलीका फोफानाले डिबक्स भित्र फाउल गरेपछि पाएको पेनाल्टी अवसरमा भरतपुरले पूनः अग्रता बनायो । सुनीलको गोलबाट भरतपुरले पहिलो हाफमा २–१ को अग्रता बनाएको थियो ।
खेलको अन्तिम समय सम्म आयोजकविरुद्ध हाबी भएको भरतपुरले अन्तिम मिनेटमा सुनीलकै गोल मार्फत आयोजक विरुद्ध ३–१ को जित दर्ता ग¥यो । दोश्रो हाफको इन्जुरी समयको सातौं मिनटमा सुनीलले गोल गरेका थिए । आयोजकविरुद्ध आक्रामक खेल खेलेको भरतपुरका सुनील खेलको म्यान अफ दि म्याच घोषित भए । उनले दश हजार नगद सहित ट्रफि प्राप्त गरे ।
