1 year ago
March 24, 2023
एजेन्सी – भेट्रान फरवार्ड क्रिष्टियानो रोनाल्डोको कीर्तिमानसँगै युरोकप २०२४ को छनोटमा पोर्चुगलले सानदार जित दर्ता गरेको छ । घरेलु मैदानमा पोर्चुगलले लिचेस्टाइनमाथि ४–० को सानदार जित दर्ता गरेको हो । पोर्चुगलको जितमा कप्तान रोनाल्डोले दुई तथा जोओ क्यान्सेलो र बर्नाडो सिल्भाले समान एक गोल गरे । स्टेडियो जोश अल्भालेड लिस्वोआ पोर्चुगलमा बिहीबार राति भएको खेलको […]
एजेन्सी – भेट्रान फरवार्ड क्रिष्टियानो रोनाल्डोको कीर्तिमानसँगै युरोकप २०२४ को छनोटमा पोर्चुगलले सानदार जित दर्ता गरेको छ ।
घरेलु मैदानमा पोर्चुगलले लिचेस्टाइनमाथि ४–० को सानदार जित दर्ता गरेको हो । पोर्चुगलको जितमा कप्तान रोनाल्डोले दुई तथा जोओ क्यान्सेलो र बर्नाडो सिल्भाले समान एक गोल गरे ।
स्टेडियो जोश अल्भालेड लिस्वोआ पोर्चुगलमा बिहीबार राति भएको खेलको आठौं मिनेटमा क्यान्सेलोको गोलबाट पोर्चुगलले पहिलो हाफमा १–० को अग्रता लिन सफल भयो ।
४७औं मिनेटमा सिल्भाले गोल गर्दै पोर्चुगलको अग्रता दोब्बर पारे । ५१औं मिनेटमा रोनाल्डोले पेनाल्टीमा गोल गर्दै पोर्चुगललाई सहज जिततर्फ अघि बढाए । त्यसपछि ६३औं मिनेटमा रोनाल्डोले फ्रिकिकमार्फत व्यक्तिगत दोस्रो तथा टोलीका लागि चौथो गोल गर्दै पोर्चुगललाई सानदार जित दिलाए ।
यस जितसँगै समूह ‘जे’ मा पोर्चुगलले ३ अंक जोडेको छ । पराजित लिचेस्टाइनले अंक जोड्न सकेको छैन । यही समूहको अर्काे खेलमा बोस्निया एन्ड हर्जगोभिनाले आइसल्यान्डलाई ३–० ले पराजित गरेको छ । बोस्नियाको जितमा रेड क्रुनिकले २ तथा अमर डेडिकले १ गोल गरे ।
लिचेस्टाइनविरुद्धको खेलसँगै रोनाल्डो पुरुषतर्फ राष्ट्रिय टोलीबाट सबैभन्दा धेरै क्याप १९७ जित्ने खेलाडी बनेका छन् । रोनाल्डोले विश्वकपमा १९६ क्यापमा कुवेतका फरवार्ड बदेर अल–मुतावासँग बराबरी गरेका थिए ।
क्वाटरफाइनलमा मोरक्कोसँग पोर्चुगल पराजित भएपछि उनको अन्तर्राष्ट्रिय भविष्यमाथि प्रश्नचिन्ह खडा भएको थियो । तर, पाँच पटकको बालोन डी’ओर विजेतालाई नयाँ प्रशिक्षक रोबर्टो मार्टिनेजले आफ्नो प्रशिक्षणको पहिलो खेलमा नै कप्तान बनाएर सुरुवातमै खेलाए ।
लिचेस्टाइनविरुद्धको दुई गोलसँगै ३८ वर्षिय रोनाल्डोले अहिले पुरुषको कीर्तिमान १२० अन्तर्राष्ट्रिय गोल पु¥याएका छन् । सन् २००३ मा पोर्चुगलको सिनियर राष्ट्रिय टोलीमा डेब्यु गरेका रोनाल्डो गत वर्ष कतारमा भएको विश्वकपमा गोल गर्दै पाँच विश्वकपमा गोल गर्ने पहिलो व्यक्ति बनेका थिए ।
रोनाल्डोले इतिहास रचिरहेका छन् । रोनाल्डोको पछिल्लो कीर्तिमानले मात्रै उनको हैसियतलाई सबै समयका महान् खेलाडीमध्ये एकको रूपमा प्रमाणित गरेको छ । रोनाल्डोले सात घरेलु उपाधि, ११ अन्य प्रमुख घरेलु ट्रफी, पाँच च्याम्पियन्स लिग, चार क्लब विश्व कप र एउटा युरोपेली च्याम्पियनसिप जितेको छ ।
पूर्व स्पोर्टिङ लिस्बन, म्यानचेस्टर युनाइटेड, रियल म्याड्रिड र युभेन्टसका फरवार्ड दुई पटक फिफाको उत्कृष्ट पुरुष खेलाडी घोषित भएका छन् । नोभेम्बरमा, ८ सय गोल गर्ने पहिलो खेलाडी बनेका रोनाल्डोको नाममा क्लब र देश दुवैमा कीर्तिमान छ ।
रोनाल्डोको केही कीर्तिमान
सर्वाधिक च्याम्पियन्स लिग गोल (१४०)
सबैभन्दा धेरै च्याम्पियन्स लिग खेल्ने (१८३)
सर्वाधिक च्याम्पियन्स लिगमा जित (५)
तीन च्याम्पियन्स लिगको फाइनलमा गोल गर्ने एक मात्र खेलाडी
पाँच पटक युरोपेली च्याम्पियनसिपको फाइनल खेलेको
युरोपियन च्याम्पियनसिपको फाइनलमा सर्वाधिक गोल (१४)
सबैभन्दा धेरै युरो र विश्वकप फाइनल गोलहरू (२२)
विश्व फुटबलमा सबैभन्दा बढी अन्तर्राष्ट्रिय गोल (१२०)
मैत्रीपूर्ण बाहेकमा सबैभन्दा बढी अन्तर्राष्ट्रिय गोल १००)
पुरुष अन्तर्राष्ट्रिय फुटबलमा १० ह्याट्रिक गर्ने पहिलो खेलाडी
April 18, 2024
काठमाडौं (हाम्रो खेलकुद) – पुल्चोक स्पोर्टस क्लब र स्पोर्टस एकेडेमी साँगाले बिहीबार सहिद स्मारक सी डिभिजन लिगमा जित हासिल गरेको छ । सातदोबाटोस्थित एन्फा कम्प्लेक्सको एस्ट्रोतर्फमा स्पोर्टस एकेडेमीले रानीवन स्पोर्टस क्लबलाई १–० ले हराएको छ । स्पोर्टस एकेडेमी टिकाराज गुरुङले ५६ औं मिनेटमा गरेको गोल खेलको निर्णायक बन्यो । ३ खेलमा दोस्रो जितपछि स्पोर्टस् एकेडेमीको […]
April 18, 2024
काठमाडाैं (हाम्रो खेलकुद)- अखिल नेपाल फुटबल संघ (एन्फा) का उपाध्यक्ष दावा लामा छुटेका छन् । उनी बुधबार पक्राउ परेका थिए । काठमाडौं उपत्यका अपराध अनुसन्धान कार्यालयको टोलीले पक्राउ गरेर लामालाई बिहीबार उच्च अदालत पाटनमा पेश गरेको थियो । सो क्रममा लामाले सर्वोच्च अदालतबाट तारेखमा राख्नु भन्ने आदेश लिएको पेश गरेपछि उनी छुटेको अपराध अनुसन्धान कार्यालयले […]
April 18, 2024
एजेन्सी – साविक विजेता म्याचेस्टर सिटीलाई हराउँदै रियल म्याड्रिड च्याम्पियन्स लिगको सेमिफाइनलमा पुगेको छ । सिटीलाई बुधबार पेनाल्टी सुट आउटमा ४–३ ले हराउँदै रियल अन्तिम चारमा पुगेको हो । गोलकिपर लुनिनले दुई पेनाल्टी रोकेपछि १४ पटकको विजेता रियलको सेमिफाइनल यात्रा तय गरेको थियो । त्यसअघि रियल र सिटीबीचको क्वार्टरफाइनलको दोस्रो लेगको निर्धारित र थप सयम […]