त्रिभुवन आर्मी क्लब र सशत्र प्रहरी बलको टोली विभागिय डर्बीमा आमने सामने हुँदैछन्|
लिगको अंकतालिकामा गोलअन्तरले तलमाथि परेका दुवै विभागिय टोलीको समान १४ अंक रहेको छ| आर्मीले यसअघिको खेलमा अर्को विभागिय टोली नेपाल पुलिस क्लबलाई ३-० ले हराएको थियो| चोटका समस्याले सताएको पुलिस विरुद्ध आर्मीका नवयुग श्रेष्ठले ह्याट्रीक गरेका थिए|
अर्कोतर्फ ए.पि.एफ् भने थ्रि स्टार क्लबसंग ४-१को पराजय भोग्दै जारी लिगमा दोश्रो हार व्यहोर्न बाध्य भयो|
आर्मी क्लबले जारी लिगमा एउटा पनि खेल हारेको छैन र जम्मा तिन गोल मात्र खाएको छ| आजको जित हात पार्न सके आर्मी अंक तालिकको शिर्ष स्थानमा पुग्नेछ
थ्रि स्टारसंगको खेलपछि पोष्ट म्याच कन्फ्रेन्समा एन्फाविरुद्ध आक्रमक देखिएका कृष्ण थापाले झापा र मोरङविचको खेललाई मिलेमतोको आरोप लगाएपछि विवदमा तानिएका थिए| विवादमा तानिएका थापालाई चौतर्फी आक्रमण खेपिरहेका छन् भने उनले एन्फा समक्ष स्पष्टिकरण पनि पेश गर्नु परेको थियो| खेल वाहिरको परिस्थितिले दवावमा रहेका थापा खेलभित्र कस्तो प्रदर्शन देखाउँछन् भन्ने कुरा आजको नतिजाले बताउनेछ
