default_image

1 year ago

April 3, 2023

चेल्सीका प्रशिक्षक बर्खास्त

173 views

0 Bookmark

एजेन्सी – लन्डन क्लब चेल्सीले आफ्नो मुख्य प्रशिक्षक ग्राहम पोटरलाई बर्खास्त गरेको छ । शनिबार घरेलु मैदानमा एस्टन भिल्लासँग २–० ले पराजित भएसँगै पछि चेल्सीले सात महिनाभन्दा कम समयमै प्रशिक्षक पोटरलाई बर्खास्त गरेको हो ।

सेप्टेम्बर ८ मा स्टामफोर्ड ब्रिजमा थोमस टुचेललाई प्रतिस्थापन गरेपछि पोटरको प्रशिक्षणमा ३२औं खेलमा चेल्सीको यो १२औं हार हो । यो सिजन खेलाडी अनुबन्धमा ५५० मिलियन पाउन्डभन्दा बढी रकम खर्च गरेको चेल्सी प्रिमियर लिगमा ११औं स्थानमा झरेको छ । शीर्ष चारभन्दा १२ अंकले पछि छ ।

क्लबका मालिकहरूले पोटरलाई बर्खास्त गर्नमा ‘निराश’ भएको बताएका छन् । ‘जहिले पनि व्यावसायिकता र इमान्दारीताका साथ काम गरेका छन् । हामी सबै यस नतिजाबाट निराश छौं ।’

चेल्सीका मालिक टोड बोहलीले प्रशिक्षक र व्यक्तिको रूपमा ग्राहमको लागि उच्च सम्मान रहेको बताएका छन् । ब्राइटनमा पोटरसँग काम गरेका ब्रुनो साल्टरले अन्तरिम मुख्य प्रशिक्षकको रूपमा टोलीको जिम्मेवारी लिनेछन् ।

चेल्सीले मंगलबार प्रिमियर लिगमा लिभरपुलसँग र १२ अप्रिलमा च्याम्पियन्स लिगको क्वार्टरफाइनलको पहिलो लेगमा रियल म्याड्रिडको सामना गर्दैछ । पोटरको बर्खास्तसँगै यस सिजन प्रिमियर लिगमा १३ प्रशिक्षक परिवर्तन भएका छन् । लेस्टरले आइतबारै ब्रेन्डन रोजर्सलाई बर्खास्त गरेको थियो ।

‘हाम्रा अविश्वसनीय फ्यानहरूसँगै हामी सबै सिजनको बाँकी खेलमा ध्यान केन्द्रित गर्नेछौं ।’ मालिक बोहलीले भने, ‘हामीसँग प्रिमियर लिगका १० खेलहरू बाँकी छन् र च्याम्पियन्स लिगको क्वाटरफाइनल पनि छ । हामी ती प्रत्येक खेलमा सबै प्रयास र प्रतिबद्धता राख्नेछौं र सिजन समाप्त गर्नेछौं ।

July 25, 2024

मछिन्द्र र चर्च ब्वाइज विजयी

काठमाडौं (हाम्रो खेलकुद) – ललित स्मृति यु-१८ लिगमा बिहीबार मछिन्द्र एफसी र चर्च ब्वाइज युनाइटेड विजयी भएका छन् । एन्फा कम्प्लेक्स सातदोबाटमा भएको दिनको पहिलो खेलमा मछिन्द्रले एफसी खुमलटार क्लबमाथि २-१ को जित दर्ता गरेको हो । कविर तामाङ र रोनिक राना मगरले मछिन्द्रका लागि गोल गरे । यस्तै खुमलटारका लागि पवन दर्लामीले गोल फर्काएका […]

July 25, 2024

एएफसी प्लेअफ खेलमा केल्मीको बल प्रयोग हुने

काठमाडौं (हाम्रो खेलकुद) – नेपालको लिग च्याम्पियन अपि पावर चर्च ब्वाइज युनाइटेडले यसै महिनाको अन्त्यमा खेल्ने एएफसी च्यालेन्ज लिगको प्लेअफ खेलमा केल्मीको बल प्रयोग हुने भएको छ । नेपालको लागि केल्मीको आधिकारिक विक्रेता कामारु ट्रेडिङले चर्च ब्वाइजलाई प्रतियोगिता र प्रशिक्षणका लागि आवश्यक म्य्च बल उपलब्ध गराउने भएको हो । केल्मी र एएफसीबीच सन् २०२१ देखि […]

July 25, 2024

करिब दुई घण्टापछि गोल रद्द गर्दा अर्जेन्टिना पराजित

एजेन्सी – गोल गरेको करिब २ घण्टापछि गोल रद्द भएपछि पेरिस ओलम्पिकमा पुरुष फुटबलको आफ्नो पहिलो खेलमा अर्जेन्टिना पराजित भएको छ । अर्जेन्टिना मोरोक्कोसँग २-१ ले पराजित भएको हो । सोफियान रहिमीले पहिलो हाफको अन्त्यमा र ४९औं मिनेटमा गोल गर्दै मोरक्कोलाई खेलमा २ गोलको अग्रता दिलाएका थिए । ६८औं मिनेटमा जिउकियानो सिमिओनेले अर्जेन्टिनाका लागि एक […]

Success

Thank you for your time.