धनगढी (हाम्रो खेलकुद) – बाजुराकाे रानीवन क्लब तेस्रो सुदूरपश्चिम गौरीगंगा गोल्डकपको क्वाटरफाइनलमा प्रवेश गरेको छ ।

कैलालीको गौरीगंगामा जारी जग शक्ति गोल्ड टिएमटी तेस्रो सुदूरपश्चिम गौरीगङ्गा गोल्ड कप अन्तरगत बिहीबार भएको खेलमा नेपाल पुलिसको टिमलाई २–१ गोल अन्तरले पराजित गरी रानीवनले क्वाटरफाइनलमा स्थान पक्का गरेको हो ।

खेलको दोस्रो मिनेटमा नै गौरव रावतको सुन्दर हेडर गोलमार्फत बाजुराले अग्रता लिएको थियो । ४०औं मिनेटमा दिनेश रेग्मीले गोल गर्द रानीवनलाई पहिलो हाफमा २–० को अग्रता दिलाए ।

५३औं मिनेटमा चक्र बलायरले गोल गर्दै खेललाई २–१ को स्थितिमा ल्याए । त्यसपछि पुलिस खेलमा फर्कन नसक्दा प्रतियोगिताबाट बाहिरिन पुग्यो । रानीवनका मिलन रेग्मी प्लेयर अफ दी म्याच चुनिए । प्रतियोगिता अन्तरगत शुक्रबार बर्दिया र कञ्चनपुरको टिम प्रतिस्पर्धा गर्नेछन् ।

गौरीगंगा–११ स्पोर्टस् क्लबले आयोजनामा जारी प्रतियोगिता चैत ३० गतेसम्म सञ्चालन हुने छ । विजेतालाई ट्रफी सहित नगद ४ लाख र उपविजेता लाई ट्रफी सहित नगद २ लाख पुरस्कार प्रदान गरिने छ भने सर्वोत्कृष्ट खेलाडीलाई नगद ५० हजार प्रदान गरिने आयोजकले जानकारी दिएको छ ।

साथै सर्वाधिक गोलकर्ता, उत्कृष्ट गोलरक्षक लगायत विभिन्न विद्याका उत्कृष्ट खेलाडीलाई विधागत रूपमा ट्रफी सहित नगद १० हजार पुरस्कार दिइने छ ।