default_image

1 year ago

April 10, 2023

आज ‘नेप-क्लासिको’ अर्थात मनाङ र थ्री स्टारको भिडन्त

179 views

0 Bookmark

काठमाडौं (हाम्रो खेलकुद) – सहिद स्मारक ए डिभिजन लिग अन्तर्गत सोमबार दशरथ रंगशालामा नेपालको घरेलु फुटबलका दुई चिर परिचित प्रतिद्वन्द्वी थ्री स्टार क्लब र मनाङ मर्स्याङ्दी क्लब आमने-सामने हुँदैछन् । विश्व फुटबलको चर्चित प्रतिस्पर्धा एल क्लासिकोलाई आधार मान्दै यस खेललाई नेप-क्लासिको पनि नाम दिइन्छ । खेल साँझ ५:४५ बजे सुरु हुनेछ ।

मनाङ ६ खेलमा १४ अंक जोड्दै अंक तालिकाको शीर्ष स्थानमा छ । थ्री स्टार भने ६ खेलमा १० अंकका साथ छैटौं स्थानमा छ । तर आजै दिउँसो २ बजे हुने खेलमा चर्च ब्वाइजले एपिएफलाई पराजित गरे मनाङको शीर्षस्थानमा पकड गुम्नेछ । मनाङ छैटौं चरणमा शीर्षस्थानमा रहेकाले आफ्नो अपराजित यात्रा कायम राख्दै कम्तिमा पहिलो स्थानमा पकड जमाउन चाहन्छ ।

जारी लिगमा मनाङले ६ खेलमा ४ जित र २ बराबरीको नतिजा निकालेको छ । पहिलो खेलमा हिमालयन शेर्पा र तेस्रोमा मच्छिन्द्रसँग अंक बाँडेको मनाङले संकटा, एनआरटी, एपिएफ र फ्रेन्ड्सलाई पराजित गरेको छ । प्रशिक्षक किरण श्रेष्ठले मिडफिल्डर दिवान्दु डियाग्नेलाई लक्षित गर्दै टिम निर्माण गरेका छन् । राष्ट्रिय टोलीका ४ खेलाडीसहित टोली निकै बलियो देखिएको छ ।

फरवार्ड कोफी कोउडुले पछिल्लो ३ खेलमा ३ गोल गर्दै राम्रो सुरुवात गरेका छन् । सुमित श्रेष्ठले लेफ्ट विंगमा लगातर प्रभाव जमाउँदा कमल थापा पनि आक्रामक मिडफिल्डमा जमेका छन् । गोलरक्षक दिप कार्कीसँगै मनाङको रक्षापंक्तिले बलियो प्रदर्शन गरिरहेको छ । ६ खेलमा मनाङले मात्र ३ गोल खाएको छ ।

यता थ्री स्टारले ६ खेलमा ३ जित, १ बराबरी र २ हारको नतिजा निकालेको छ । पहिलो खेलमा एपिएफसँग स्तब्ध भएको थ्री स्टार पाँचौ खेलमा जावलाखेलसँग पनि हारेको थियो । दोस्रो खेलमा फ्रेन्ड्ससँग ३-३ को बराबरी खेलेको थ्री स्टारले आर्मी, सातदोबाटो र खुमलटारलाई भने हराएको थियो ।

थ्री स्टारबाट आज अनुभवी फरवार्ड सन्तोष साहुखलले पुनरागमन गर्ने सम्भावना छ । पछिल्लो चार दिनयता टोलीसँग प्रशिक्षण गरेका सन्तोषले नयाँ सिजनका लागि सम्झौता गरिसकेका छन् । पूर्व क्लब मनाङविरुद्ध उनले सिजनको पहिलो खेल खेल्ने सम्भावना छ । विराज महर्जन पनि थ्री स्टार फर्केपछि पूर्व क्लब मनाङविरुद्ध उत्रने तयारीमा छन् ।

कप्तान विक्रम लामा फेरी पनि मिडफिल्डमा खेल्ने सम्भावना छ । पछिल्ला सिजन डिफेन्समा झरेका विक्रम आर्मीविरुद्ध मिडफिल्डमा छाएका थिए । युवा मिडफिल्डर लाकेन लिम्बु, दिपेश गुरुङ र अनिल महर्जनमध्य दुईले उनलाई साथ दिनेछन् । सातदोबाटोबाट प्रशिक्षक मेघराज केसीसँग थ्री स्टार आएका विदेशी खेलाडीद्वय पिटर सेगुन र अजायी मार्टिन्ससँगै आदित्य शाक्य पनि लयमा छन् ।

आजको खेल :

July 24, 2024

सेल्टिकले म्यानचेस्टर सिटीलाई हरायो

एजेन्सी – प्रि-सिजन खेलहरुका लागि अमेरिका पुगेको इंग्लिश क्लब म्यानचेस्टर सिटी स्कटिस क्लब सेल्टिकसँग पराजित भएको छ । च्यपेल हिल शहरमा भएको खेलमा म्यानचेस्टर सिटी ४-३ ले पराजित भएको हो । सेल्टिकले पहिलो हाफमा नै ३-१ को अग्रता लिएको थियो । निकोलस-गेरिट कुह्नले १३औं मिनेटमा सेल्टिकलाई अग्रता दिलाएका थिए । ३३औं मिनेटमा सिटीका ओस्कार बबले […]

July 24, 2024

नेपालमा संचालित ‘रोड टु टोटेनहम’ अवैध

सुबास हुमागाईं, काठमाडौं भारतीय क्लब किकस्टार्ट फुटबल क्लबले स्थानीय क्लब र संस्थासँग मिलेर इंग्लिस प्रिमियर लिगको क्लब टोटेनहम हट्सपर सम्म पुर्याउने भन्दै नेपालमा आयोजना गरेको ‘रोड टु टोटेनहम’ कार्यक्रम अवैध भएको पाइएको छ । किकस्टार्टले नेपालको बी डिभिजन क्लब श्री भगवती क्लब टोखा र भकुन्डो एनपी नामक संस्थासँग मिलेर ‘रोड टु टोटेनहम’ नामक कार्यक्रम दुई […]

July 22, 2024

मछिन्द्र र सातदोबाटोको बराबरी, संकटा र चर्च ब्वाइजले पनि अंक बाँडे

काठमाडौं (हाम्रो खेलकुद) – ललित स्मृति यु-१८ लिग अन्तर्गत सोमबार भएका दुवै खेल बराबरीमा सकिएका छन् । दुवै खेल १-१ को बराबरीमा सकिएको हुन् । एन्फा कम्प्लेक्स सातदोबाटोमा भएको दिनको पहिलो खेलमा मछिन्द्र एफसी र सातदोबाटो युथ क्लबले बराबरी खेले । ६३औं मिनेटमा रोनिक राना मगरको गोलमा लिएको अग्रता पश्चात ७९औं मिनेटमा आदेश लामाले गोल […]

Success

Thank you for your time.