default_image

1 year ago

April 12, 2023

मनाङलाई हराउँदै सातदोबाटो शीर्षस्थानमा उक्लियो

230 views

0 Bookmark

काठमाडौं (हाम्रो खेलकुद) – सातदोबाटो युवा क्लब सहिद स्मारक ए डिभिजन लिगमा मनाङ मर्स्याङ्दी क्लबलाई हराउँदै शीर्षस्थानमा उक्लिएको छ ।

लयमा रहेका राष्ट्रिय टोलीका फरवार्ड दीपक राज सिंह ठकुरीले पहिलो हाफमा गरेको गोलको मदतमा जित हासिल गर्दै सातदोबाटो मनाङको शीर्षस्थान खोस्न सफल भयो । दशरथ रंगशालामा बुधबार १-० ले पराजित भएसँगै मनाङको अपराजित यात्रामा पूर्णविराम लागेको छ ।

सातदोबाटो ८ खेलमा ५ जित, १ बराबरी र २ हारसँगै १६ अंक जोडेर अग्रस्थानमा पुगेको हो । मनाङ भने ८ खेलमा ४ जित, ३ बराबरी र १ हारका साथ १५ अंक जोडेर दोस्रो स्थानमा झरेको छ ।

४० औं मिनेटमा सातदोबाटोले दीपक राज सिंह ठकुरीको गोलमा अग्रता लियो । निरज चौधरीले दिएको पासमा दीपकले आफ्नो गतिको प्रयोग गर्दै डिफेन्स लाइन बिट गरेपछि गोलरक्षक दिप कार्कीविरुद्ध वन भर्सेस वनमा गोल गरे । दिपकको यो लिगमा छैटौं गोल हो । त्यसअघि विलियम ओपोकुले पेनाल्टी क्षेत्र बाहिरबाट गरेको शक्तिशाली फ्रिकिक प्रहार गोलरक्षक दिपले पन्च गरेका थिए ।

६४ औं मिनेटमा विलियमको प्रहारमा पुन: दीप नै बाधक बने । पेनाल्टी क्षेत्र बाहिर ३ डिफेन्डर पार गर्दै मिडफिल्डरको शक्तिशाली प्रहार दीपले मुस्किलले बचाए ।

त्यसअघि दिउँसो भएको खेलमा संकटाले न्यू रोड टिमलाई २-१ ले हरायो । हिमालयन शेर्पाले एपिएफमाथि ५-३ को जित दर्ता गरेको हो ।

July 16, 2024

मनाङ मर्स्याङ्दी र मछिन्द्रको विजयी सुरुवात

काठमाडौं (हाम्रो खेलकुद) – ललित स्मृति यु-१८ लिगमा मनाङ मर्स्याङ्दी क्लब र मछिन्द्र फुटबल क्लबले विजयी सुरुवात गरेका छन् । मंगलबार भएको दिनको पहिलो खेलमा मनाङ मर्स्याङ्दीले संकटा क्लब विरुद्ध १-० को जित हात पारेको हो । मनाङ मर्स्याङ्दीका लागि विशाल चन्दले ४०औं मिनेटमा एकमात्र गोल गरे । दिनको दोस्रो खेलमा मछिन्द्रले त्रिभुवन आर्मीका क्लबलाई […]

July 16, 2024

एमबाप्पे रियल म्याड्रिड खेलाडीका रुपमा सार्वजनिक

एजेन्सी – फ्रान्सको राष्ट्रिय फुटबल टोलीका कप्तान किलियन एमबाप्पे मंगलबार सान्टियागो बर्नाबाउमा रियल म्याड्रिडका खेलाडीको रुपमा सार्वजनिक भएका छन् । एमबाप्पे २०२३/२४ क्लब सिजनको अन्त्यपछि फ्री ट्रान्सफरमा पेरिस सेन्ट जर्मेन (पिएसजी) बाट रियल गएका हुन् । २५ वर्षीय फरवार्डलाई स्वागत गर्न रियलको रंगशालामा ८० हजारभन्दा बढी समर्थक उपस्थित थिए ।  पिएसजीमा रहँदा एमबाप्पेले ६ पटक […]

July 16, 2024

साउथगेटले इंग्ल्याण्डको मुख्य प्रशिक्षकको जिम्मेवारी छाडे

एजेन्सी – इङ्ल्यान्ड राष्ट्रिय फुटबल टोलीका मुख्य प्रशिक्षक ग्यारेथ साउथगेट जिम्मेवारीबाट अलग भएका छन् । साउथगेटले युरो कप फाइनलको हारपछि मुख्य प्रशिक्षक पदबाट राजीनामा दिएको इङ्ल्यान्ड फुटबल एसोसिएसनले जनाएको हो । जर्मनीमा आइतबार भएको फाइनलमा इङ्ल्यान्ड स्पेनसँग २-१ ले पराजित भएको थियो । यो साउथगेटको प्रशिक्षणमा इङ्ल्यान्डको लगातार दोस्रो युरो कप फाइनल हार थियो । […]

Success

Thank you for your time.