स्पेन (एजेन्सी)– एट्लेटिको मड्रिडले कोपा डेल रेको क्वार्टरफाइनल पुग्ने सम्भावना बलियो बनाएको छ । गएराती पहिलो लेगको अवे खेलमा लस पालामासलाई २–० ले हराउँदै एट्लेटिकोले अन्ति आठको सम्भावना मजबुद बनाएको हो ।
दुवै हाफमा १/१ गोल गर्दै अग्रता लिएपछि एट्लेटिकोका लागि दोस्रो लेग सह जबनेको छ । टोलीका लागि कोकेले पहिलो हाफ र एन्टोनी ग्रिजमानले दोस्रोहाफमा गोल गरेका थिए । ला लिगमा एटलेटिको भन्दा ७ अंकले पछि रेहेको लस पालमासले भने घरेलु मैदानमा साहसीपूर्ण खेल प्रदर्शन गरेपछि गोल गर्न भने सकेन ।
कोकेको २३ औ मिनेटमा झन्डै २० यार्डबाट गोल गर्दै एट्लेटिकोलाई अग्रता दिलाएका थिए । खेलमा पछि परेपनि पहिलो हाफमा लस पालमास एट्लेटिकोलाई दबाबमा राख्न सफल भएको थियो । दोस्रो हाफमा पनि घरेलु टोलीले बल पोजेसन धेरै राख्यो तर गोल गर्न सकेन ।
५० औं मिनेटमा केभिन गेमैरोले बल मिलाइ दिएपछि फरवार्ड ग्रिजमानले खाली पोस्टमा हेड मार्फत गोल गर्दै अन्तरलाई दोब्बर पारेका थिए । लस पालमासले खेलको अन्त्यतिर केही गोलको प्रयास गर्यो तर सफल भएन । कोपाल डेल रेका अन्य खेलमा ओसासुनाले ऐबारलाई ३–० र सेल्टा भिगोले भ्यालेन्सियालाई ४– ले हरायो भने डिपोर्टिभो ला कोरुना र अलाभेसबीचको खेल २–२ को बराबरीमा टुंगियो ।
