default_image

5 months ago

April 16, 2023

सातदोबाटोलाई पुलिसले रोक्यो

काठमाडौं (हाम्रो खेलकुद) – नेपाल पुलिस क्लबले सहिद स्मारक ए डिभिजन लिगमा सातदोबाटो युवा क्लबलाई बराबरीमा रोकेको छ । दशरथ रंगशालामा आइतबार पुलिस र सातदोबाटोबीचको खेल गोलरहित बराबरीमा सकिएको हो । दुवै टोलीले गोलको अवसर सिर्जना गरेपनि अग्रता लिन सकेनन् । यस बराबरीसँगै सातदोबाटो ९ खेलमा १७ अंकसहित दोस्रो स्थानमा कायम छ । शीर्षस्थानमा रहेको […]

32 views

0 Bookmark

काठमाडौं (हाम्रो खेलकुद) – नेपाल पुलिस क्लबले सहिद स्मारक ए डिभिजन लिगमा सातदोबाटो युवा क्लबलाई बराबरीमा रोकेको छ ।

दशरथ रंगशालामा आइतबार पुलिस र सातदोबाटोबीचको खेल गोलरहित बराबरीमा सकिएको हो । दुवै टोलीले गोलको अवसर सिर्जना गरेपनि अग्रता लिन सकेनन् । यस बराबरीसँगै सातदोबाटो ९ खेलमा १७ अंकसहित दोस्रो स्थानमा कायम छ ।

शीर्षस्थानमा रहेको जावलाखेलको समान अंक भएपनि हेड टु हेडमा जावलाखेल अघि रहेको हो । शीर्षस्थानमा उक्लने अवसर गुमाएको सातदोबाटोले ९ खेलमा ५ जित, २ बराबरी र २ हारको नतिजा निकालेको छ ।

यस्तै नेपाल पुलिस क्लब ९ खेलमा ५ अंक जोड्दै पुछारबाट एक स्थान माथि उक्लिएको छ । पुलिसको ९ खेलमा १ जित, २ बराबरी र ६ हारको नतिजा छ । फ्रेन्ड्ससँग समान अंक जोडेपनि हेड टु हेडमा पुलिस अघि रहेको हो ।

त्यसअघि च्यासल मैदानमा तीन रातो कार्ड देखाइएको खेलमा संकटा क्लबले नेपाल एपिएफ क्लबलाई पराजित गरेको थियो । निर्धारित समयभन्दा आधा घण्टा ढिलो सुरु भएको खेलमा संकटा १-० ले विजयी भएको हो ।

दिउँसो ३ बजे सुरु हुनुपर्ने खेल जर्सी जुध्दा झन्डै आधा घण्टा ढिलो सुरु भएको थियो । संकटाका गोलरक्षक टिकेन्द्र थापा र एपिएफको जर्सी जुधेपछि खेल निर्धारित समयमा सुरु हुन सकेन । एन्फा प्रतिनिधिको निरन्तर आग्रहपछि संकटाका गोलरक्षक टिकेन्द्रले सेतो पोलो टिसर्ट लगाएर खेलेका थिए ।

खेलको २९ औं मिनेटमा संकटाले अग्रता लिएको थियो । जुनियर एन्कुंगेले पेनाल्टीमा गोल गर्दै संकटालाई अघि बढाएका थिए । पेनाल्टी क्षेत्रभित्र अडामा डुम्बियाले आयुष घलानलाई लडाएपछि रेफ्रीले पेनाल्टी दिएका थिए ।

दोस्रो हाफमा मनिष डाँगी र दिपेश धिमाल दोहोरो पहेंलो कार्ड खाँदै बाहिरीए । एक अर्कामाथि हातपात गरेपछि रेफ्री नविन्द्र महर्जनले दुवैलाई दोहोरो पहेंलो कार्डपछि रातो कार्ड देखाएका थिए । संकटाकै आन्द्रे थिएरी बिइक बिइकले पनि रातो कार्ड पाएका थिए ।

यस जितसँगै संकटा लिगको चौथो स्थानमा उक्लिएको छ । ९ खेलमा टोलीले ४ जित, ३ बराबरी र २ हारको नतिजा निकाल्यो । यता एपिएफ ११ अंकसहित नवौं स्थानमा छ । एपिएफले ३ जित, २ बराबरी र ४ हारको नतिजा निकालेको छ ।

सोमबार लिगमा दुई खेल हुनेछन् । फ्रेन्ड्स र हिमालयन शेर्पाले एन्फा कम्प्लेक्समा तथा थ्री स्टार र चर्च ब्वाइजले च्यासलमा खेल्नेछन् । दुवै खेल दिउँसो ३ बजे हुनेछ ।

September 22, 2023

नागल्सम्यान जर्मनीको प्रशिक्षक नियुक्त

एजेन्सी – जर्मन राष्ट्रिय फुटबल टोलीको नयाँ प्रशिक्षकमा जुलियन नागल्सम्यानको अनुबन्ध भएका छन् । जर्मन फुटबल फेडेरेसनले शुक्रबार दिउँसो नागल्सम्यानलाई १० महिनाका लागि प्रशिक्षकको भूमिकामा अनुबन्ध गरेको हो । जर्मनीमै आयोजना हुने युरोपेली च्याम्पियनसिप २०२४ का लागि उनले जिम्मेवारी सम्हाल्ने भएका हुन् । कतारमा भएको विश्वकपमा समूह चरणबाट बाहिरिएको र पछिल्लो समय लगातार खराब नतिजापछि […]

September 22, 2023

महिला फुटबलमा नेपाल भिएतनामसँग पराजित

हाङ्गचौ (हाम्रो खेलकुद) – नेपाली महिला राष्ट्रिय फुटबल टोलीले १९ औं एसियाली खेलकुद अन्तर्गत समूह डी को पहिलो खेलमा भिएतनामसँग हार बेहोरेको छ । पहिलो हाफ गोलरहित बराबरी खेलेको नेपालले दोस्रो हाफमा भने २ गोल खाएसँगै २-० को हार बेहोरेको हो । भिएतनामका लागि ५३ औं मिनेटमा फाम हाइ एनले गोल गरेकी थिइन् । थि […]

September 22, 2023

एसियाडमा आज नेपालले महिला फुटबल र टेबल टेनिसमा प्रतिस्पर्धा गर्दै

हाङ्गचौ (हाम्रो खेलकुद) – एसियाली खेलकुदको १९ औं संस्करण अन्तर्गत उद्घाटन समारोहको अघिल्लो दिन नेपालले २ खेलको तीन स्पर्धामा सहभागिता जनाउँदैछ । नेपालले आज दिउँसो १:४५ बजे (स्थानीय समय ४ बजे) महिला फुटबलमा भिएतनामको सामना गर्दैछ । समूह डी मा रहेको नेपालले यसपछि जापान र बंगलादेशसँग खेल्नेछ । पुरुष फुटबलमा भने नेपालले सहभागिता जनाएको छैन […]

Success

Thank you for your time.