काँकरभिट्टा (हाम्रो खेलकुद)– कर्ण लिम्बुको ह्याट्रिकसँगै झापा ११ मेची नेत्रालय दोस्रो काँकरभिट्टा गोल्डकप फुटबल प्रतियोगिताको उपाधि नजिक पुगेको छ । रुपन्देही ११ लाई ४–० को फराकिलो अन्तरले हराउँदै झापाले फाइनल यात्रा तय गरेको थियो ।
कर्ण लिम्बु (फाइल फोटो) ।
कर्णले दोस्रो हाफमा २६ मिनेट भित्र ह्याट्रिक पुरा गरेपछि झापाको फराकिलो जित सम्भव भएको थियो । अर्को गोल योगश गुरुङले गरेका थिए । योगेशले ३७ औं मिनेटमा गोल गर्दै टोलीलाई अग्रता दिलाएका थिए । कर्णले ५१ औं मिनेटमा गोल गर्दै अन्तरलाई दोब्बर पारे । उनले नै ७५ मिनेटमा अर्को गोल थपे भने त्यसको दुई मिनेटपछि गोल गरेर ह्याट्रिक पुरा गरे ।
