1 year ago
April 18, 2023
एजेन्सी – इंग्लिस प्रिमियर लिगमा लिभरपुलले सानदार जित दर्ता गरेको छ । लिभरपुलले घरेलु टोली लिड्स युनाइटेडमाथि ६–१ को फराकिलो जित निकालेको हो । लिभरपुलको फराकिलो जितमा मोहम्मद सलाह र डिएगो जोटाले समान दुई तथा कोडी गाक्पो र डार्विन नुनेजले समान एक गोल गरे । घरेलु टोली लिड्सका लुइस सिनिसटेराले एक गोल फर्काए । एलान […]
एजेन्सी – इंग्लिस प्रिमियर लिगमा लिभरपुलले सानदार जित दर्ता गरेको छ । लिभरपुलले घरेलु टोली लिड्स युनाइटेडमाथि ६–१ को फराकिलो जित निकालेको हो ।
लिभरपुलको फराकिलो जितमा मोहम्मद सलाह र डिएगो जोटाले समान दुई तथा कोडी गाक्पो र डार्विन नुनेजले समान एक गोल गरे । घरेलु टोली लिड्सका लुइस सिनिसटेराले एक गोल फर्काए ।
एलान रोड लिड्समा सोमबार राति गोलको वर्षा भएको खेलमा पाहुना टोली लिभरपुलले खेलको ३५औं मिनेटमा कोडी गाक्पोको गोलबाट अग्रता लिएको थियो । उनले ट्रेन्ट एलेक्सान्डर आर्नाेल्डको पासमा गोल गर्न सफल भएका थिए ।
३९औं मिनेटमा सलाहले गोल गर्दै लिभरपुललाई पहिलो हाफमा २–० को अग्रता दिलाए । उनले डिएगो जोटाको पासमा गोल गर्न सफल भएका थिए ।
४७औं मिनेटमा लुइस सिनिसटेराले गोल गर्दै खेललाई २–१ को स्थितिमा ल्याउँदै लिभरपुललाई खेलमा फर्कने संकेत दिए । तर, त्यसपछि लिभरपुलले चार गोल थप्दै टोलीलाई सानदार जित दिलाए । ५२औं मिनेटमा जोटाले कर्टिस जोन्सको पासमा गोल गर्न सफल भए ।
६४औं मिनेटमा मोहम्मद सलाहले गाक्पोको पासमा व्यक्तिगत दोस्रो तथा टोलीका लागि चौथो गोल गरेपछि लिभरपुल खेलमा ४–१ ले अघि बढ्यो । ७३औं मिनेटमा जोटाले जोर्डन हेन्डरसनको पाुमा गोल गर्दै लिभरपललाई फराकिलो जिततर्फ अग्रसर गराए ।
त्यसपछि इन्ज्युरी समयमा परिवर्तित खेलाडी नुनेजले गोल गर्दै लिभरपुललाई सानदार जित दिलाए । ८१औं मिनेटमा सलाहको स्थानमा मैदान छिरेका नुनेजले ट्रेन्ट एलेक्सान्डर आर्नाेल्डको पासलाई सदुपयोग गरेका थिए ।
लिभरपुलले ५ खेलपछि जित निकालेको हो । ५ मार्चमा म्यानचेस्टर युनाइटेडलाई ७–० ले पराजित गरेपछि लिभरपुलले जित निकाल्न सकेको थिएन । त्यसपछि लिभरपुल बर्नमाउथ, रियल म्याड्रिड र म्यानचेस्टर सिटीसँग पराजित भएको थियो । चेल्सी र आर्सनलसँग बराबरी खेलेको थियो ।
यस जितसँगै लिभरपुल ३० खेलबाट ४७ अंक जोडेर आठौं स्थानमा यथावत रहेको छ । पराजित लिड्स ३१ खेलबाट २९ अंक जोडेर १६औं स्थानमा छ ।
May 3, 2024
काठमाडौं (हाम्रो खेलकुद) – इङ्ल्यान्ड भ्रमणमा रहेको नेपाली राष्ट्रिय फुटबल टोलीले पहिलो खेलमा गोलरहित बराबरी खेलेको छ । एल्डरशट स्थित मिलिटरी स्टेडियममा भएको खेलमा नेपालले ब्रिटिश आर्मी टोली विरुद्ध गोलरहित बराबरी खेलेको हो । नेपाली टोली भिसा ढिलो आएका कारण अन्योलमा रहेको खेल अन्त्यमा तालिका अनुसार नै अघि बढेको थियो । खेल अवधिभर नेपाली टोली […]
May 3, 2024
काठमाडौं (हाम्रो खेलकुद) – सहिद स्मारक सि डिभिजन लिग अन्तर्गत शुक्रबार सम्पन्न खेलहरुमा समाज कल्याण खेलकुद केन्द्र र स्पोर्ट्स एकेडेमी साँगा विजयी भएका छन् । एन्फा कम्प्लेक्स सातदोबाटोमा भएको दिनको पहिलो खेलमा समाज कल्याणले साँगा माथि ५-० को फराकिलो जित दर्ता गरेको हो । समाज कल्याणको जितमा सुजन चौधरीले ह्याट्रिक पूरा गरे। यस्तै रोजल दाहालले […]
May 3, 2024
काठमाडौं (हाम्रो खेलकुद) – इङ्ल्यान्ड भ्रमणमा रहेको नेपाली राष्ट्रिय फुटबल टोलीले आज पहिलो मैत्रीपूर्ण खेल खेल्दैछ । ब्रिटिश आर्मीको टोली विरुद्ध आज नेपाली टोलीले खेल्नेछ । भिसा प्रक्रियामा निकै ढिलो हुँदा एन्फाले टोलीका सदस्यलाई फरक-फरक समयमा विभिन्न विमानमा पठाउनु परेको थियो । टोली फरक-फरक समयमा इङ्ल्यान्ड पुगेको थियो भने केही खेलाडीहरू हिजो मात्र पुगेका थिए […]