दिपक बोहोरा
पाँचथर– कर्ण सिं सोनाम क्लब ताप्लेजुङ फिदिम पाँचथरमा जारी आठौं फागुनन्द गोल्डकपको सेमिफाइनलमा पुगेको छ । चर्च ब्याइज काठमाडौंलाई बुधबार ६–१ फराकिलो अन्तरले हराउँदै साविक विजेता समेत रहेको कर्ण सिं सोनाम क्लब अन्तिम चारमा पुगेको हो । अब टोलीले सेमिफाइनलमा एलाभेन एरोज सुनसरी सँग प्रतिस्पर्धा गर्नेछ ।
फिदिम उच्च मावि मैदानमा भएको खेलमा अग्रता जोगाउन नसक्दा चर्च ब्याइज फराकिलो पराजय बेहोरेको हो । अजय मार्टिन कायोडे १३ आंै मिनेटमा गोल गर्दै चर्च ब्वाइजलाई अग्रता दिलाएका थिए । मार्टिनले रिबाउन्डमा आएको बलमा गोल गरेका थिए । ३८ आंै मिनेटमा ताप्लेजुङका निराजन खड्काले बराबरी गोल गरेका थिए । कर्नर बाट आएको बलमा उनले पेनाल्टी बक्स भित्रबाट गोल गरेका थिए ।
दोस्रो हाफमा ताप्लेजुङका लागि अफ्रिकिमुलका सेगुनले ह्याट्रिक पुरा गरे भने सुनिल बल ले थप २ गोल गरे । सेगुनले ४१ औं मिनेटमा गोल गर्दा रोजिन सुब्बाको पास सदुपयोग गरे । ४६ औं मिनेटमा हेडमार्फत गोल गरेका सेगुनले ७८ आंै मिनेटमा अर्को गोल गर्दै ह्याट्रिक पुरा गरेका हुन् । सुनिलले ५३ औं मिनेटमा रोजिनकै पासमा गोल गरेका थिए । उनले अर्को गोल इन्जुरी समयमा गरे । त्यसमा समिर राईको पास थियो । सेगुन खेलको म्यान अफ दी म्याच घोषित भए ।
