1 year ago
April 28, 2023
काठमाडौं (हाम्रो खेलकुद) – फुटबलर्स मिसन टुगेदरको दोस्रो साधारण सभाले अशोकरत्न बज्राचार्यलाई सर्वसम्मत अध्यक्ष चयन गरेको छ । गत साता भएको साधारण सभाले अध्यक्षसहित सबै पदमा निर्विरोध चयन गरेको थियो ।
भिक्टोर शम्शेर जबरा, विज्ञानराज शर्मा, निरन्जन राणा, उपेन्द्रमान सिंह र सरिला श्रेष्ठ उपाध्यक्ष चयन भएका छन् । महासचिवमा धिरेन्द्र प्रधान, सचिवमा बालगोपाल महर्जन, हरि खड्का, कमला हिराचन, विराजजंग शाही कोषाध्यक्ष र अनिल गुरुङ सह कोषाध्यक्ष चुनिएका छन् ।
सदस्यमा राजु काजी शाक्य, राजेश मानन्धर, ज्ञानि राजा श्रेष्ठ, राकेश श्रेष्ठ,विराज महर्जन, अष्मिता मानन्धर, लुना प्रधान, लिला थापा, पवन राना मगर, हरि सुन्दर श्रेष्ठ र विकास मल्ल सदस्य चयन भएका छन् । त्यसअघि साधारण सभामा महासचिवले प्रगती विवरण र कोषाध्यक्षले आर्थिक प्रतिवेदन पेश गरेका थिए । साधारण सभाले सातै प्रदेशमा शाखा विस्तार गर्ने र कार्यक्रम सन्चालन गर्ने योजना पास गरेको छ ।
साथै साधारण सभाले भिक्टोर शम्शेर जबराको संयोजकत्वमा कार्यक्रम तथा योजना समिति, विज्ञानराज शर्माको संयोजकत्वमा सामाजिक उत्तर दायित्व समिति, वसन्तकुमार लामाको संयोजकत्वमा आर्थिक समिति, धिरेन्द्र प्रधानको संयोजकत्वमा प्रेस तथा पब्लिकेसन्स समिति गठन गरेको छ ।
फुटबलर्स मिसन टुगेदरले फुटबल खेलाडीका लागि एक लाख रुपैयाँको विमा, अन्तर्राष्ट्रिय खेलाडीका लागि कार्ड जारी गर्ने निर्णय गरेको छ । संस्थाले अच्युतकृष्ण खरेल, पदमकृष्ण श्रेष्ठ, मथुराप्रसाद श्रेष्ठ र विष्णुगोपाल श्रेष्ठ रहेको सल्लाहकार सम्मलित गठन गरेको छ । कार्यसमितिले मधुसुदन उपाध्यायलाई प्रमुख कार्यकारी अधिकृत नियुक्त गरेको छ ।
May 18, 2024
एजेन्सी – इंग्लिस क्लब म्यानचेस्टर सिटीका पहिलाे राेजाईका ब्राजिली गोलरक्षक एडर्सन मोराएसले दुई महत्वपूर्ण खेल गुमाउने भएका छन् । आँखाको चोटका कारण मोराएसले प्रिमियर लिगको उपाधि निर्णायक र एफए कपको फाइनल खेल गुमाउने भएका हुन् । मंगलबार टोटेनहमलाई २–० ले पराजित गरेको खेलमा ३० वर्षीय मोराएसले चोट बोक्न पुगेका थिए । स्पर्शका क्रिस्टियन रोमेरोसँग जुध्न […]
May 17, 2024
एजेन्सी – बागमती युवा क्लब जारी सहिद स्मारक सि डिभिजन लिगको शीर्ष स्थानमा उक्लिएको छ । एन्फा कम्प्लेक्स सातदोबाटोमा शुक्रबार भएको खेलमा खालीवारी युवा क्लब विरुद्ध गोलरहित बराबरी खेलेसँगै बागमती शीर्ष स्थानमा उक्लिएको हो । बागमतीको ८ खेलमा १७ अंक पुगेको छ । १०औं स्थानमा रहेको खालीबारीको भने ९ खेलमा ९ अंक मात्र रहेको छ […]
May 17, 2024
एजेन्सी – पोर्चुगिज भेट्रान फुटबल स्टार क्रिस्टियानो रोनाल्डो बेलायती म्यागजिन ‘फोर्ब्स’ को सबैभन्दा धेरै कमाउने खेलाडीको सुचीमा शीर्षस्थानमा रहेका छन् । उनी आफ्नो करिअरमा चौथोपटक म्यागजिन ‘फोर्ब्स’ को सबैभन्दा धेरै कमाउने खेलाडीको सुचीमा शीर्षस्थानमा पुगेका हुन् ।गत वर्ष साउदी अरेबियाको अल नासर गएपछि रोनाल्डो यो सुचीको शीर्षस्थानमा थिए । यसवर्ष पनि उनी शीर्षस्थानमा रहेका हुन् […]