default_image

1 year ago

April 29, 2023

भारी वर्षाले चर्च ब्वाइज र मनाङको खेल पनि स्थगित, भोली हुने

284 views

0 Bookmark

काठमाडौं (हाम्रो खेलकुद) – भारी वर्षा नरोकिएपछि शनिबारको लागि तय भएको सहिद स्मारक ‘ए’ डिभिजन लिग अन्तरगत चर्च ब्वाइज युनाइटेड र मनाङ–मर्स्याङ्दी क्लबबीचको खेल पनि स्थगित भएको छ ।

भारी वर्षा नरोकिएपछि अखिल नेपाल फुटबल संघ (एन्फा) ले चर्च ब्वाइज र मनाङबीचको खेल शनिबारको लागि स्थगित गर्दै आइतबार हुने जानकारी गराएको छ । अब चर्च ब्वाइज र मनाङबीचको खेल सातदोबाटोस्थित एन्फा कम्प्लेक्समा आइतबार दिउँसो ३ः३० बजे हुनेछ ।

अविरल वर्षापछि चर्च ब्वाइज र मनाङले वार्मअप पनि रंगशालामा गर्न पाएको थिएन । यस्तै शनिबार खेल हुँदा हुँदै रोकिएको दुई खेल पनि सोमबार नै हुने एन्फाले जनाएको छ ।

भारी वर्षाका कारण रंगशालामा हिमालयन शेर्पा क्लब र विभागीय त्रिभुवन आर्मी क्लबबीचको तथा च्यासलमा संकटा क्लब र जावलाखेल युथ क्लबबीचको खेल रोकिन पुगेको थियो ।

एन्फाले शनिबार रोकिएको दुई खेल रोकिएको समयबाटै आइतबार शुरु हुने बताएको छ । शेर्पा र आर्मीबीचको खेल सोमबार दिउँसो ४ः३० बजेपछि रंगशालमामा हुनेछ । यस्तै संकटा र जावलाखेलबीचको खेल एन्फा कम्प्लेक्समा दिउँसो १ बजेपछि हुनेछ ।

त्रिपुरेश्वरस्थित दशरथ रंगशालामा हिमालयन शेर्पा क्लब विभागीय त्रिभुवन आर्मी क्लबबीचको खेल भारी वर्षापछि बल नै गुड्न नसक्ने भएपछि खेल रोकिन पुगेको थियो । खेलको ७२औं मिनेटम चलिरहँदा रेफ्री कविन व्यन्जनकारले खेललाई रोकेका हुन् ।

७२औं मिनेटको खेलसम्म शेर्पा र आर्मीले १–१ गोलको बराबरीमा छ । खेलको ३६ सेकेन्डमा नै नवयुग श्रेष्ठले गोल गर्दै आर्मीलाई १–० को अग्रता दिलाए । जिलेस्पी जंग कार्कीले दुई डिफेन्डरलाई बिट गर्दै दिएको क्रसमा नवयुगले क्लोज रेन्जबाट हेडरमार्फत गोल गर्न सफल भए । जारी लिगमा यो सबैभन्दा छिटो गोल हो । यसअघि सातदोबाटोका दीपक राज सिंह ठकुरीले शेर्पाविरुद्ध नै ४६ सेकेन्डमा गोल गरेका थिए ।

२१औं मिनेटमा मुताम्वा पिस्टोनको प्रहार पहिलो बार च्याप्दै थोरै बाहिरिदा शेर्पा बराबरीबाट चुक्यो । २५औं मिनेटमा मिलन राईको वान भर्सेस प्रहारलाई गोलरक्षक विकेशले विफल पारे । २९औं मिनेटमा एबायोमी फकुन्लेको पेनाल्टी बक्सबाहिरको सशक्त प्रहारलाई गोलरक्षक विकेशले पञ्च गर्दै बचाए ।

५५औं मिनेटमा कप्तान विश्वास श्रेष्ठले फ्रिकिकमा सिधै गोल गर्दै खेलर्ला १–१ गोलको बराबरीमा ल्याए । भरत चौधरीले सुशिल राईलाई फउल गरेपछि झन्डै ३५ यार्डमा प्राप्त फ्रिकिकमा विश्वासको प्रहार वान बाउन्स हुँदै गोलमा परिणत हुँदा आर्मीका गोलरक्षक विकेशले बचाउने प्रयास गरेपनि सफल हुन सकेन ।

यस्तै च्यासल रंगशालामा संकटा क्लब र जावलाखेल युथ क्लबबीचको खेल पनि रोकिएको छ । ५१औं मिनेटमा रेफ्री प्रज्वल क्षेत्रीले खेललाई रोकेका छन् । उक्त खेलमा जावलाखेल १–० ले अघि छ । ३३औं मिनेटमा फोडे फोफानाले जावलाखेलका लागि गोल गरेका थिए । उनले फ्रिकिकबाट आएको बललाई हेडरमार्फत सदुपयोग गरेका थिए ।

June 21, 2024

अर्जेन्टिनाको विजयी सुरुवात

एजेन्सी – साविक विजेता अर्जेन्टिनाले २०२४ संस्करणको कोपा अमेरिकामा विजयी सुरुवात गरेको छ । एटलान्टामा भएको उद्दघाटन खेलमा अर्जेन्टिनाले क्यानडा माथि २-० को जित दर्ता गरेको हो । अर्जेन्टिनाका लागि स्ट्राइकरद्वय जुलियन अल्भारेज र लौतारो मार्टिनेजले समान १-१ गोल गरे । पहिलो हाफमा खेलमा नियन्त्रण काम भएतापनि दोस्रो हाफमा अर्जेन्टिनाले सुधारिएको प्रदर्शन गरेको थियो । […]

June 21, 2024

इटालीलाई हराउँदै स्पेन अन्तिम १६ मा

एजेन्सी – इटाली माथि जित हात पार्दै स्पेन यूरो कप २०२४ को अन्तिम १६ मा प्रवेश गरेको छ । बिहीबार राति सम्पन्न खेलमा स्पेनले इटाली माथि १-० को जित निकालेको हो । स्पेनको एकमात्र गोल दोस्रो हाफको सुरुवातमा आत्मघाती गोल रूपमा आएको थियो । खेलको ५५औं मिनेटमा निको विलियम्सको क्रसमा इटालियन डिफेन्डर रिकार्डो कालाफियोरीलाई लागेर […]

June 21, 2024

इङ्ल्यान्डले डेनमार्कसँग अंक बाँड्यो

एजेन्सी – युरो कप २०२४ को आफ्नो दोस्रो खेलमा उपाधि दाबेदार इङ्ल्यान्डले डेनमार्क विरुद्ध अंक बाँडेको छ । फ्रांकफर्ट एरिनामा भएको खेलमा इङ्ल्यान्डले डेनमार्क विरुद्ध १-१ को बराबरी खेल्दै अंक बाँडेको हो । पहिलो खेलमा सर्बिया विरुद्ध १-० को झिनो अन्तरको जित हासिल गरेको इङ्ल्यान्डले डेनमार्क विरुद्ध लिएको अग्रता बचाउन सकेन । १८औं मिनेटमा कप्तान […]

Success

Thank you for your time.