1 year ago
April 30, 2023
काठमाडौं (हाम्रो खेलकुद) – हिमालयन शेर्पा क्लब र विभागीय त्रिभुवन आर्मी क्लबले सहिद स्मारक ‘ए’ डिभिजन लिगमा बराबरी खेल्दै अंक बाँडेका छन् ।
शेर्पा र आर्मीले १–१ गोलको बराबरी खेल्दै अंक बाँडेका हुन् । आर्मीका नवयुग श्रेष्ठले गोल गर्दा शेर्पाका कप्तान विश्वास श्रेष्ठले बराबरी गोल फर्काए ।
त्रिपुरेश्वरस्थित दशरथ रंगशालामा शनिबार नै हुनुपर्ने खेल लगातारको भारी वर्षासँगै शनिबार सम्पन्न हुन नसकेपछि अखिल नेपाल फुटबल संघ (एन्फा) ले आइतबार रोकिएको समयबाटै खेल सुचारु गरेको थियो ।
भारी वर्षापछि रेफ्री कविन व्यन्जनकारले ७२औं मिनेटमा खेल रोेकेका थिए । त्यसपछि पनि वर्षा नरोकिएपछि खेल आइतबारको लागि सारिएको थियो ।
खेलको ३६ सेकेन्डमा नै नवयुग श्रेष्ठले गोल गर्दै आर्मीलाई १–० को अग्रता दिलाएका थिए । जिलेस्पी जंग कार्कीले दुई डिफेन्डरलाई बिट गर्दै दिएको क्रसमा नवयुगले क्लोज रेन्जबाट हेडरमार्फत गोल गर्न सफल भएका थिए ।
जारी लिगमा यो सबैभन्दा छिटो गोल हो । यसअघि सातदोबाटोका दीपक राज सिंह ठकुरीले शेर्पाविरुद्ध नै ४६ सेकेन्डमा गोल गरेका थिए ।
५५औं मिनेटमा कप्तान विश्वास श्रेष्ठले फ्रिकिकमा सिधै गोल गर्दै खेललााई १–१ गोलको बराबरीमा ल्याए । भरत चौधरीले सुशिल राईलाई फउल गरेपछि झन्डै ३५ यार्डमा प्राप्त फ्रिकिकमा विश्वासको प्रहार वान बाउन्स हुँदै गोलमा परिणत हुँदा आर्मीका गोलरक्षक विकेशले बचाउने प्रयास गरेपनि सफल हुन सकेन ।
आइतबार थप गोल निस्कन नसक्दा खेल बराबरीमा टुंगियो । यस बराबरीसँगै आर्मीको १३ खेलबाट २० अंक पुगेको छ । शेर्पाको १३ खेलबाट १४ अंक छ ।
October 5, 2024
काठमाडौं (हाम्रो खेलकुद) – समाज कल्याण खेलकुद केन्द्रको आयोजनामा हुँदै आएको सुजन स्मृति ६-ए साइड फुटबल प्रतियोगिता को १५औं संस्करण कार्तिक पहिलो साता हुने भएको छ । क्लबका पुराना खेलाडी सुजन गिरीको स्मृतिमा प्रतियोगिता आयोजना हुँदै आएको छ । यस वर्ष ३२ देखि ४० टोलीको सहभागिता रहने अपेक्षा क्लबले राखेको छ । नकआउट पद्दतिमा हुने […]
October 4, 2024
काठमाडौं(हाम्रो खेलकुद) – विभागीय टोली नेपाल पुलिस क्लबले एन्फा महिला लिगको पहिलो चरणको अन्तिम खेलमा जित निकालेको छ । तेस्रो स्थानमा रहँदै सुपर लिगका लागि छनोट भएको पुलिसले संकटा क्लबमाथि २-१ को जित निकाल्यो । एन्फा कम्प्लेक्स सातदोबाटोमा शुक्रवार भएको खेलमा पुलिसको जितमा अनुष्का शेर्पा र समिक्षा घिमीरेले समान १ गोल गरे । संकटाका लागि […]
October 4, 2024
काठमाडौं (हाम्रो खेलकुद) – एन्फा महिला लिगको पहिलो चरणको अन्तिम खेल आज हुँदैछ । गत साताको वर्षा र त्यसका कारण पहिरोमा परि एन्फा एकेडेमी सिस्नेरीका ६ युवाको मृत्यु भएपछि लिग स्थगित गरिएको थियो। पूर्व निर्धारित तालिका अनुसार असोज १२ गते लिगको पहिलो चरणको अन्तिम हुने थियो। पहिलो चरणको अन्तिम खेलमा दोस्रो चरणमा प्रवेश गरिसकेको विभागीय […]
