default_image

1 year ago

May 1, 2023

मुख्य प्रशिक्षक श्रेष्ठले मनाङ छाडे

102 views

0 Bookmark

काठमाडौं (हाम्रो खेलकुद) –सहिद स्मारक ‘ए’ डिभिजन लिगमा लगातार खराब प्रदर्शन गरेपछि मनाङ मस्र्याङ्दी क्लबका मुख्य प्रशिक्षक किरण श्रेष्ठले पदबाट राजीनामा दिएका छन् ।

कीर्तिमानी आठ पल्टको च्याम्पियन मनाङले सोमबार सामाजिक संजाल फेसबुकबाट श्रेष्ठले व्यक्तिगत कारण देखाएर क्लब छाडेको जनाएका छन्।

श्रेष्ठले सोमबार दिउँसो घरायसी कारण देखाउँदै राजीनामा दिएको मनाङका अध्यक्ष विजय घलेले जानकारी दिए । उनले भने, उहाँले घरायसी कारण देखाएर राजीनामा दिनुभयो । हामीले राजीनामा स्वीकृत गरेका छौं । ’ घलेले टोलीको पछिल्लो समय खराब प्रदर्शन अपेक्षा विपरित रहेको उल्लेख गर्दै भने, हामी मंगलबार दिउँसो सम्ममा प्रशिक्षक वा कार्यवहाक प्रशिक्षकका बारेमा निर्णय लिनेछौं । ’

लिगको पहिलो लेगका १३ मध्ये पछिल्ला ६ खेलमा लगातार पराजय भोगेपछि दोस्रो लेग सुरु हुनुअघि श्रेष्ठले राजीनामा दिएका छन् । श्रेष्ठको नेतृत्वमा मनाङले लिगमा ४ खेलमा जित र ३ मा बराबरी खेलेको थियो । पहिलो लेगको समाप्तीमा मनाङ १५ अंकका साथ दसौं स्थानमा छ ।

थ्री स्टार क्लबसँग १–१ को बराबरी खेलेयता मनाङले सातदोबाटो युथ क्लबसँग १–०, जावलाखेल युथ क्लबसँग ३–०, बबत्रिभुवन आर्मी फुटबल क्लबसँग १–०, एफसी खुमलटारसँग २–१, नेपाल पुलिस क्लबसँग १–० र पछिल्लो खेलमा चर्च ब्वाइज युनाइटेड क्लबसँग ३–० को हार बेहोरेको थियो ।

लिगको आफ्नो पहिलो खेलमा हिमालयन शेर्पा क्लबसँग १–१ को बराबरी खेलेको मनाङले दोस्रो खेलमा संकटालाई २–० ले हराएको थियो । दोस्रो खेलमा मछिन्द्रसँग गोलरहित बराबरी खेलेको मनाङले त्यसपछि लगातार दुई खेल जित्ने क्रममा एपिएफ फुटबल क्लबलाई २–१ ले र फ्रेन्ड्स क्लबलाई २–० ले हराएको थियो । त्यसपछिको खेलमा थ्री स्टारसँग बराबरी खेलेको थियो । सर्वाधिक ८ पटक लिग जितेको मनाङको लिगमा अहिले सम्मकै खराब प्रदर्शन हो ।

राष्ट्रिय फुटबल टोलीका पूर्व प्रशिक्षक श्रेष्ठको नेतृत्वमा मनाङले ३ वटा नकआउट प्रतियोगिताको फाइनल खेल्ने क्रममा २ वटा उपाधि जितेको थियो । मनाङले हेटौडा गोल्डकप, तिलोत्तमा गोल्ड कप जितेको थियो भने खप्तड गोल्ड कपको फाइनलमा थ्री स्टारसँग पराजित भएको थियो ।

June 21, 2024

अर्जेन्टिनाको विजयी सुरुवात

एजेन्सी – साविक विजेता अर्जेन्टिनाले २०२४ संस्करणको कोपा अमेरिकामा विजयी सुरुवात गरेको छ । एटलान्टामा भएको उद्दघाटन खेलमा अर्जेन्टिनाले क्यानडा माथि २-० को जित दर्ता गरेको हो । अर्जेन्टिनाका लागि स्ट्राइकरद्वय जुलियन अल्भारेज र लौतारो मार्टिनेजले समान १-१ गोल गरे । पहिलो हाफमा खेलमा नियन्त्रण काम भएतापनि दोस्रो हाफमा अर्जेन्टिनाले सुधारिएको प्रदर्शन गरेको थियो । […]

June 21, 2024

इटालीलाई हराउँदै स्पेन अन्तिम १६ मा

एजेन्सी – इटाली माथि जित हात पार्दै स्पेन यूरो कप २०२४ को अन्तिम १६ मा प्रवेश गरेको छ । बिहीबार राति सम्पन्न खेलमा स्पेनले इटाली माथि १-० को जित निकालेको हो । स्पेनको एकमात्र गोल दोस्रो हाफको सुरुवातमा आत्मघाती गोल रूपमा आएको थियो । खेलको ५५औं मिनेटमा निको विलियम्सको क्रसमा इटालियन डिफेन्डर रिकार्डो कालाफियोरीलाई लागेर […]

June 21, 2024

इङ्ल्यान्डले डेनमार्कसँग अंक बाँड्यो

एजेन्सी – युरो कप २०२४ को आफ्नो दोस्रो खेलमा उपाधि दाबेदार इङ्ल्यान्डले डेनमार्क विरुद्ध अंक बाँडेको छ । फ्रांकफर्ट एरिनामा भएको खेलमा इङ्ल्यान्डले डेनमार्क विरुद्ध १-१ को बराबरी खेल्दै अंक बाँडेको हो । पहिलो खेलमा सर्बिया विरुद्ध १-० को झिनो अन्तरको जित हासिल गरेको इङ्ल्यान्डले डेनमार्क विरुद्ध लिएको अग्रता बचाउन सकेन । १८औं मिनेटमा कप्तान […]

Success

Thank you for your time.