default_image

1 year ago

May 2, 2023

एन्फासँग ९ क्लबको माग – तयारी खर्चको भुक्तानी र नयाँ खेल तालिका

153 views

0 Bookmark

काठमाडौं (हाम्रो खेलकुद)– सहिद स्मारक ए डिभिजन लिगको दोस्रो लिग सुरु हुने दिन मंगलबार आधा भन्दा बढी क्लबले अखिल नेपाल फुटबल संघ (एन्फा) लाई ३ बुँदे मागसहितको ज्ञापन पत्र बुझाएका छन् ।

संकटा क्लबका अध्यक्ष इन्द्रमान तुलाधरले मंगलबार एन्फा अध्यक्ष पंकजविक्रम नेम्बाङलाई ९ क्लबको संयुक्त ज्ञापन पत्र बुझाएका थिए । एन्फा र लिगका सहभागी क्लबबीच भएको सम्झौता अनुसार काम जभएको ज्ञापनपत्र मार्फत माग राखिएको उल्लेख गरिएको छ ।

क्लबहरुले सम्झौता अनुसार लिग सन्चालन भइरहेको समयमा अघिल्लो वर्षको तयारी खर्च वापतको भुक्तानी हुन बाँकी ७ लाख ५० हजार रुपैयाँ उपलब्ध गराउने सहमति भएपनि एन्फाले उपलब्ध नगराएकोले छिट्टो दिन माग गरेका छन् ।

लिगको दोस्रो चरणको लिग सन्चालनका लागि खेलाडीहरुलाई विश्रामको समय अपुग हुने र घाइते हुने सम्भावना बढी हुने देखिएकोले क्लबहरुसँग बैठक बसि नयाँ तालिका प्रकाशित गर्न क्लबहरुले माग गरेका छन् । लिगको पहिलो लेग आइतबार सम्पन्न भएको थियो भने दोस्रो लेगको खेल मंगलबारबाट सुरु हुँदैछ ।

लिगको पहिलो लेग सकिएर दोस्रो लेग सुरु हुनअघि नै यो वर्षको तयारी खर्चको दोस्रो किस्ता उपलब्ध गराउने भनिएपनि त्यो नभएकोले छिट्टो उपलब्ध गराउन क्लबहरुले माग गरेका छन् । पहिलो किस्तामा एन्फाले सहभागी प्रत्येक क्लबलाई १५ लाख रुपैयाँ उपलब्ध गराएको थियो ।

तयारी खर्च मध्ये अघिल्लो वर्षको रकम र यसवर्षको दोस्रो किस्ता उपलब्ध नभएकोले जारी लिगको समाप्तीपछि पनि पुरस्कार रकम प्राप्त हुनेमा अन्यौलता देखिएकोले त्यसमा पनि प्रष्ट पार्न क्लबहरुले एन्फासँग माग गरेका छन् ।

लिगमा सहभागी १४ मध्ये ३ विभागिय टोली (त्रिभुवन आर्मी क्लब, नेपाल पुलिस क्लब र एपिएफ फुटबल क्लब) तथा फ्रेन्ड्स क्लब र जावलाखेल युथ क्लबका प्रतिनिधिको हस्ताक्षर छैन । बाँकी ९ क्लबका प्रतिनिधिको हस्ताक्षर रहेको छ ।

ज्ञापनपत्रमा हस्ताक्षर गर्नेमा संकटाका अध्यक्ष तुलाधर, मछिन्द्र क्लबका सचिव किरण मजर्हन, सातदोबाटो युथ क्लबका अध्यक्ष कपिल राना मगर, हिमालयन शेर्पा क्लबका अध्यक्ष कर्मा छिरिङ शेर्पा, मनाङ मस्र्याङ्दी क्लबका अध्यक्ष विजय घले, थ्री स्टार क्लबका सह कोषाध्यक्ष देवेन्द्रलाल श्रेष्ठ, एनआरटीका महासचिव नरेन्द्रमान श्रेष्ठ र एफसी खुमलटारका विदुर श्रेष्ठ छन् ।

July 16, 2024

मनाङ मर्स्याङ्दी र मछिन्द्रको विजयी सुरुवात

काठमाडौं (हाम्रो खेलकुद) – ललित स्मृति यु-१८ लिगमा मनाङ मर्स्याङ्दी क्लब र मछिन्द्र फुटबल क्लबले विजयी सुरुवात गरेका छन् । मंगलबार भएको दिनको पहिलो खेलमा मनाङ मर्स्याङ्दीले संकटा क्लब विरुद्ध १-० को जित हात पारेको हो । मनाङ मर्स्याङ्दीका लागि विशाल चन्दले ४०औं मिनेटमा एकमात्र गोल गरे । दिनको दोस्रो खेलमा मछिन्द्रले त्रिभुवन आर्मीका क्लबलाई […]

July 16, 2024

एमबाप्पे रियल म्याड्रिड खेलाडीका रुपमा सार्वजनिक

एजेन्सी – फ्रान्सको राष्ट्रिय फुटबल टोलीका कप्तान किलियन एमबाप्पे मंगलबार सान्टियागो बर्नाबाउमा रियल म्याड्रिडका खेलाडीको रुपमा सार्वजनिक भएका छन् । एमबाप्पे २०२३/२४ क्लब सिजनको अन्त्यपछि फ्री ट्रान्सफरमा पेरिस सेन्ट जर्मेन (पिएसजी) बाट रियल गएका हुन् । २५ वर्षीय फरवार्डलाई स्वागत गर्न रियलको रंगशालामा ८० हजारभन्दा बढी समर्थक उपस्थित थिए ।  पिएसजीमा रहँदा एमबाप्पेले ६ पटक […]

July 16, 2024

साउथगेटले इंग्ल्याण्डको मुख्य प्रशिक्षकको जिम्मेवारी छाडे

एजेन्सी – इङ्ल्यान्ड राष्ट्रिय फुटबल टोलीका मुख्य प्रशिक्षक ग्यारेथ साउथगेट जिम्मेवारीबाट अलग भएका छन् । साउथगेटले युरो कप फाइनलको हारपछि मुख्य प्रशिक्षक पदबाट राजीनामा दिएको इङ्ल्यान्ड फुटबल एसोसिएसनले जनाएको हो । जर्मनीमा आइतबार भएको फाइनलमा इङ्ल्यान्ड स्पेनसँग २-१ ले पराजित भएको थियो । यो साउथगेटको प्रशिक्षणमा इङ्ल्यान्डको लगातार दोस्रो युरो कप फाइनल हार थियो । […]

Success

Thank you for your time.