default_image

10 months ago

May 3, 2023

फ्रेन्ड्समाथि चर्च ब्वाइजको पूनरागमन जित

काठमाडौं (हाम्रो खेलकुद) – चर्च ब्वाइज युनाइटेडले फ्रेन्ड्स क्लब कुपन्डोलमाथि पूनरागमन जित निकालेको छ । एक गोलले पछि परेको स्थिति उल्ट्याएर चर्च ब्वाइजले फ्रेन्ड्समाथि २–१ को पूनरागमन जित दर्ता गरेको हो । चर्च ब्वाइजको पूनरागमन जितमा अन्जन विष्ट र आशिष चापागाईंले गोल गरे । फ्रेन्ड्सका बेन नास क्वान्साको गोल सान्त्वना बन्यो । त्रिपुरेश्वरस्थित दशरथ रंगशालामा […]

123 views

0 Bookmark

काठमाडौं (हाम्रो खेलकुद) – चर्च ब्वाइज युनाइटेडले फ्रेन्ड्स क्लब कुपन्डोलमाथि पूनरागमन जित निकालेको छ । एक गोलले पछि परेको स्थिति उल्ट्याएर चर्च ब्वाइजले फ्रेन्ड्समाथि २–१ को पूनरागमन जित दर्ता गरेको हो ।

चर्च ब्वाइजको पूनरागमन जितमा अन्जन विष्ट र आशिष चापागाईंले गोल गरे । फ्रेन्ड्सका बेन नास क्वान्साको गोल सान्त्वना बन्यो ।

त्रिपुरेश्वरस्थित दशरथ रंगशालामा बुधबार भएको खेलको नवौं मिनेटमा कमल श्रेष्ठको फ्रिकिकमा अन्जान विष्टको हेडर पोल लागेर फर्कदा गोलरक्षक राजा बाबु थापाले बचाउँदा चर्च ब्वाइज अग्रता लिनबाट चुकेको थियो ।

१४औं मिनेटमा बेन नास क्वान्साले गोल गर्दै फ्रेन्ड्सलाई १–० को अग्रता दिलाए । डोना थापाको फ्रिकिकमा उनले पहिलो बार च्याप्दै गरेको हेडरले जाली चुमेको थियो ।

३७औं मिनेटमा जोसपे बेम्पाको पेनाल्टी बक्स बाहिरको सशक्त प्रहार थोरै आकासिदा चर्च ब्वाइज बराबरीबाट चुक्यो । ७३औं मिनेटमा डोना थापाको बक्सबाहिरको प्रहारलाई गोलरक्षक प्रिसोले सहजै नियन्त्रणमा लिए ।

८४औं मिनेटमा अन्जन विष्टको फितलो प्रहारलाई गोलरक्षक राजा बाबुले सहजै नियन्त्रणमा लिए । ८७औं मिनेटमा अन्जन विष्टले पेनाल्टीमा गोल गदै खेललाई १–१ गोलको बराबरीमा ल्याए ।

पेनाल्टी बक्समा रन्जित सिंह पान्द्रेलाई बेन नास क्वान्स र प्रेम बहादुर भण्डारीले फउल गरेपछि रेफ्रीले चर्च ब्वाइजलाई पेनाल्टी प्रदान गर्दा अन्जन चुकेनन् । इन्ज्युरी समयको थप गरिएको पहिलो मिनेटमा परिवर्तित खेलाडी आशिष चापागाईंले गोल गर्दै चर्च ब्वाइजलाई २–१ को पूनरागमन जित दिलाए ।

कमल श्रेष्ठको कर्नरमा फ्रेन्ड्सको क्लियरेन्स राम्रो हुन नसकेपछि मौसम सुब्बाले दिएको पासलाई लक्ष्मण रुचालले क्लियर गर्न नसकेपछि आशिषले दोस्रो बार च्याप्दै गोल गर्न सफल भएका थिए ।

यस जितसँगै चर्च ब्वाइज १४ खेलबाट २४ अंक जोडेर दोस्रो स्थानमा उक्लिएको छ । जावालाखेलसँग समान २४ अंक रहेपनि चर्च ब्वाइज हेड टु हेड र गोलअन्तरमा पछि छ । पराजित फ्रेन्ड्स १४ खेलबाट १५ अंक जोडेर १३औं स्थानमा छ ।

लिगकै अर्काे खेलमा हिमालयन शेर्पा क्लबले सातदोबाटो युथ क्लबलाई १–० ले पराजित गरेको छ । शेर्पाको जितमा ६६औं मिनेटमा खामिर गिल्सन कनदङ्वाले गरेको गोल नै निर्णायक बन्यो ।

यस जितसँगै शेर्पा १४ खेलबाट १७ अंक जोडेर नवौं स्थानमा उक्लिएको छ । पराजित सातदोबाटो १४ खेलबाट २२ अंकसहित चौथो स्थानमा छ ।

February 23, 2024

साम्बाले समर्थकलाई दिइन् धन्यवाद

काठमाडौं (हाम्रो खेलकुद) – राष्ट्रिय महिला फुटबल टोलीबाट ५० अन्तर्राष्ट्रिय गोल पूरा गरेपछि सावित्रा भण्डारी साम्बाले आफ्ना समर्थकलाई धन्यवाद दिएकी छिन् । साउदी अरेबियामा जारी वाफ च्याम्पियनसिपमा बिहीबार आयोजक इराकविरुद्ध ५–० को जितमा सबै गोल गरेकी साम्बाको ५० गोल पूरा भएको थियो । अन्तर्राष्ट्रिय फुटबलमा नेपालका लागि ५० गोल पूरा गर्ने उनी पहिलो खेलाडी हुन् […]

February 23, 2024

केपी ओली कप आज देखि 

काठमाडौँ (हाम्रो खेलकुद) – नेपाल युवा संघको आयोजनामा दोस्रो संस्करणको केपी ओली कप फूटबल प्रतियोगिता आज देखि सुरु हुदैँ छ । उद्घाटन खेलमा आयोजक केपी ओली एफसी र ए डिभिजन लिग विजेता चर्च ब्वाइज युनाइटेड भिड्ने छन् । खेल सातदोबाटो स्थित एन्फा कम्प्लेक्समा दिउसो ३ बजे सुरु हुने छ । खेल अघि १ बजे बाट […]

February 23, 2024

नेदरल्याण्ड्सले नामिबियाविरुद्ध टस जितेर फिल्डिङ गर्दै

काठमाडौं (हाम्रो खेलकुद) – आईसिसि लिग-२ अन्तर्गत काठमाडौंमा जारी त्रिकोणात्मक सिरिज अन्तर्गतको खेलमा नेदरल्याण्ड्सले नामिबिया विरुद्ध टस जितेर फिल्डिङ रोजेको छ । कप्तान स्कट एडवार्ड्सले टस जितेर पहिले फिल्डिङ रोजेका हुन् । खेलको सुरुवात ढिलो हुने भएपछि खेल ४५ ओभरमा घटाइएको छ । बिहिवारका वर्षाका कारण आउटफिल्ड नसुकेका कारण खेल सुरु हुन ढिला भएको हो […]

Success

Thank you for your time.