3 years ago
May 3, 2023
काठमाडौं (हाम्रो खेलकुद) – मनाङ मर्स्याङ्दी क्लबले सहिद स्मारक ए डिभिजन लिगमा लगातार ६ खेल हारको सिलसिलामा पूर्णविराम लगाएको छ ।
दशरथ रंगशालामा बुधबार त्रिभुवन आर्मी क्लबलाई १-० ले हराउँदै मनाङ विजयी भयो । इन्ज्युरी समयको दोस्रो मिनेटमा कोफी कोउडुले गोल गर्दै मनाङलाई जित दिलाए । विजय श्रेष्ठको पासलाई पेनाल्टी क्षेत्र भित्र लग्दै कोफीले दुई डिफेन्डरलाई बिट गर्दै गोल सम्भव पारे ।
मनाङ १४ खेलमा ५ जित, ३ बराबरी र ६ हारसँगै १८ अंकसाथ छैटौं स्थानमा छ । आर्मी यस हारसँगै २० अंकसाथ पाँचौ स्थानमा अवस्थित छ ।
४१ औं मिनेटमा मनाङका रोशन राना मगरले गोल गर्ने अवसर सदुपयोग गर्न सकेनन् । गोलरक्षक विकेश कुथुले बचाएको बल पेनाल्टी क्षेत्रभित्र फुस्किएपछि रोशनले गरेको प्रहार पोस्टको बाहिरि भागमा लाग्यो ।
दोस्रो हाफमा जिलेस्पी जंग कार्कीको हेडर क्रसबारमा लागेर बाहिरियो । ८८ अौं मिनेटमा मनाङले खेल जित्ने सुवर्ण अवसर गुमायो । वन भर्सेस वनको स्थितिमा कोफी कोउडुको प्रहार विकेश कुथुले बचाएका थिए ।
December 20, 2025
एजेन्सी – चेल्सी र न्युक्यासल युनाइटेडबीच प्रिमियर लिगमा आजको खेल बराबरीमा टुंगिएको छ। सेन्ट जेम्स पार्कमा खेलको सुरुवाती २० मिनेटमै न्युक्यासलले निक भोल्टेमाडेको दुई गोलमा पहिलो हाफमा २-० को अग्रता बनायो। चौथो र २० औ मिनेटमा भोल्टेमाडेको दुवै गोलमा एन्थोनी गोर्डनको भूमिका महत्वपूर्ण रह्यो। तर त्यसपछि चेल्सीले खेलमा पकड बनायो। रीस जेम्सले ४९ औं मिनेटमा […]
December 20, 2025
काठमाडौं (हाम्रो खेलकुद)- इस्ट बंगालले साफ महिला क्लब च्याम्पियनसिपको उपाधि जितेको छ। फाइनलमा एपिएफ क्लबलाई ३-० ले हराउँदै इस्ट बंगाल च्याम्पियन बनेको हो। त्रिपुरेश्वरस्थित दशरथ रंगशालामा इस्ट बंगाललाई जित दिलाउन कप्तान फजिला इक्वापुटले २ र शिल्कीदेवी हनाम १ गोल गरिन् । इस्ट बंगालले २२ औं मिनेटमा गोल अग्रता लिएको हो। गोलकिपर अन्जना राना मगर र गीता […]
December 20, 2025
काठमाडौं (हाम्रो खेलकुद)- साफ महिला क्लब च्याम्पियनसिपको फाइनलको पहिलो हाफमा एपिएफ क्लब विरुद्ध इस्ट बंगालले २-० कप अग्रता लिएको छ। इस्ट बंगालले २२ औं मिनेटमा गोल अग्रता लिएको हो। गोलकिपर अन्जना राना मगर र गीता रानाको समन्वय नमिल्दा इस्ट बंगालले गोलको अवसर सिर्जना गर्यो । कप्तान फजिला इक्वापुटले गोल गरेकी हुन्। पेनाल्टी बक्सबाट उनले अघि […]
