default_image

1 year ago

May 3, 2023

मनाङद्वारा पूर्व प्रशिक्षक श्रेष्ठलाई जित समर्पण

132 views

0 Bookmark

काठमाडौं (हाम्रो खेलकुद) – मनाङ मर्स्याङ्दी क्लबले पूर्व प्रशिक्षक किरण श्रेष्ठलाई जित समर्पण गरेको छ । त्रिभुवन आर्मी क्लबविरुद्ध बुधबार भएको खेलको जिम्मेवारी सम्हालेका क्लबका सहायक प्रशिक्षक प्रविन श्रेष्ठले जितपछि यसै साता क्लब छाडेका प्रशिक्षकलाई जित समर्पण गरेको बताएका हुन् ।

दशरथ रंगशालामा आर्मीलाई पराजित गर्दै मनाङको ६ खेल लगातार हारको सिलसिलामा पूर्णविराम लागेको थियो । सिजनको सुरुवाती ७ खेलमा अपराजित रहेको मनाङले त्यसपछि लगातार ६ खेलमा हार बेहोरेको थियो । प्रशिक्षक किरण श्रेष्ठले सिजनको सुरुवातदेखि नै यसपटक टोली निर्माणमा बढी ध्यान रहने र अर्को सिजन जितका लागि खेल्ने बताएका थिए । तर क्लबले लगातार खराब नतिजा हासिल गरेपछि आपसी सहमतिमा उनले क्लब छाडे ।

आर्मीविरुद्ध जितपछि सहायक प्रशिक्षक तथा गोलरक्षक प्रशिक्षक प्रविन श्रेष्ठले किरणलाई जित समर्पण गरे । ‘आजको जित किरण दाईलाई समर्पण गर्छौं । आज जितको कारण पनि वहाँ नै हो । हामीले वहाँकै रणनीतिमा खेलेका हौं । फरक यति हो कि यसअघिका खेलमा टिम स्पिरिट अलिकति कम भएको महसुस भएको थियो । आज भित्र होस् या बाहिर, सबैले केहि गर्नुपर्छ भन्ने थियो । सबैमा अलिकति जिम्मेवारी पनि बढी थियो,’ श्रेष्ठले थपे ।

‘हुन त किरण दाइ गएपछि सबैलाई नराम्रो लागेको थियो । वहाँको लागि केहि गर्नुपर्छ भन्ने थियो । आज नतिजा आएको पनि वहाँकै रणनीतिमा खेल्दा हो । अब अर्को दिनबाट नयाँ प्रशिक्षक आउनुहुन्छ होला । त्यसपछि मेरो भूमिका के हुन्छ अब क्लबले भन्ला । आज भने मैले किरण दाइको सहायकको रुपमा आफ्नो जिम्मेवारी पूरा गरेको हो । अब गोलरक्षक भूमिका हुन्छु वा के हुन्छ नयाँ प्रशिक्षक आएपछि थाहा हुन्छ,’ उनले अभिव्यक्ति दिए ।

मनाङले अर्को खेलमा शनिबार सातदोबाटो युवा क्लबको सामना गर्दैछ । यसअघि लिगको आठौं चरणमा सातदोबाटोसँग हारेपछि नै मनाङको लगातार ६ हारको सिलसिला सुरु भएको थियो ।

June 13, 2024

यु-२० एशियन कप: नेपाल समूह ‘बी’ मा  

काठमाडौं (हाम्रो खेलकुद) – नेपाल एएफसी यू–२० एसियन कप २०२५ छनोटको समूह ‘बी’ मा परेको छ । एएफसीको मुख्यालय क्वालालम्पुरमा बुधबार भएको ड्र समारोहमा नेपाल समूह बी मा परेको हो । नेपालको समूहमा उज्वेकिस्तान, बहराइन, चाइनिज ताइपेई र कम्बोडिया रहेका छन् । नेपालको समूहका खेलहरू सेप्टेम्बरमा चाइनिज ताइपेईमा हुनेछन् । नेपाली टोलीले छनोट खेल्न अघि […]

June 13, 2024

नेपाल, जापान र कतार एउटै समूहमा

काठमाडौं (हाम्रो खेलकुद) – एएफसी यु-१७ एसियन कप छनोटमा नेपाल एसियाली महारथी जापान र कतारसँगै एकै समूहमा परेको छ । बिहीबार भएको ड्र पछि नेपाल छनोटको समुह एफ मा परेको हो । समूहमा नेपालसँगै जापान र कतार बाहेक मंगोलिया रहेको छ । यस समुहका सबै खेल कतारले आयोजना गर्नेछ । छनोटका खेल आउँदो अक्टोबर महिनामा […]

June 12, 2024

यु-२० साफ: उद्दघाटन खेलमा नेपालले श्रीलंकाविरुद्ध खेल्ने

काठमाडौं (हाम्रो खेलकुद) – नेपालमा आउँदो अगस्ट १६ देखि २८ सम्म हुने साफ यु-२० पुरुष च्याम्पियनसिपको उद्दघाटन खेलमा नेपालले श्रीलंकाविरुद्ध खेल्ने भएको छ । दक्षिण एसियाली फुटबल महासंघ (साफ) ले बुधवार सार्वजनिक गरेको तालिकामा नेपालले उद्दघाटन खेलमा श्रीलंका विरुद्ध खेल्ने भएको हो । समूह ए मा रहेको नेपालले दोस्रो खेल पाकिस्तान विरुद्ध अगस्ट १९ मा […]

Success

Thank you for your time.