default_image

1 year ago

May 5, 2023

मेस्सीले पिएसजी छाड्ने

278 views

0 Bookmark

एजेन्सी – अर्जेन्टिनी फरवार्ड तथा कप्तान लियोनल मेस्सीले सिजनको अन्त्यसँगै फ्रान्सेली क्लब पेरिस सेन्ट जर्मेन (पिएजसी) छाड्ने भएका छन् ।

विश्व च्याम्पियन मेस्सीले पिएसजीसँग आफ्नो बसाईलाई थप अर्काे एक वर्ष लम्ब्याउने सैद्धान्तिक सहमति भएपनि अहिले क्लब र मेस्सी नै सम्झौता नगर्ने पक्षमा रहेको छ ।

आर्थिक समस्याका कारण क्लबले युरोपेली खेलको शीर्ष स्थानमा प्रतिस्पर्धा गर्न सक्छ भन्ने कुरामा मेस्सी विश्वस्त छैनन्, जबकि फ्रान्सेली च्याम्पियन युवा प्रतिभाको विकासमा ध्यान केन्द्रित गर्न चाहिरहेको छ ।

मेस्सीले अर्को वर्षको लागि नवीकरण गर्ने विकल्पको साथ सन् २०२१ मा पेरिसमा दुई वर्षको सम्झौतामा हस्ताक्षर गरेका थिए । तर, अब त्यसो नहुने भएको छ । पिएसजीको बजेट अर्को सिजन फाइनान्सियल फेयर प्ले नियमहरूको पालना गर्न सीमित हुन सक्ने भएकाले पनि क्लब त्यो जोखिम मोल्न चाहदैन ।

पिएसजीका कतारी मालिकलाई मेस्सीले सम्झौता गर्न देखाएको अनिच्छाले निराश बनाएको छ । जसले मेस्सीको प्रतिक्रियाको कमीलाई उनी बस्न चाहँदैनन् भन्ने स्पष्ट सन्देश दिएको छ ।

३५ वर्षीय खेलाडीलाई क्लबको अनुमति बिना साउदी अरब गएको भन्दै मंगलबार पीएसजीले दुई साताका लागि निलम्बन गरेको छ । दुई साताको प्रतिबन्धपछि मेस्सीले ट्रोएस र एजासियोविरुद्धको खेल गुमाउनेछन् । पिएसजी फ्रेन्च लिग वानमा शीर्षस्थानमा रहेको छ ।

क्याटलान क्लब बार्सिलोनाले मेस्सीलाई नोउ क्याम्पमा फर्काउन उत्सुक छन् । तर, बार्सिलोनाले आर्थिक मन्दीका कारण बार्सिलोनाले मेस्सीलाई घर फर्काउने सम्भावना असम्भव जस्तै देखिएको छ ।

मेस्सीलाई अनुबन्ध गर्न मेजर लिग सकर क्लब इन्टर मियामी र साउदी अरेबियाको अल हिलालले प्रयास थालिसकेको छ ।
मेस्सी अझै पनि युरोपेली फुटबलको शीर्ष स्थानमा प्रतिस्पर्धा गर्न सक्ने क्षमता राख्दछन् । मेस्सी पाँचौपटक च्याम्पियन्स लिग जित्ने नजरमा छ । तर, बार्सिलोना जानु असम्भव देखिन्छ ।

मेस्सीले पीएसजीका लागि सबै प्रतियोगितामा ७१ खेलमा ३१ गोल र ३४ असिस्ट योगदान गरेका छन् र गत सिजन लिग १ को उपाधि जितेका छन् । पिएसजी शीर्षस्थानमा ५ अंकले अघि छ । पिएसजी पछिल्लो ११ सिजनमा नवौं उपाधि जित्ने लक्ष्यमा छ ।

बार्सिलोनाका सर्वाधिक गोलकर्ता रहेका मेस्सीले क्लबको आर्थिक समस्याकै कारण सन् २०२१ मा नोउ क्याम्प छाड्न बाध्य बनेको थियो ।

मेस्सीले बार्सिलोनाका लागि ७७८ खेलमा ६७२ गोल गरेका छन् । गत डिसेम्वरमा अर्जेन्टिनाबाट विश्वकप जितेका मेस्सी आठौं पटक बालोन डिओरको जित्न दावेदार छन् ।

May 23, 2024

बायर लिभकुसनलाई स्तब्ध पार्दै एटलान्टा च्याम्पियन

एजेन्सी – यो सिजन अपराजित रहेको जर्मन क्लब बायर लेभरकुसेनलाई स्तब्ध पार्दै इटालियन क्लब एटलान्टा युरोपा लिगको च्याम्पियन बनेको छ । डब्लिनमा बुधबार राति भएको फाइनलमा बायर लिभरकुसेनलाई ३–० ले पराजित गर्दै एटलान्टा च्याम्पियन बनेको हो । अभिभा स्टेडियम डब्लिन आयरल्यान्डमा एटलान्टालाई च्याम्पियन बनाउन एडेमोला लोकमनले ह्याट्रिक पूरा गरे । उनले पहिलो हाफमा दुई र […]

May 22, 2024

महावीरलाई हराउँदै बागमती शीर्ष स्थानमा

काठमाडौं (हाम्रो खेलकुद) – महावीर क्लब माथि फराकिलो जित हात पार्दै बागमती युथ क्लब जारी सहिद स्मारक सि डिभिजन लिगको शीर्ष स्थानमा उक्लिएको छ । बुधवार एन्फा कम्प्लेक्समा भएको खेलमा बागमतीले महावीर माथि ४-० को फराकिलो जित दर्ता गरेको हो । बागमतीका लागि राज भुसालले दुई गोल गरे भने दिपेश राई र सृजन राज गौतमले […]

May 22, 2024

युरोपा लिग फाइनल आज: लेभरकुसेनविरुद्ध एटालान्टा

एजेन्सी – युइएफए युरोपा लिगको उपाधिका लागि आज राति अपराजित जर्मन क्लब बायर लेभरकुसेन र इटालियन क्लब एटालान्टा भिड्दैछन् । खेल आयरल्याण्डको डब्लिनस्थित अविभा स्टेडियममा राति १२ः४५ बजे सुरु हुनेछ । यसै सिजन इतिहासमा पहिलो पटक जर्मन लिग बुण्डेस्लिगाको उपाधि जितेको लेभरकुसेन सिजनभर अपराजित रहेको छ । लिगको ३४ मध्य २८ खेल जितेको लेभरकुसेन यूरोपा […]

Success

Thank you for your time.