default_image

10 months ago

May 6, 2023

तीन क्लबको शीर्षस्थानमा नजर

काठमाडौं (हाम्रो खेलकुद) – सहिद स्मारक ए डिभिजन लिगमा शनिबार तीन क्लबलाई लिगको शीर्षस्थानमा उक्लने अवसर रहेको छ । शुक्रबारको खेलमा जावलाखेल युवा क्लब खुमलटारसँग पराजित भएपछि दोस्रो स्थानको चर्च ब्वाइज, तेस्रो स्थानको थ्री स्टार र चौथो स्थानमा रहेको सातदोबाटो युवा क्लबले लिग तालिकामा फड्को मार्ने अवसर पाएका हुन् । शनिबार दिउँसो ३ बजे च्यासल […]

123 views

0 Bookmark

काठमाडौं (हाम्रो खेलकुद) – सहिद स्मारक ए डिभिजन लिगमा शनिबार तीन क्लबलाई लिगको शीर्षस्थानमा उक्लने अवसर रहेको छ । शुक्रबारको खेलमा जावलाखेल युवा क्लब खुमलटारसँग पराजित भएपछि दोस्रो स्थानको चर्च ब्वाइज, तेस्रो स्थानको थ्री स्टार र चौथो स्थानमा रहेको सातदोबाटो युवा क्लबले लिग तालिकामा फड्को मार्ने अवसर पाएका हुन् ।

शनिबार दिउँसो ३ बजे च्यासल मैदानमा चर्च ब्वाइजले न्यु रोड टिम (एनआरटी) को सामना गर्नेछ । पछिल्लो दुवै खेल जितेको चर्च ब्वाइजले शीर्ष खेलाडी चोटबाट फर्केपछि राम्रो प्रदर्शन गरेको छ । फ्रेन्ड्सविरुद्ध अन्तिम ५ मिनेटमा २ गोल गर्दै उत्कृष्ट पुनरागमन गरेको टोली शीर्षस्थानमा उक्लने प्रयासमा छ । क्लबले अग्रपंक्तिमा भने अझै सुधार गर्न जरुरी छ ।

यता एनआरटीले पनि पछिल्लो समय लय समातेको छ । पछिल्लो ५ मध्य ४ खेलमा अपराजित रहेको टोली रेलिगेसन क्षेत्रबाट टाढा रहन चाहन्छ । राजुकाजी शाक्यलाई आज डिफेन्डर गौरव श्रेष्ठको साथ हुने छैन ।

दिउँसो ३ बजे नै दशरथ रंगशालामा मनाङ् मर्स्याङ्दी र सातदोबाटो युवा क्लबबीच खेल हुनेछ । लगातार ६ हारको सिलसिलामा पूर्णविराम लगाएको मनाङ विष्णु गुरुङको प्रशिक्षणमा मैदान उत्रनेछ । यद्यपि गुरुङले टचलाइनमा बस्ने पाउने वा नपाउने पक्का भइसकेको छैन । खुमलटारको प्राविधिक निर्देशक पदबाट मुक्त भएर मनाङ आएका उनलाई एन्फाको लिग नियमले बिचमा पारेको छ । एकै सिजन दुइ फरक क्लब हेर्ने पाउने वा नपाउनेबारे नियमवालीमा केहि लेखिएको छैन ।

यता सातदोबाटोले पछिल्लो ५ खेलमा मिश्रित नतिजा निकालेको छ । सम्भावित १५ बाट जम्मा ५ अंक जोडेपछि टोली पुन: लय समात्न प्रयासरत छ । पहिलो लेगमा सातदोबाटोले मनाङलाई १-० ले पराजित गरेको थियो ।

साँझ ६ बजे थ्री स्टार र फ्रेन्ड्स दशरथ रंगशालामा भिड्नेछन् । फ्रेन्ड्सका डिफेन्डर अख्रोर्बेक उक्तामोभ तीन पहेंलो कार्डका कारण प्रतिबन्धमा छन् । त्यस्तै मिडफिल्डर तोरीक जेब्रिनले पनि चोटका कारण पछिल्लो खेल गुमाएका थिए ।

थ्री स्टार पछिल्लो तीन खेलमा जितविहिन छ । लगातार शीर्षस्थानमा उक्लने अवसर गुमाएको क्लबले गोलरक्षक मोहमद ताहाको कमजोर प्रदर्शनका कारण घाटा बेहोरिरहेको छ । पहिलो लेगमा यी दुईले ३-३ को रोमान्चक बराबरी खेलेका थिए ।

लिगको अंक तालिका, खेल तालिका, पुरानो नतिजा, सर्वाधिक गोलकर्ता, सर्वाधिक असिस्ट, क्लिन सिट लगायत सम्पूर्ण जानकारीका लागि यहाँ थिच्नुहोस ।

February 29, 2024

एनआरटी केपी ओली कपको फाइनलमा

काठमाडौं (हाम्रो खेलकुद) – न्यु रोड टिम (एनआरटी) केपी ओली कप फुटबल प्रतियोगिताको फाइनलमा प्रवेश गरेको छ । दशरथ रंगशालामा जावलाखेल युवा क्लबमाथि ३-० को जित निकाल्दै एनआरटीले उपाधि भिडन्तमा स्थान पक्का गरेको हो । एनआरटीको जितमा संजिव विष्टले दुई तथा विवेक गुरुङले १ गोल गरे । खेलको छैटौं मिनेटमा नै विवेक गुरुङले एनआरटीलाई अग्रता […]

February 29, 2024

फाइनलमा कसले लिन्छ साम्बाको स्थान?

काठमाडौं (हाम्रो खेलकुद) – वाफ महिला च्याम्पियनसिप २०२४ अन्तर्गत फाइनलमा नेपालले जोर्डनको सामना गर्दैछ । हालसम्म अपराजित रहेका यी दुई टोलीबीचको खेलमा नेपालले आफ्नो स्टार फरवार्ड सावित्रा भण्डारीको साथ भने पाउने छैन । नेपालले प्रतियोगितामा खेलेको सबै ४ खेलमा साम्बालाई नै आक्रमणमा उतारेको थियो । तर फिफा विन्डोबाहिर रहेको यस खेलका लागि साम्बा व्यावसायिक सम्झौताका […]

February 29, 2024

नेपाल र जोर्डन वाफ च्याम्पियनसिपको‌ फाइनल खेल्दै

काठमाडौं (हाम्रो खेलकुद)- नेपाल र जोर्डनको राष्ट्रिय महिला फुटबल टोली साउदी अरेबियामा जारी पश्चिम एसियाली फुटबल फेडेरेसन (वाफ) च्याम्पियनसिपको फाइनलमा आज एकअर्का विरुद्ध उत्रदैछन्। जेद्दास्थित प्रिन्स अब्दुल्लाह अल फैजल स्पोर्ट्स सिटी स्टेडियममा फाइनल नेपाली समय अनुसार राती ९ः ४५ बजेदेखि सुरु हुनेछ ।  नेपाल र जोर्डन जारी प्रतियोगिताका दुई अपराजित टोली हुन् । साविक विजेता […]

Success

Thank you for your time.