default_image

1 year ago

May 6, 2023

९ खेलपछि चेल्सीको जित

163 views

0 Bookmark

एजेन्सी – लन्डन क्लब चेल्सीले ९ खेलपछि जित निकालेको छ । प्रिमियर लिग अन्तरगत शनिबार राति भएको खेलमा बर्नमाउथलाई ३–१ ले पराजित गर्दै चेल्सीले १०औं खेलमा जित निकाल्न सफल भएको हो ।

११ मार्चमा लेस्टर सिटीलाई ३–१ ले पराजित गरेयता चेल्सीले ९ खेलसम्म जित निकाल्न सकेको थिएन । यस क्रममा चेल्सीले दुई बराबरी र ७ हारको नतिजा निकालेको थियो ।

भिटालिटी स्टेडियम बर्नमाउथमा शनिबार राति भएको खेलमा चेल्सीको जितमा कोनोर गल्लाघेर, बेनोइट बाडियासिल र जोआओ फेलिक्सले गोल गरे । बर्नमाउथका माटिअस भिनाले एक गोल फर्काए ।

खेलको नवौं मिनेटमा कोनोर गल्लाघेरको गोलबाट चेल्सीले १–० को अग्रता लिन सफल भयो । उनले एनगोलो कान्टेको पासमा गोल गर्न सफल भएका थिए ।

२१औं मिनेटमा माटिअस भिनाले गोल गर्दै खेललाई १–१ गोलको बराबरीमा ल्याए । भिनाले रायनको पासलाई सदुपयोग गरेका थिए ।

दोस्रो हाफको अन्त्यतिर चेल्सीले दुई गोल थप्दै ३ अंक बटुल्यो । ८२औं मिनेटमा बेनोइटले गोल गर्दै चेल्सीलाई २–१ को अग्रता दिलाए । उनले हाकिम जियाचको पासमा गोल गर्न सफल भए । त्यसपछि ८६औं मिनेटमा फेलिक्सले रहिम स्टर्लिङको पासमा गोल गर्दै चेल्सीलाई सहज जित दिलाए ।

यस जितसँगै चेल्सी ३४ खेलबाट ४२ अंक जोडेर ११औं स्थानमा छ । पराजित बर्नमाउथ ३५ खेलबाट ३९ अंक जोडेर १४औं स्थानमा छ ।

May 26, 2024

पिएसजी फ्रेन्च कप च्याम्पियन

एजेन्सी – फ्रेन्च कपको उपाधि जित्दै फरवार्ड केलियन एमबाप्पेले आफ्नाे पेरिस सेन्ट जर्मेन (पिएसजी) बसाईकाे सुखद् अन्त्य गरेका छन्। पिएसजीले शनिबार लियोनमाथि २–१ को जित निकाल्दै उपाधि जित्न सफल भएको हो । पिएसजीका लागि आफ्नाे अन्तिम खेलमा भने एमबाप्पेले गाेल गर्न सकेनन् । पिएसजीका लागि अन्तिम खेल खेलिरहेका केलियन एमबाप्पेले उपाधिसहित क्लबबाट सुखद बिदाई लिएका […]

May 26, 2024

म्यानचेस्टर युनाइटेडलाई‌ एफए कप

एजेन्सी – म्यानचेस्टर युनाइटेडले एफए‌ कपको उपाधि जितेको छ। म्यानचेस्टर सिटीलाई‌ शनिबार २-१ ले हराउँदै युनाइटेडले उपाधि जितेको हो। गत वर्ष युनाइटेडलाई‌ २-१ ले नै हराउँदै सिटीले उपाधि जितेको थियो। युनाइटेडलाई‌ शनिबार जित दिलाउन अलेहान्द्रो ग्रानाचो र कोबी माइनोले गोल गरे। सिटीका जेरेमी डोकुले एक गोल फर्काए । खेलको ३० औं मिनेटमा ग्रानाचोले युनाइटेडलाई अग्रता […]

May 25, 2024

अञ्जनलाई स्पोर्ट्स कम्पनी ३६१ को साथ

काठमाडौं (हाम्रो खेलकुद) – नेपाली राष्ट्रिय फुटबल टोलीका सदस्य अञ्जन विष्टलाई चाइनिज स्पोर्ट्स पोशाक ब्रान्ड कम्पनी ३६१ डिग्रीले प्रायोजन गरेको छ । नेपालको लागि स्पोर्ट्स ब्रान्ड ३६१ का आधिकारिक विक्रेताका प्रमुख कार्यकारी अधिकृत (सिइओ) सरोज कार्की र अञ्जनबीच शनिबार सम्झौतामा हस्ताक्षर गरेका थिए । सम्झौता तीन बर्ष रहने बताइएको छ । कम्पनीले अञ्जनलाई तीन वर्षसम्म […]

Success

Thank you for your time.