एजेन्सी – लियोनेल मेस्सी र विश्वकप विजेता अर्जेन्टिनाले लाउरेस वल्ड स्पोर्ट्स अवार्डमा स्पोर्ट्सम्यान र टिम अफ द इयरको अवार्ड जितेका छन् ।

गत नोभेम्वर र डिसेम्वरमा भएको विश्वकपको उपाधि जिताएका अर्जेन्टिनाको कप्तान समेत रहेका मेस्सप्ले विश्वकप भर ७ गोल र गोल्डेन बल जित्न सफल भएका थिए । मेस्सी एक वर्ष टिम र व्यक्तिगत अवार्ड जित्ने पहिलो खेलाडी बनेका छन् ।

स्पोर्ट्स वुमन अफ द इयर जमैकन स्प्रिन्टर शेली–एन फ्रेजर–प्राईस भइन् । उनले जुलाईमा ओरेगनमा भएको विश्व एथलेटिक्स च्याम्पियनसिपमा महिलाको १०० मिटरको विश्व उपाधि जितेकी थिइन् । उनी च्याम्पियनसिपमा व्यक्तिगत ट्याक इभेन्टमा पाँच स्वर्ण जित्ने पहिलो खेलाडी बनेकी थिइन् ।

फ्रान्सेली क्लब पेरिस सेन्ट–जर्मेनका फरवार्ड ३५ वर्षीय मेस्सीले भने, ‘यो विशेष सम्मान हो । म राष्ट्रिय टोलीबाट मात्र नभई पिएसजीका मेरा सबै साथीहरूलाई धन्यवाद दिन चाहन्छु । मैले एक्लै यो कुनै पनि हासिल गरेको छैन र म उनीहरूसँग सबै कुरा साझा गर्न सक्षम भएकोमा कृतज्ञ छु ।’

३६ वर्षीय फ्रेजर प्राईस १३ वर्षपछि १ सय मिटर स्वर्ण जित्ने भेट्रान खखेलामडी बनेकी हुन् । उनले सन् २०२२ मा १ सय मिटर दुरी सातपटक १०.७ सेकेन्डमा दौडिएकी थिइन् ।

निर्धारित र थप गरिएको समयमा ३–३ को बराबरी भएपछि अअर्जेन्टिनाले २०१८ को च्याम्पियन फ्रान्सलाई टाइब्रेकरमा पराजित गर्दै तेस्रोपटक विश्व च्याम्पियन बन्न सफल भएको थियो ।

उनीहरूले इङ्ल्यान्डको युरो २०२२ जित्ने लियोनेसेस, पुरुष च्याम्पियन्स लिग विजेता रियल म्याड्रिड र फ्रान्सको पुरुष सिक्स नेसन्स च्याम्पियनलाई हराएर अवार्ड जितेका थिए।

म्यानचेस्टर युनाइटेड र डेनमार्कका मिडफिल्डर क्रिस्टियन एरिक्सनले युरो २०२० मा कार्डियक अरेस्टका कारण पिचमा ढलेपछि फुटबलमा फर्किएपछि कमब्याक अफ द इयर जिते । पुरुष टेनिस विश्व नम्बर दुई कार्लोस अल्काराजले २०२२ पछि विश्व सफलताको उत्कृष्ट पुरस्कार पाएका थिए। तत्कालीन १९ वर्षीय युएस ओपन जिते र टेनिसको सबैभन्दा कान्छो पुरुष नम्बर एक बने। लौरेस एकेडेमीका सदस्यहरू बन्ने खेलकुदका महान खेलाडीहरूको चयनद्वारा पुरस्कार विजेताहरूलाई मतदान गरिएको थियो।

अवार्डका विजेताहरु

लाउरेस वल्ड स्पोर्ट्सम्यान अफ द इयर अवार्ड – लियोनल मेस्सी
लाउरेस विश्व स्पोर्ट्स वुमन अफ द इयर अवार्ड – शेली–एन फ्रेजर–प्राइस
लाउरेस वल्ड टिम अफ दि इयर अवार्ड – अर्जेन्टिनाको पुरुष फुटबल टोली
लाउरेस वल्ड ब्रेकथ्रु अफ दि इयर अवार्ड – कार्लोस अल्काराज
लौरेस वल्ड कमब्याक अफ द इयर अवार्ड – क्रिश्चियन एरिक्सन
अपाङ्ताको साथमा वर्षको उत्कृष्ट खेलाडी लरियस पुरस्कार – क्याथरिन डेब्रुनर
लाउरेस वल्र्ड एक्शन स्पोर्ट्स पर्सन अफ द इयर अवार्ड – इलिन गु
लाउरेस स्पोर्टस फर गुड अवार्ड – (बार्सिलोना र पोल्याण्डका स्ट्राइकर रोबर्ट लेवान्डोस्कीद्वारा युद्धबाट विस्थापित बालबालिकाका लागि कार्यक्रम)