एजेन्सी – युइएफए च्याम्पियन्स लिगको सेमिफाइनलको पहिलो लेगमा आज (मंगलबार) राति दुई हेवीवेट टोली स्पेनको रियल म्याड्रिड र इंग्ल्यान्डको म्यानचेस्टर सिटीबीच प्रतिस्पर्धा हुँदैछ ।

यो खेल रियलको मैदान सान्टियागो बर्नबेउमा नेपाली समयअअनुसार राति १२ः४५ बजे हुनेछ । रियल र सिटीबीचको यो बहुप्रतिक्षित खखेललाई सेमिफाइनलभन्दा पनि फाइनलकै रुपमा हेरिएको छ ।

साविक विजेता रियल र यो सिजन उच्च लयमा रहेको सिटीबीचको खेल रोमाञ्चक र प्रतिस्पर्धात्मक हुने अनुमान गरिएको छ । पेप ग्वार्डिओलाको सिटी गत सिजन सेमिफाइनलमै रियलसँग भोगेको हारको बदला लिने लक्ष्यमा हुनेछ ।

गत सिजन सेमिफाइनलको पहिलो लेगमा सिटी ४–३ ले विजयी हुँदा दोस्रो लेगमा रियलले ३–१ को तथा समग्रमा ६–५ को जित निकालेर फाइनल पुग्दै कीर्तिमानी १४औं पटक उपाधि जित्न सफल भएको थियो ।

यो सिजन पनि सेमिफाइनलमै भेट हुँदा दुवै टोली जितको लक्ष्यमा नै मैदान उत्रनेछ । सिल घरेलु मैदानमा जित निकाल्दै फाइनल पुग्ने सम्भावना बलियो पार्न चहान्छ ।

तीन दिन अअघि मात्रै कोपा डेल रेको उपाधि जितेर अआत्मविश्वासी देखिएको रियलसँग कप्तान करिम बेन्जेमा, ब्राजली विंगरद्धय भिनिसियस जुनियर र रोड्रिगो, टोनी क्रुस, फेडे भाल्भेर्डे, ओरेलिएन चुआमेनी, इडुअआर्डाे कामाभिंगा, डेभिड अलाबा, एन्टोनियो रुडिगर, ड्यानी कार्भाजल र गोलरक्षक थिवाउट कोर्टुवा रहेका छन् । चोटका कारण भेट्रान मिडफिल्डर लुका मोड्रिचले खेल्ने सम्भावना न्युन छ ।

यता, यो सिजन गोलको वर्षा गर्दै कीर्तिमान रचिसकेको नर्वेली युवा फरवार्ड एर्लिङ ब्राउट हालान्ड रियलविरुद्ध सिटीको मुख्खखय हतियार हुनेछ । रियलको डिफेन्स र गोलरक्षकलाई यि फरवार्डले निकै व्यस्त राख्नेछन् । यो सिजन ५० गोल पूरा गरिसकेका हालान्डलाई रोक्न गाह्रो हुनेछ ।

हालान्डसँगै टोलीमा रियाद महारेज, ज्याक ग्रेलिस, इल्केए गुन्डोगान, केभिन डि ब्रुएना, बर्नाडो सिल्भा, रोड्री, जोन स्टोन्स, रुवेन डियास र गोलरक्षक एडर्सन मोराएस छन् । यसबाहेक टोलीसँग फिल फोडेन, म्यानुएल एकान्जी र जुलियन अल्भारेज पछि छ ।