एजेन्सी – युइएफए च्याम्पियन्स लिगको दोस्रो सेमिफाइनलमा आज (बुधबार) राति इटालीका दुई टोली एसी मिलान र इन्टर मिलानबीच प्रतिस्पर्धा हुँदैछ ।

मिलान डर्वीको यो खेल मिलानोमा बुधबार राति १२ः४५ बजेपछि हुनेछ । इटालियन सिरी ‘ए’ को शीर्ष चारको दौडमा रहेको यि दुई बीचको सेमिफाइनल खेल निकै रोमाञ्चक र प्रतिस्पर्धात्मक हुने अनुमान गरिएको छ । दुवै टोली पहिलो लेगमा सफलता हात पार्दै फाइनल पुग्ने सम्भावना बलियो पार्न चहान्छ ।

मिलानसँग फरवार्ड ओलिभर जिरुड, ब्राहिम डियाज, स्माइल बेनासर, एलेक्सिस सेलमेकर्स, रेड क्रुनिच, सान्द्रो टोनाली, थियो हर्नान्डेज, सिमोन काएर, फिकायो तोमोरी, डाभिड कालाब्रिय र गोलरक्षक माइक मेगनान छन् ।

पछिल्लो ९ खेलमा अपराजित रहेको मिलान घरेलु मैदानमा पनि ९ खेलसम्म अपराजित छ । मिलान अपराजित यात्रालाई लम्ब्याउने लक्ष्यमा मैदान उत्रनेछ ।

यता, इन्टर पनि पछिल्लो ६ खेलमा अपराजित छ । इन्टरले मिलानविरुद्धको पछिल्लो दुवै खेलमा जित निकालेका कारण इन्टर सोही जितको लक्ष्यमा हुनेछ । मिलान उक्त हारको श्रृंखा तोड्ने योजनामा हुनेछ ।

इन्टरसँग रोमेलु लुकाकु, लोउटारो मार्टिनेज, हेनरिक मिखटरयान, हकान चलहानोग्लु, फेडरिको डिमार्काे, निकोला बरेल्ला, डेन्जेल डमफ्रेज, एलेसान्द्रो बास्टोनी, फ्रान्सिस्को एसर्वी, माटियो डर्मिएन र गोलरक्षक आन्द्रे ओनाना छन् ।

यि दुई टोलीबीचको पछिल्लो ३६ खेलको नजितामा इन्टर मिलान हावी छ । इन्टरले १६ खेल जित्दा मिलानले १२ खेल जितेको छ । ८ खेल बराबरीमा सकिएको छ ।