default_image

1 year ago

May 13, 2023

थ्री स्टारलाई हराउँदै मछिन्द्र तेस्रो स्थानमा उक्लियो

205 views

0 Bookmark

काठमाडौं (हाम्रो खेलकुद) – थ्री स्टार क्लबलाई पराजित गर्दै साविक विजेता मछिन्द्र फुटबल क्लब सहिद स्मारक ‘ए’ डिभिजन लिगको तेस्रो स्थानमा उक्लन सफल भएको छ ।

फाइल तस्विर

थ्री स्टारलाई १–० ले पराजित गरेपछि मछिन्द्रले थ्री स्टारलाई नै पछि पार्दै लिगको तेस्रो स्थानमा उक्लन सफल भएको हो ।च्यासल रंगशालामा शनिबार भएको खेलमा मछिन्द्रको जितमा पहिलो हाफमा जापानी मिडफिल्डर युता सुजुकीले गरेको गोल नै निर्णायक बन्यो । उनले १०औं मिनेटमा गोल गर्न सफल भएका थिए ।

वान भर्सेस वानको स्थितिमा ओलावाले ओलाडिपो अफिजको प्रहारलाई थ्री स्टारका गोलरक्षक पूर्ण चेम्जोङले विफल पारेपनि रिवाउन्डमा अनमार्क रहेका युताले गरेको प्रहारलाई गोललाइन नजिक रहेका महेन्द्र कार्कीलाई डिफ्लेक्ट हुँदै गोलमा परिणत भएको थियो ।

एक गोलले पछि परेको थ्री स्टारले बल पोसेसन राख्दै मछिन्द्रलाई दवाव बढाएपनि गोल गर्न नसक्दा पराजित हुन पुग्यो । यि दुई टोलीले पहिलो राउन्डमा गोलरहित बराबरी खेल्दै अंक बाँडेका थिए ।

यस जितसँगै तेस्रो स्थानमा उक्लिएको मछिन्द्रको १७ खेलबाट ७ जित, ६ बराबरी र ४ हारबाट २७ अंक पुगेको छ । समान खेलबाट थ्री स्टार २५ अंक जोडेर चौथो स्थानमा झरेको छ ।

संकटालाई ३–० ले पराजित गरेयता थ्री स्टारले पछिल्लो ६ खेलमा जित निकाल्न सकेको छैन । जसमा ४ बराबरी र २ हारको नतिजा छ ।

लिगको अंक तालिका, खेल तालिका, पुरानो नतिजा, सर्वाधिक गोलकर्ता, सर्वाधिक असिस्ट, क्लिन सिट लगायत सम्पूर्ण जानकारीका लागि यहाँ थिच्नुहोस ।

June 15, 2024

स्विट्जरल्यान्डको विजयी सुरुवात

एजेन्सी – स्विट्जरल्यान्डले युरो कप २०२४ मा विजयी सुरुवात गरेको छ । शनिबार साँझ भएको पहिलो खेलमा स्विट्जरल्यान्डले हंगेरीलाई ३-१ ले पराजित गरेको हो । खेलको १२औं मिनेटमा नै क्वाडवो डुवाहले गोल गर्दै स्विट्जरल्यान्डलाई अग्रता दिलाएका थिए । माइकल एविसरले दिएको थ्रु-पासमा बक्स भित्रबाट उनले राम्रो फिनिश गरेका थिए । ४५औं मिनेटमा एविसरले गोल गर्दै […]

June 15, 2024

जर्मनीको सानदार सुरुवात

एजेन्सी – उपाधि दावेदार तथा आयोजक जर्मनीले युरो कप २०२४ को सानदार सुरुवात गरेको छ । स्कटल्यान्डलाई ५–१ ले पराजित गर्दै जर्मनीले सानदार सुरुवात गरेको हो । सबै छ गोल जर्मनीका खेलाडीले गरेका थिए । १० खेलाडीमा समेटिएको स्कटल्यान्डविरुद्ध जर्मनीको सानदार जितमा पाँच खेलाडी फ्लोरिएन रिट्ज, जमल मुसिएला, काई हार्भटज, निकलस फुलक्रग र एम्री क्यानले […]

June 14, 2024

दोस्रो चरणमा २५ खेलाडी छनोट

काठमाडौं (हाम्रो खेलकुद)– अखिल नेपाल फुटबल संघ (एन्फा) ले नेपाली महिला राष्ट्रिय फुटबल टोलीका लागि दोस्रो चरणमा २५ खेलाडी छनोट गरेका छन् । मुख्य प्रशिक्षक राजेन्द्र तामाङले प्रारम्भिक चरणमा रहेका ३० खेलाडीबाट ५ खेलाडी कटौती गर्दै दोस्रो चरणमा २५ खेलाडी छनोट गरेका हुन् । प्रशिक्षणबाट सुशीला कुमारी चौधरी, सबिना चौधरी, गंगा गुरुङ, ममता पुन र […]

Success

Thank you for your time.