default_image

1 year ago

May 13, 2023

दिपक चम्कँदा सातदोबाटो विजयी

410 views

0 Bookmark

काठमाडौं (हाम्रो खेलकुद) – फरवार्ड दिपक राज सिंह ठकुरीले दुई गोल र एक असिस्टसहित उत्कृष्ट प्रदर्शन गर्दा सहिद स्मारक ए डिभिजन लिग २०७९ मा सातदोबाटो युवा क्लबले नेपाल एपिएफ क्लबलाई पराजित गरेको छ ।

दशरथ रंगशालामा शनिबार सातदोबाटोले ३-० को जित दर्ता गरेको हो । सातदोबाटोको जितमा दिपकले २ तथा विलियम ओपोकुले १ गोल गरे । यस जितसँगै सातदोबाटो अंक तालिकाको चौथो स्थानमा उक्लिएको छ । सातदोबाटोको १७ खेलमा ७ जित, ५ बराबर र ५ हार रहेको छ । यस्तै एपिएफ १७ खेलमा ६ जित, ४ बराबरी र ७ हारसँगै २२ अंक जोडेर सातौं स्थानमा छ ।

१३ औं मिनेटमा सातदोबाटोले विलियम ओपोकुको सुन्दर गोलमा अग्रता लियो । दायाँ विंगबाट दिपक राज सिंह ठकुरीले दिएको क्रसलाई विलियमले भलीमार्फत गोल गरेका थिए । ३६ औं मिनेटमा दिपकले सातदोबाटोको अग्रता दोब्बर पारे । विलियमले मिडफिल्डमा फ्लिक गरेको बललाई नियन्त्रणमा लिँदै दिपकले पेनाल्टी क्षेत्र बाहिरबाट गोल गरे ।

३९ औं मिनेटमा ओपोकुकै पासमा दीपकले दुई डिफेन्डरको बीचबाट गरेको प्रहार पोस्टभन्दा माथिबाट बाहिरियो । इन्ज्युरी समयमा एपिएफको लगातार दुई अवसरमा गोलरक्षक अभिषेक बराल बाधक बने ।

७७ औं मिनेटमा दिपकले एकल प्रयासमा व्यक्तिगत दोस्रो गोल गरे । सुशील लामाले मिडफिल्डबाट दिएको पास लिएपछि पेनाल्टी क्षेत्र बाहिर डिफेन्डरलाई छक्याउँदै उनले सुन्दर फिनिस गरे ।

त्यसअघि मच्छिन्द्रले थ्री स्टारलाई तथा आर्मीले चर्च ब्वाइजलाई १-० ले पराजित गरे ।

लिगको अंक तालिका, खेल तालिका, पुरानो नतिजा, सर्वाधिक गोलकर्ता, सर्वाधिक असिस्ट, क्लिन सिट लगायत सम्पूर्ण जानकारीका लागि यहाँ थिच्नुहोस ।

July 22, 2024

मछिन्द्र र सातदोबाटोको बराबरी, संकटा र चर्च ब्वाइजले पनि अंक बाँडे

काठमाडौं (हाम्रो खेलकुद) – ललित स्मृति यु-१८ लिग अन्तर्गत सोमबार भएका दुवै खेल बराबरीमा सकिएका छन् । दुवै खेल १-१ को बराबरीमा सकिएको हुन् । एन्फा कम्प्लेक्स सातदोबाटोमा भएको दिनको पहिलो खेलमा मछिन्द्र एफसी र सातदोबाटो युथ क्लबले बराबरी खेले । ६३औं मिनेटमा रोनिक राना मगरको गोलमा लिएको अग्रता पश्चात ७९औं मिनेटमा आदेश लामाले गोल […]

July 21, 2024

चितवन जिल्ला लिगमा एनएफसी र एभरेष्ट विजयी

सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार नारायणी फुटबल क्लब ( एनएफसी) र एभरेष्ट क्लब चितवन विजयी भएका छन्। शारदा नगरको मैदानमा भएको पहिलो खेलमा नारायणीले हर्दी युवा समाजलाई २-१ ले हरायो । नारायणीका‌ सुगम तामाङ र सुरज गुरुङले गोल गरे । हर्दीका सन्तोष थिङले एक गोल गरे । खेलमा […]

July 21, 2024

रेन्जर्सविरुद्ध म्यानचेस्टर युनाइटेड विजयी

एजेन्सी – युरोपियन फुटबल सिजन सुरु हुनुअघिको प्रिसिजनको आफ्नो दोस्रो खेलमा म्यानचेस्टर युनाइटेड विजयी भएको छ । ग्लास्गोमा भएको खेलमा युनाइटेडले स्कटिस टोली रेन्जर्स माथि २-० को जित दर्ता गरेको हो । युनाइटेडका लागि अमाद डियालो र जो हुगिलले गोल गरेका हुन् । ३९औं मिनेटमा बक्सको दायाँभागबाट उत्कृष्ट फिनिस सहित डियालोले सुरुवाती गोल गरेका थिए […]

Success

Thank you for your time.