default_image

1 year ago

May 17, 2023

फाइनल पुग्न म्यानचेस्टर सिटी र रियल म्याड्रिड भिड्दै

139 views

0 Bookmark

एजेन्सी – यो सिजनको युइएफए च्याम्पियन्स लिगको सेमिफाइनलको दोस्रो लेगमा आज (बुधबार राति इंग्लिस क्लब म्यानचेस्टर सिटी र स्पेनिस क्लब रियल म्याड्रिड आमने–सामने हुँदैछन् ।

यो खेल सिटीको मैदान इतिहाद स्टेडियममा नेपाली समयअनुसार राति १२ः४५ बजेपछि हुनेछ । रियलको मैदानमा भएको पहिलो लेगको खेल १–१ गोलको बराबरीमा सकिदा दुवै टोलीको फाइनल पुग्ने सम्भावना रहँदा दुवै टोली फाइनल पुग्ने लक्ष्यमा हुनेछ ।

सिटी घरेलु मैदानमा हुने खेलमा रियललाई पराजित गर्दै फाइनल पुग्ने लक्ष्यमा मैदान उत्रनेछ । टोलीसँग लयमा रहेका युवा फरवार्ड एर्लिङ ब्राउट हालान्डसँगै भेट्रान मिडफिल्डर केभिन डि ब्रुएना, इल्केए गुन्डोगानको साथ छ । यि खेलाडी जुनसुकै बेला पनि नतिजा बदल्न सक्ने क्षमता राख्दछ ।

यसबाहेक टोलीसँग गोलरक्षक एडर्सन मोराएस, ज्याक ग्रेलिस, बर्नाडो सिल्भा, रोड्री, फिल फोडेन, रियाद महारेज, जोन स्टोन्स, रुवेन डियास, केल वाल्कर, म्यानुयल एकान्जी र जुलियन अल्भारेज छन् । प्रतिबन्ध र चोटका कारण नाथ एके टोलीमा हुनेछैनन् ।

यता, च्याम्पियन्स लिगको कीर्तिमानी क्लब रियल पनि घरेलु टोली सिटीलाई पराजित गर्दै लगातार दोस्रो सिजन फाइनल पुग्ने लक्ष्यमा हुनेछ । टोलीसँग कप्तान करिम बेन्जेमासँगै विंगर भिनिसियस जुनियर र रोड्रिगो छन् ।

लुका मोड्रिच, टोनी क्रुस, फेडे भाल्भेर्डे, इडुआर्डाे कामाभिंगा, ओरेलिएन चुआमेनी, एडर मिलिटाओ, एन्टेनियो रुडिगर, डेभिड अलाबा, ड्यानी कार्भाजल, मार्काे एसेन्सियो, लुकास भास्क्वेज र नाचो फर्नान्डेस रहेका छन् ।

फ्रेब्रुअरीमा टोटेनहमसँग १–० ले पराजित भएयता सिटी २२ खेलसम्म अपराजित छ । जसमा १८ जित र ४ बराबरीको नतिजा छ । सिटी सोही अपराजित लयलाई निरन्तरता दिदै फाइनल पुग्ने सोचमा हुनेछ ।

रियलको प्रदर्शन भने औसतकै छ । रियल सोसिडाडसँग २–० ले पराजित भएयता रियल पछिल्लो तीन खेलमा अपराजित छ । जसमा दुई जित र एक बराबरीको नतिजा छ । यि दुई टोलीको ११ खेलमा दुवै टोलीले समान चार खेल जित्दा ३ खेल बराबरीमा सकिएको छ ।

यस खेलमा विजयी हुने टोलीले १० जुनमा हुने फाइनलमा इटालियन क्लब इन्टर मिलानको सामना गर्नेछ । इन्टरले मंगलबार राति शहरी प्रतिद्धन्द्धी एसी मिलानलाई १–० ले तथा समग्रमा ३–० ले पराजित गरी १३ वर्षपछि फाइनलमा स्थान सुरक्षित गरिसकेको छ ।

June 15, 2024

स्विट्जरल्यान्डको विजयी सुरुवात

एजेन्सी – स्विट्जरल्यान्डले युरो कप २०२४ मा विजयी सुरुवात गरेको छ । शनिबार साँझ भएको पहिलो खेलमा स्विट्जरल्यान्डले हंगेरीलाई ३-१ ले पराजित गरेको हो । खेलको १२औं मिनेटमा नै क्वाडवो डुवाहले गोल गर्दै स्विट्जरल्यान्डलाई अग्रता दिलाएका थिए । माइकल एविसरले दिएको थ्रु-पासमा बक्स भित्रबाट उनले राम्रो फिनिश गरेका थिए । ४५औं मिनेटमा एविसरले गोल गर्दै […]

June 15, 2024

जर्मनीको सानदार सुरुवात

एजेन्सी – उपाधि दावेदार तथा आयोजक जर्मनीले युरो कप २०२४ को सानदार सुरुवात गरेको छ । स्कटल्यान्डलाई ५–१ ले पराजित गर्दै जर्मनीले सानदार सुरुवात गरेको हो । सबै छ गोल जर्मनीका खेलाडीले गरेका थिए । १० खेलाडीमा समेटिएको स्कटल्यान्डविरुद्ध जर्मनीको सानदार जितमा पाँच खेलाडी फ्लोरिएन रिट्ज, जमल मुसिएला, काई हार्भटज, निकलस फुलक्रग र एम्री क्यानले […]

June 14, 2024

दोस्रो चरणमा २५ खेलाडी छनोट

काठमाडौं (हाम्रो खेलकुद)– अखिल नेपाल फुटबल संघ (एन्फा) ले नेपाली महिला राष्ट्रिय फुटबल टोलीका लागि दोस्रो चरणमा २५ खेलाडी छनोट गरेका छन् । मुख्य प्रशिक्षक राजेन्द्र तामाङले प्रारम्भिक चरणमा रहेका ३० खेलाडीबाट ५ खेलाडी कटौती गर्दै दोस्रो चरणमा २५ खेलाडी छनोट गरेका हुन् । प्रशिक्षणबाट सुशीला कुमारी चौधरी, सबिना चौधरी, गंगा गुरुङ, ममता पुन र […]

Success

Thank you for your time.