default_image

1 year ago

May 22, 2023

चर्च ब्वाइज रोकियो, आर्मीको सानदार जित

164 views

0 Bookmark

काठमाडौं (हाम्रो खेलकुद) – शीर्षस्थानमा रहेको चर्च ब्वाइज युनाइटेड सहिद स्मारक ‘ए’ डिभिजन लिगमा बराबरीमा रोकिदा विभागीय त्रिभुवन आर्मी फुटबल क्लबले सानदार जित दर्ता गरेको छ ।

चर्च ब्वाइजले शुरुवाती अग्रता जोगाउन नसक्दा हिमालयन शेर्पा क्लबसँग १–१ गोलको बराबरीमा रोकिन पुगेको हो । च्यासल रंगशालामा सोमबार भएको खेलमा चर्च ब्वाइजका अन्जन विष्टले गोल गर्दा शेर्पाका एवायोकी फकुन्लेले बराबरी गोल फर्काए ।

खेलको १२औं मिनेटमा अन्जन विष्टको गोलबाट चर्च ब्वाइजले अग्रता लिएको थियो । तर, त्यो अग्रतालाई चर्च ब्वाइजले पहिलो हाफमै जोगाउन सकेन । ३५औं मिनेटमा फकुन्लेले गोल गर्दै खेललाई १–१ गोलको बराबरीमा ल्याए ।

त्यसपछि थप गोल निस्कन नसक्दा खेल बराबरीमा सकियो । यस बराबरीसँगै शीर्षस्थानमा रहेको चर्च ब्वाइजको २० खेलबाट ३७ अंक पुगेको छ । चर्च ब्वाइज दोस्रो स्थानको मछिन्द्रभन्दा ३ अंकले अघि छ । शेर्पा २६ अंक जोडेर सातौं स्थानमा छ ।

अर्काे खेलमा आर्मीले फ्रेन्ड्समाथि ३–० को सहज जित हात पारेको छ । आर्मीको जितमा जगजित श्रेष्ठ, नवयुग श्रेष्ठ र सुदिल राईले गोल गरे । एन्फा कम्प्लेक्समा सोमबार भएको खेलको २६औं मिनेटमा जगजित श्रेष्ठको गोलबाट आर्मीले सुरुवाती अग्रता लिन सफल भयो ।

७६औं मिनेटमा नवयुग श्रेष्ठले पेनाल्टीमा गोल गर्दै आर्मीको अग्रता दोब्बर पारे । त्यसपछि इन्ज्युरी समयको थप गरिएको पहिलो मिनेटमा परिवर्तित खेलाडी सुदिल राईले गोल गर्दै आर्मीको सहज जित पक्क गराए ।

सुदिल ७१औं मिनेटमा जिलेस्पी जंग कार्कीको स्थानमा मैदान छिरेका थिए । यस जितसँगै आर्मी २० खेलबाट २९ अंक जोडेर पाँचौं स्थानमा उक्लिएको छ । पराजित फ्रेन्ड्स २० खेलबाट २१ अंक जोडेर रेलिगेसन जोनको १३औं स्थानमा छ ।

July 17, 2024

मोड्रिच रियलको नयाँ कप्तान

एजेन्सी – मिडफिल्डर लुका मोड्रिच स्पेनिस क्लब रियल म्याड्रिडको नयाँ कप्तान नियुक्त भएका छन् । क्लब सँग एक वर्ष सम्झौता नवीकरण गर्दै क्रोएसियन खेलाडी मोड्रिच क्लबको नयाँ कप्तान बनेका हुन् । गत सिजनको अन्त्यमा सकिएको सम्झौता मोड्रिचले १ वर्षका लागि नवीकरण गरेका हुन् । रियलका कप्तान नाचो क्लब छोडेर साउदी लिगमा गएसँगै कप्तानीको भूमिका खाली […]

July 17, 2024

रियलले भित्र्याउन खोजेको योरो युनाइटेड जाने

एजेन्सी – रियल म्याड्रिडले भित्र्याउन खोजेको फ्रेन्च डिफेन्डर लेनी याेरो म्यानचेस्टर युनाइटेड जाने लगभग पक्का भएको छ । विभिन्न युरोपेली सञ्चार माध्यमका अनुसार १८ वर्षीय योरो युनाइटेड जाने भएका हुन् । रियलले योरोका लागि करिब २० मिलियन युरोको प्रस्ताव गरेको थियो । अर्कोतर्फ युनाइटेडले ५० मिलियन युरो भन्दा बढीको प्रस्ताव गर्यो जुन रियलको भन्दा निकै […]

July 17, 2024

‘द ब्यूटीफुल गेम’ भित्रका कुरुप शब्दहरु

सन्जोग चाम्लिङ राई गुगलमा ‘द ब्यूटीफुल गेम’ टाइप गरी खोज्नु भयो भने त्यसले फुटबलसँग सम्बन्धित विभिन्न लेख र चित्रतर्फ तपाईंलाई डोर्याउँछ । यही नाम गरेको फिल्म पनि नेटफ्लिक्समा पाईन्छ, जसको विषय फुटबल नै हो । फुटबललाई ‘द ब्यूटीफुल गेम’ भनेर नै विश्वभर भन्ने गरे पछि गुगलले त भन्ने नै भयो । यो बुझाईमा विश्वव्यापी सहमति […]

Success

Thank you for your time.