1 year ago
May 24, 2023
काठमाडौं (हाम्रो खेलकुद) – विभागीय त्रिभुवन आर्मी फुटबल क्लब सहिद स्मारक ‘ए’ डिभिजन लिगमा न्युरोड टिम (एनआरटी) सँग स्तब्ध बनेको छ ।
आर्मी एनआरटीसँग १–० ले स्तब्ध बनेको हो । आर्मीलाई स्तब्ध पार्न एनआरटीका कृतिश रत्न छुन्जुले दोस्रो हाफमा गरेको गोल नै निर्णायक बन्यो ।
त्रिपुरेश्वरस्थित दशरथ रंगशालामा बुधबार भएको प्रतिस्पर्धात्मक खेलमा कृतिशले ८०औं मिनेटमा गोल गर्न सफल भएका थिए ।त्यसअघि १५औं मिनेटमा नवयुग श्रेष्ठको हेडर पासलाई जगजित श्रेष्ठले गरेको प्रहारलाई एनआरटीका गोलरक्षक सन्तोष महतले उत्कृष्ट बचाउ गर्दा आर्मी अग्रता लिनबाट चुक्यो ।
३४औं मिनेटमा एनआरटीका लालनुन्जामाले सुवर्ण अवसर खेर फाले । पहिलो हाफको इन्ज्युरी समयमा नवयुग श्रेष्ठको प्रहार क्रसबाट थोरै बाहिरियो । ७९औं मिनेटमा कृतिशले गोल गर्दै एनआरटीलाई १–० को अग्रता दिलाए ।
मैदानको मध्यभागबाट आफैले सन्जिव विष्टसँग बनाएको वान टु वान मुभमा अफसाइड बिट ट्याप गर्दै गोलरक्षक अघि बढेको अवस्थामा कृतिशले चिपमार्फत गोल गर्न सफल भएका थिए ।
यस जितसँगै एनआरटी २१ खेलबाट २६ अंक जोडेर छैटौं स्थानमा उक्लिएको छ । समान २६ अंक नै भएपनि हिमालष्न शेर्पा, एपिएफ र थ्री स्टार हेड टु हेडमा पछि छ । पराजित आर्मी २१ खेलबाट २९ अंक जोडेर पाँचौ स्थानमा छ ।
July 26, 2024
काठमाडौं (हाम्रो खेलकुद) – एएफसी च्यालेन्ज लिग प्लेअफको तयारी गरिरहेको अपि पावर चर्च ब्वाइज युनाइटेडले मैत्रीपूर्ण खेलमा त्रिभुवन आर्मी फुटबल क्लबलाई पराजित गरेको छ । अर्को साताबाट भारतमा सुरु हुने डुरान्ड कपको तयारी गरिरहेको आर्मीको भद्रकाली स्थित मुख्यालयको फुटबल मैदानमा खेलिएको खेलमा पाहुना टोली ३-२ ले विजयी रह्यो । चर्च ब्वाइजका लागि फरवार्ड अन्जनले दुई […]
July 26, 2024
सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार सौराहा युवा समाज र पानस युवा क्लब विजयी भएका छन् । शारदानगरको मैदानमा पहिलो खेलमा सौराहाले गीतानगर ब्वाइजलाई ३-१ ले हरायो । खेलमा सौराहालाई जिताउन सुशील घलानले ३५ औं र ५२ औं मिनेटमा गोल गरे । यस्तै लक्की गायकले २७ औं मिनेटमा गोल […]
July 26, 2024
काठमाडौं (हाम्रो खेलकुद) – ललित स्मृति यु-१८ लिग अन्तर्गत शुक्रवार भएका खेलमा सातदोबाटो युथ क्लब र नेपाल पुलिस क्लब विजयी भएका छन् । एन्फा कम्प्लेक्स सातदोबाटमा भएको दिनको पहिलो खेलमा सातदोबाटोले मनाङ मर्स्याङ्दी क्लब माथि २-० को जित दर्ता गरेको हो । सातदोबाटोका लागि सोनाम छिरिङ गुरुङ र प्रज्वल कार्कीले समान १-१ गोल गरे । […]