बिर्तामोड (हाम्रो खेलकुद) –झापाका फुटबलका प्रशिक्षक र दुई खेलाडी गृहनगरमा बुधबार सम्मानित तथा पुरस्कृत भएका छन् ।
सम्मानित तथा पुरस्कृत हुनेहरुमा राष्ट्रिय फुटबल टोलीका सहायक प्रशिक्षक प्रवेश कटुवाल छन् । सम्मानित हुने खेलाडीमा निशान खड्का र अभिषेक बराल छन् । उनीहरुलाई बिर्तामोड नगरपालिका नगर खेलकुद विकास समितिले एक कार्यक्रम गरेर सम्मान गरेको अध्यक्ष विकास गिरीले जानकारी दिए ।
तीनैजनालाई ११ हजार र सम्मानपत्र प्रदान गरिएको सदस्य विशाल अग्रवालले बताए । कटुवाल बिर्तामोड १० तथा निशान र अभिषेक बिर्तामोड ५ का स्थायी बासिन्दा हुन् । कार्यक्रममा कटवाल उपस्थित रहे भने निशान र अभिषेक राजधानीमा सहिद स्मारक ए डिभिजन लिग सन्चालन भइरहेका कारण आउन सकेनन् ।
निशान संकटा क्लब र अभिषेक सातादोबाटो युथ क्लबबाट लिग खेलिरहेका छन् । कटुवाललाई नगर उपप्रमुख नगेन्द्र संग्रौलाले सम्मानपत्र प्रदान गरेका थिए । मछिन्द्र क्लबलाई दुई पटक लिग च्याम्पियन बनाएका कटुवाल केहि महिना अघि राष्ट्रिय टोलीको सहायक प्रशिक्षक नियुक्त भएका थिए ।
