default_image

12 months ago

May 25, 2023

चर्च ब्वाइज र मनाङको बराबरी

159 views

0 Bookmark

काठमाडौं (हाम्रो खेलकुद) – शीर्षस्थानमा रहेको चर्च ब्वाइज युनाइटेड सहिद स्मारक ‘ए’ डिभिजन लिगमा मनाङ–मर्स्याङ्दी क्लबसँग बराबरीमा रोकिएको छ ।

चर्च ब्वाइज र मनाङले गोलरहित बराबरी खेल्दै अंक बाँडेको हो । च्यासल मैदानमा बिहीबार भएको खेलमा दुवै टोलीले गोलका केही अवसर सिर्जना गरेपनि सदुपयोग गर्न नसक्दा खेल बराबरीमा रोकिन पुग्यो ।

चर्च ब्वाइजको तुलनामा मनाङले सम्भावित गोलका अवसरहरु चुकाएका थिए । ६४औं मिनेटमा रन्दिप पौडेलको क्रसमा टिमोथी कोउडुको फ्रि हेडर पोलमा लागेर फर्कदा मनाङ अग्रता लिनबाट चुक्यो । इन्ज्युरी समयमा विसन गुरुङको पेनाल्टी बक्सबाहिरको फ्रिकिक क्रसबाट थोरै बाहिरियो ।

पहिलो राउन्डमा भने चर्च ब्वाइजले ३–० को सानदार जित निकालेको थियो । दोस्रो राउन्डमा भने दुवै टोलीबाट गोल निस्कन सकेन ।

चर्च ब्वाइजको यो लगातार दोस्रो बराबरी हो । यसअघि चर्च ब्वाइजले हिमालयन शेर्पा क्लबसँग १–१ गोलको बराबरी खेलेको थियो ।

मनाङको भने यो लगातार सातौं बराबरी हो । पछिल्लो ८ खेलमा अपराजित रहेको ३ मेमा आर्मीलाई १–० ले पराजित गरेयता जित र हार बेहोरेको छैन ।

यस बराबरीसँगै चर्च ब्वाइज २१ खेलबाट ३८ अंक जोडेर शीर्षस्थानमा रहेको छ । चर्च ब्वाइज दोस्रो स्थानको मछिन्द्र फुटबल क्लबभन्दा ३ अंकले अघि छ । मछिन्द्रको ३५ अंक छ । मनाङ २१ खेलबाटै २५ अंक जोडेर ११औं स्थानमा छ ।

May 19, 2024

प्रिमियर लिग विजेताको छिनोफानो आज

एजेन्सी – इंग्लिश प्रिमियर लिग २०२३/२४ सिजनको विजेताको टुंगो आज लाग्दैछ । पछिल्लो तीन सिजनको विजेता म्यानचेस्टर सिटी र आर्सनल मध्य एक टोलीले आज लिग उपाधि उचाल्ने छ । लिग लिडर सिटीले आज ८:४५ बजे वेस्ट ह्यामसँग अन्तिम खेल खेल्दैछ । सोही समयमा दोस्रो स्थानमा रहेको आर्सनलले एभर्टनसँग खेल्दैछ । सिटीले आफु अनुकुल नतिजा निकाल्न […]

May 18, 2024

काठमाडौंलाई गोदावरी मेयर कप फुटबल उपाधि

ललितपुर (हाम्रो खेलकुद) – काठमाडौं महानगरपालिकाले गोदावरी प्रथम उपत्यकाब्यापी अन्तर पालिका मेयर कप फुटबल प्रतियोगिताको उपाधि जितेको छ । प्रस्तावित गोदावरी बहुउदेश्यीय रंगशालाको झ्यालुन्टार मैदानमा शनिबार भएको फाइनलमा चन्द्रागिरी नगरपालिकालाई २–१ गोल अन्तरले हराउँदै काठमाडौं च्याम्पियन बनेको हो । काठमाडौंका लागि अखिलेष कार्की र दीपेश श्रेष्ठले गोल गरे । उपाधिका साथ काठमाडौंले ५ लाख रुपैयाँ […]

May 18, 2024

पूर्वेली रातो दुर्गादेवी श्रेष्ठ स्मृति भेट्रान्सको फाइनलमा

हिमाल खरेल, बिर्तामोडआयोजक पूर्वेली युवा क्लब रातो बिर्तामोडमा जारी स्वर्गीय दुर्गादेवी श्रेष्ठ स्मृति भेट्रान्स फुटबल प्रतियोगिताको फाइनलमा प्रवेश गरेको छ । बिर्तामोडको डोमालाल राजवंशी रंगशालामा आज भएको अन्तिम सेमिफाइनल खेलमा मोरङको विराट मेगा भेट्रान्स एफसीलाई ५–० ले पराजित गर्दै आयोजक रातो उपाधिनजिक पुगेको हो । जितसँगै आयोजक पूर्वेलीका दुवै टिम फाइनलमा पुगेका छन् । दुवै […]

Success

Thank you for your time.