11 months ago
May 25, 2023
काठमाडौं (हाम्रो खेलकुद) – कप्तान प्रकाश बुढाथोकीसँगै घानाका मिडफिल्डर टोरिक जेब्रिन चम्कँदा रेलिगेसन जोनमा रहेको फ्रेन्ड्स क्लब कुपन्डोलले सहिद स्मारक ‘ए’ डिभिजन लिगमा सातदोबाटो युथ क्लबमाथि सानदार जित दर्ता गरेको छ । सातदोबाटोमाथि ४–० को सानदार जित दर्ता गर्दै फ्रेन्ड्सले रेलिगेसन क्षेत्र छाडेको छ । फ्रेन्ड्सको जितमा टोरिक जेब्रिनले दुई तथा रफिक अमिनु र कप्तान […]
काठमाडौं (हाम्रो खेलकुद) – कप्तान प्रकाश बुढाथोकीसँगै घानाका मिडफिल्डर टोरिक जेब्रिन चम्कँदा रेलिगेसन जोनमा रहेको फ्रेन्ड्स क्लब कुपन्डोलले सहिद स्मारक ‘ए’ डिभिजन लिगमा सातदोबाटो युथ क्लबमाथि सानदार जित दर्ता गरेको छ ।
सातदोबाटोमाथि ४–० को सानदार जित दर्ता गर्दै फ्रेन्ड्सले रेलिगेसन क्षेत्र छाडेको छ । फ्रेन्ड्सको जितमा टोरिक जेब्रिनले दुई तथा रफिक अमिनु र कप्तान प्रकाश बुढाथोकीले समान एक गोल गरे ।
सातदोबाटोस्थित एन्फा कम्प्लेक्सको खेल मैदानमा बिहीबार गोलको वर्षा भएको खेलको पहिलो मिनेटमा नै रफिक अमिनुको गोलबाट फ्रेन्ड्सको अग्रता लिन सफल भएको थियो ।
५५औं मिनेटमा कप्तान प्रकाशले गोल गर्दै फ्रेन्ड्सको अग्रता दोब्बर पारे । त्यसपछिको दुवै गोल टोरिकको नाममा रह्यो । ८७औं मिनेटमा टोरिकले गोल गर्दै फ्रेन्ड्सलाई जिततर्फ अघि बढाए ।
कप्तान प्रकाशको डि बक्स बाहिरको फ्रिकिक क्रसबारमा लागेर फर्कदा नजिकै रहेका रफिकको हेडरलाई गोलरक्षक टोप बहादुर रानाले बचाएपनि क्लियर नहुँदा र सँगै रहेका नरेन्द्र चौधरीले पनि बचाउन नसकेपछि टोरिकले गोल गर्न सफल भएका थिए ।
९०औं मिनेटमा टोरिकले व्यक्तिगत दोस्रो तथा टोलीका लागि चौथो गोल गर्दै फ्रेन्ड्सलाई सानदार जित दिलाए । प्रकाश बुढाथोकीको क्रस पासलाई अनमार्क रहेका टोरिकले पेनाल्टी बक्सबाट कुनै गल्ती गरेनन् ।
यस जितसँगै फ्रेन्ड्सले पहिलो राउन्डमा भोगेको हारको बदला लिएको छ । फ्रेन्ड्स पहिलो राउन्डमा १–० ले पराजित भएको थियो । यस जितसँगै रेलिगेसन जोन छाडेर १२औं स्थानमा उक्लिएको फ्रेन्ड्सको २१ खेलबाट २४ अंक पुगेको छ ।
फ्रेन्ड्सले संकटालाई १ तथा एक खेल कम खेलेको एफसी खुमलटारलाई २ अंकले पछि पारेको छ । पराजित सातदोबाटो २९ अंक जोडेर पाँचौं स्थानमा छ ।
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]
April 25, 2024
सुर्खेत (हाम्रो खेलकुद) – महिला लिग छनोटमा कर्णाली प्रदेशले बुधबार बागमती प्रदेशलाई ३–२ ले पराजित गरेको छ । छनोटमा घरेलु टोली कर्णालीको तेस्रो खेलमा यो दोस्रो जित हो । बागमतीले भने अंकको खाता खोल्न सकेको छैन । सर्खेतस्थित कर्णाली प्रदेश रंगशालामा भएको खेलको ४१ औं मिनेटमा सुनकला राईले गोल गर्दै कर्णालीलाई अग्रता दिलाइन् । तर […]
April 25, 2024
एजेन्सी – केलियन एमबाप्पेले दुई गोलसँगै एक असिस्ट प्रदान गरेपछि पेरिस सेन्ट जर्मेन (पिएसजी) ले फ्रेन्च लिग वानमा सानदार जित दर्ता गर्दै उपाधि यात्रालाई थप मजबुत बनाएको छ । पिएसजीले रेलिगेसन क्षेत्रमा संघर्ष गरिरहेको घरेलु टोली लोरिएन्टमाथि ४–१ को सानदार जित दर्ता गर्दै लिग वानको उपाधि नजिक पुगेको हो । पिएसजीका लागि थप दुई गोल […]