default_image

12 months ago

May 27, 2023

चर्च ब्वाइज र जावलाखेलको हार, मछिन्द्र रोकियो

87 views

0 Bookmark

काठमाडौं (हाम्रो खेलकुद) – शीर्ष दौडमा रहेको चर्च ब्वाइज युनाइटेड र जावलाखेल युथ क्लबले सहिद स्मारक ‘ए’ डिभिजन लिगमा हार बेहोर्दा मछिन्द्र फुटबल क्लब बराबरीमा रोकिएको छ ।

शीर्षस्थानमा रहेको चर्च ब्वाइज रेलिगेसन जोनमा संघर्ष गरिरहेको संकटा क्लबसँग १–० ले स्तब्ध बनेको हो । चर्च ब्वाइजलाई स्तब्ध पार्न संकटाका युसुफ एट्रिसले दोस्रो हाफमा गरेको गोल नै निर्णायक बन्यो । उनले ६९औं मिनेटमा काउन्टर अट्याकमा गोल गर्न सफल भएका थिए ।

त्रिपुरेश्वरस्थित दशरथ रंगशालामा शनिबार भएको रोमाञ्चक र प्रतिस्पर्धात्मक खेलमा चर्च ब्वाइजको फ्रिकिकलाई बचाएपछि काउन्टर अट्याकमा जुनियर एनकेन्गेले दिएको पासलाई युसुफले बललाई नियन्त्रणमा लिदै चर्च ब्वाइजका गोलरक्षक प्रिसोलाई बिट गर्दै गोल गर्न सफल भए ।

त्यसपछि डिफेन्स र काउन्टर अट्याकमा ध्यान दिएको संकटालाई चर्च ब्वाइजले दवावमा राखेपनि थप गोल गर्न नसक्दा चर्च ब्वाइज स्तब्ध बन्न पुग्यो ।

चर्च ब्वाइजको हारले उपाधि होड थप खुल्ला बनेको छ । लिगमा अब चार राउन्डको खेल बाँकी रहँदा चर्च ब्वाइज शीर्षस्थानमा अझै २ अंकले अघि छ ।

यस हारले शीर्षस्थानमा रहेको चर्च ब्वाइजले शीर्षस्थानमा स्पष्ट ५ अंकको अग्रता लिने मौका गुमाएको छ । लिगमा चौथो हार बेहोरेको शीर्षस्थानको चर्च ब्वाइजको २२ खेलबाट ३८ अंक छ ।

समान खेलबाटै मछिन्द्रको ३६ तथा तेस्रो स्थानको जावलाखेलको ३४ अंक छ । चर्च ब्वाइजलाई हराएको संकटाले रेलिगेसन जोन छाडेको छ । संकटा २२ खेलबाट २६ अंक जोडेर १०औं स्थानमा उक्लिएको छ ।

लिगकै अर्काे खेलमा जावलाखेल युथ क्लब विभागीय नेपाल एपिएफ फुटबल क्लबसँग २–० ले पराजित भएको छ । एपिएफको जितमा अर्मान्ड विडोम र आवास लामिछानेले गोल गरे । दुवै गोल पहिलो हाफमा भएको थियो ।

दशरथ रंगशालामा भएको खेलको २३औं मिनेटमा अर्मान्डको गोलबाट एपिएफले अग्रता लिन सफल भएको थियो । त्यसपछि पहिलो हाफको इन्ज्युरी समयको थप गरिएको दोस्रो मिनेटमा आवास लामिछानेले गोल गर्दै एपिएफको अग्रता दोब्बर पारे । त्यसपछि थप गोल निस्कन नसक्दा एपिएप विजयी हुन सफल भयो ।

यस जितसँगै एपिएफ २२ खेलबाट २९ अंक जोडेर सातौं स्थानमा उक्लिएको छ । समान २९ अंक रहेपनि एक खेल कम खेलेको हिमालयन शेर्पा क्लब र सातदोबाटो युथ क्लब पाँचौं र छैटौं स्थानमा छ । पराजित जावलाखेलले शीर्षस्थानको चर्च ब्वाइजसँगको अंक दुरी छोट्याउने तथा मछिन्द्रलाई उछिन्ने मौका गुमाएको छ ।

जावलाखेल २२ खेलबाट ३४ अंक जोडेर तेस्रो स्थानमा छ । लिगकै अर्काे खेलमा त्रिभुवन आर्मी फुटबल क्लब र मछिन्द्र फुटबल क्लबले १–१ गोलको बराबरी खेल्दै अंक बाँडेका छन् ।

आर्मीका दिनेश हेन्जनले गोल गर्दा मछिन्द्रले आत्मघाती गोल उपहार पाएको थियो । च्यासल मैदानमा भएको खेलको १७औं मिनेटमा दिनेश हेन्जनको गोलबाट आर्मीले सुरुवाती अग्रता लिएको थियो ।

तर, आर्मीले त्यो अग्रतालाई बचाउन सकेन । ६०औं मिनेटमा युद्ध शाहीले आत्मघाती गोल गरेपछि मछिन्द्र खेलमा फर्कियो । यस बराबरीले मछिन्द्र २२ खेलबाट ३६ अंक जोडेर दोस्रो स्थानमा यथावत छ । आर्मी ३० अंक जोडेर चौथो स्थानमा छ ।

May 19, 2024

प्रिमियर लिग विजेताको छिनोफानो आज

एजेन्सी – इंग्लिश प्रिमियर लिग २०२३/२४ सिजनको विजेताको टुंगो आज लाग्दैछ । पछिल्लो तीन सिजनको विजेता म्यानचेस्टर सिटी र आर्सनल मध्य एक टोलीले आज लिग उपाधि उचाल्ने छ । लिग लिडर सिटीले आज ८:४५ बजे वेस्ट ह्यामसँग अन्तिम खेल खेल्दैछ । सोही समयमा दोस्रो स्थानमा रहेको आर्सनलले एभर्टनसँग खेल्दैछ । सिटीले आफु अनुकुल नतिजा निकाल्न […]

May 18, 2024

काठमाडौंलाई गोदावरी मेयर कप फुटबल उपाधि

ललितपुर (हाम्रो खेलकुद) – काठमाडौं महानगरपालिकाले गोदावरी प्रथम उपत्यकाब्यापी अन्तर पालिका मेयर कप फुटबल प्रतियोगिताको उपाधि जितेको छ । प्रस्तावित गोदावरी बहुउदेश्यीय रंगशालाको झ्यालुन्टार मैदानमा शनिबार भएको फाइनलमा चन्द्रागिरी नगरपालिकालाई २–१ गोल अन्तरले हराउँदै काठमाडौं च्याम्पियन बनेको हो । काठमाडौंका लागि अखिलेष कार्की र दीपेश श्रेष्ठले गोल गरे । उपाधिका साथ काठमाडौंले ५ लाख रुपैयाँ […]

May 18, 2024

पूर्वेली रातो दुर्गादेवी श्रेष्ठ स्मृति भेट्रान्सको फाइनलमा

हिमाल खरेल, बिर्तामोडआयोजक पूर्वेली युवा क्लब रातो बिर्तामोडमा जारी स्वर्गीय दुर्गादेवी श्रेष्ठ स्मृति भेट्रान्स फुटबल प्रतियोगिताको फाइनलमा प्रवेश गरेको छ । बिर्तामोडको डोमालाल राजवंशी रंगशालामा आज भएको अन्तिम सेमिफाइनल खेलमा मोरङको विराट मेगा भेट्रान्स एफसीलाई ५–० ले पराजित गर्दै आयोजक रातो उपाधिनजिक पुगेको हो । जितसँगै आयोजक पूर्वेलीका दुवै टिम फाइनलमा पुगेका छन् । दुवै […]

Success

Thank you for your time.