default_image

9 months ago

May 28, 2023

मनाङले थ्री स्टारलाई हरायो

काठमाडौं (हाम्रो खेलकुद) – मनाङ–मर्स्याङ्दी क्लबले सहिद स्मारक ‘ए’ डिभिजन लिगमा थ्री स्टार क्लबलाई पराजित गरेको छ । मनाङले थ्री स्टारलाई १–० ले पराजित गरेको हो । मनाङको जितमा पहिलो हाफमा चेतन कुमार थारुले गरेको गोल नै निर्णायक बन्यो । उनले ३८औं मिनेटमा गोल गर्न सफल भएका थिए । सातदोबाटोस्थित एन्फा कम्प्लेक्सको खेल मैदानमा आइतबार […]

68 views

0 Bookmark

काठमाडौं (हाम्रो खेलकुद) – मनाङ–मर्स्याङ्दी क्लबले सहिद स्मारक ‘ए’ डिभिजन लिगमा थ्री स्टार क्लबलाई पराजित गरेको छ । मनाङले थ्री स्टारलाई १–० ले पराजित गरेको हो ।

मनाङको जितमा पहिलो हाफमा चेतन कुमार थारुले गरेको गोल नै निर्णायक बन्यो । उनले ३८औं मिनेटमा गोल गर्न सफल भएका थिए ।

सातदोबाटोस्थित एन्फा कम्प्लेक्सको खेल मैदानमा आइतबार भएको निकै नै फितलो खेलको १७औं मिनेटमा लाकेन लिम्बुको प्रहार क्रसबारमा लागेर फर्कदा थ्री स्टार अग्रता लिनबाट चुक्यो ।

३४औं मिनेटमा फरवार्ड अजायी मार्टिन्स घाइते भएर खेल्न नसक्ने भएपछि थ्री स्टार थप समस्यामा पर्यो । मार्टिन्स घाइते भएपछि थ्री स्टारको अग्रपङ्ति डिफेन्डर पिटर सेगुनले सम्हालेका थिए ।

मार्टिन्स घाइते भएको चार मिनेटपछि थ्री स्टारले गोल खान पुग्यो । ३८औ मिनेटमा चेतन कुमार थारुले गोल गर्दै मनाङलाई १–० को अग्रता दिलाए ।

अशोक खवासले रोशन राना मगरलाई फउल गरेपछि प्राप्त फ्रिकिकमा डियाको प्रहार पोलमा लागेर फर्कदा कोफी टिमोथी कोउडुले मिलाइदिएको पासलाई नजिकै रहेका चेतनले सहजै गोल गरे ।

एक गोलले पछि परेको थ्री स्टारले दोस्रो हाफमा गोल गर्ने प्रयास गरेपनि मनाङको बलियो रक्षापङ्ति तोड्न नसक्दा पराजित हुन पुग्यो ।

संकटालाई ३–० ले पराजित गरेयताको ११ खेलमा थ्री स्टारको यो लगातार चौथो हार हो । आर्मीसँग १–१ गोलको बराबरी खेलेयताको सबै चार खेलमा थ्री स्टार समान १–० को नतिजामा पराजित भएको छ ।

लगातारको हार र जितविहीन यात्राले थ्री स्टारलाई पनि रेलिगेसनको दवाव बढेको छ । यस हारसँगै थ्री स्टार २२ खेलबाट २६ अंक जोडेर ११औं स्थानमा झरेको छ ।

यता, पछिल्लो ९ खेलमा अपराजित रहेको मनाङले आठौं खेलमा जित निकाल्न सफल भएको छ । आर्मीलाई १–० ले हराएयता अपराजित रहेको मनाङले त्यसपछि सबै सात खेलमा बराबरीको नतिजा निकालेको थियो । यस जितले मनाङ २२ खेलबाट २८ अंक जोडेर १०औं स्थानमा छ ।

च्यासल मैदानमा आइतबारै भएको खेलमा न्युरोड टिम (एनआरटी) ले सातदोबाटो युथ क्लबलाई २–१ ले पराजित गरेको छ । एनआरटीको जितमा निकोलस सर्ज सङ र सनम लिम्बुले गोल गरे । सातदोबाटोका शिव सुवेदीले एक गोल फर्काए ।

प्रतिस्पर्धात्मक खेलको ६९औं मिनेटमा निकोलस सर्ज सङले गोल गर्दै एनआरटीलाई १–० को अग्रता दिलाए । ७३औ मिनेटमा सनम लिम्बुले गाृल गर्दै एनआरटीको अग्रता दोब्बर पारे ।

८४औं मिनेटमा शिव सुवेदी गोल गर्दै खेललाई २–१ को स्थितिमा ल्याएपनि त्यसपछि थप गोल निस्कन नसक्दा एनआरटी विजयी हुन सफल भयो ।

यस जितले एनआरटी २२ खेलबाट २९ अंक जोडेर आठौं स्थानमा उक्लिएको छ । पराजित सातदोबाटोको पनि २९ अंक नै रहेपनि गोलअन्तरमा छैटौं स्थानमा छ ।

February 29, 2024

एनआरटी केपी ओली कपको फाइनलमा

काठमाडौं (हाम्रो खेलकुद) – न्यु रोड टिम (एनआरटी) केपी ओली कप फुटबल प्रतियोगिताको फाइनलमा प्रवेश गरेको छ । दशरथ रंगशालामा जावलाखेल युवा क्लबमाथि ३-० को जित निकाल्दै एनआरटीले उपाधि भिडन्तमा स्थान पक्का गरेको हो । एनआरटीको जितमा संजिव विष्टले दुई तथा विवेक गुरुङले १ गोल गरे । खेलको छैटौं मिनेटमा नै विवेक गुरुङले एनआरटीलाई अग्रता […]

February 29, 2024

फाइनलमा कसले लिन्छ साम्बाको स्थान?

काठमाडौं (हाम्रो खेलकुद) – वाफ महिला च्याम्पियनसिप २०२४ अन्तर्गत फाइनलमा नेपालले जोर्डनको सामना गर्दैछ । हालसम्म अपराजित रहेका यी दुई टोलीबीचको खेलमा नेपालले आफ्नो स्टार फरवार्ड सावित्रा भण्डारीको साथ भने पाउने छैन । नेपालले प्रतियोगितामा खेलेको सबै ४ खेलमा साम्बालाई नै आक्रमणमा उतारेको थियो । तर फिफा विन्डोबाहिर रहेको यस खेलका लागि साम्बा व्यावसायिक सम्झौताका […]

February 29, 2024

नेपाल र जोर्डन वाफ च्याम्पियनसिपको‌ फाइनल खेल्दै

काठमाडौं (हाम्रो खेलकुद)- नेपाल र जोर्डनको राष्ट्रिय महिला फुटबल टोली साउदी अरेबियामा जारी पश्चिम एसियाली फुटबल फेडेरेसन (वाफ) च्याम्पियनसिपको फाइनलमा आज एकअर्का विरुद्ध उत्रदैछन्। जेद्दास्थित प्रिन्स अब्दुल्लाह अल फैजल स्पोर्ट्स सिटी स्टेडियममा फाइनल नेपाली समय अनुसार राती ९ः ४५ बजेदेखि सुरु हुनेछ ।  नेपाल र जोर्डन जारी प्रतियोगिताका दुई अपराजित टोली हुन् । साविक विजेता […]

Success

Thank you for your time.