1 year ago
May 31, 2023
काठमाडौं (हाम्रो खेलकुद) – नाइजेरियन फरवार्ड ओलावाले ओलाडिपो आफिजको ह्याट्रिक मद्दतमा साविक विजेता मछिन्द्र फुटबल क्लबले सहिद स्मारक ‘ए’ डिभिजन लिगमा सहज जित दर्ता गरेको छ ।
मछिन्द्रले सातदोबाटो युथ क्लबमाथि ३–१ को सहज जित निकाल्दै उपाधि सम्भावनालाई जीवितै राखेको हो । सातदाेबाटाेका जाेर्डन पुन मगरले एक गाेल फर्काए ।
सातदोबाटोस्थित एन्फा कम्प्लेक्समा बुधबार भएको खेलको १७औं मिनेटमा आफिजले गोल गर्दै मछिन्द्रलाई १–० को अग्रता दिलाए ।
दिवाकर चौधरीले विंगबाट दिएको लामो पासमा ६ यार्ड बक्सभित्र अनमार्क रहेपछि आफिजले हेडरमार्फत सहजै अग्रता दिलाएका थिए ।
पहिलो हाफको इन्ज्युरी समयको थप गरिएको तेस्रो मिनेट अभिषेक बराल झुक्किन पुग्दा आफिजको ६ यार्ड बक्सभित्रबाट फितलो प्रहार गोल भएको थियो ।
५६औं मिनेटमा आफिजले गोल गर्दै ह्याट्रिक पूरा गरे । युता सुजुकीको पासमा डिफेन्स लाइन बिट हुँदा आफिजले वान भर्सेस वानको स्थितिमा सहजै गोल गरे ।
८४औं जाेर्डन पुन मगरले गाेल खेललाई ३–१ काे स्थितिमा ल्याए । मिडफिल्डबाट सुशिल लामाले दिएकाे पासलाई उनले सहजै गाेल गर्न सफल भए ।
जारी लिगमा ओलावालेको यो दोस्रो ह्याट्रिक हो । यसअघि उनले पहिलो राउन्डमा एफसी खुमलटारमाथि ७–३ को जित निकालेको खेलमा ह्याट्रिकसहित ५ गोल गरेका थिए ।
यस जितसँगै दोस्रो स्थानमा उक्लिएको मछिन्द्रले शीर्षस्थानमा रहेको चर्च ब्वाइज युनाइटेडसँगको अंक दुरी २ मा छोट्याएको छ । मछिन्द्रको २३ खेलबाट ३९ अंक पुगेको छ । समान खेलबाटै चर्च ब्वाइजको ४१ अंक छ । पराजित सातदोबाटोको २३ खेलबाट २९ अंक जोडेर सातौं स्थानमा छ ।
July 26, 2024
काठमाडौं (हाम्रो खेलकुद) – एएफसी च्यालेन्ज लिग प्लेअफको तयारी गरिरहेको अपि पावर चर्च ब्वाइज युनाइटेडले मैत्रीपूर्ण खेलमा त्रिभुवन आर्मी फुटबल क्लबलाई पराजित गरेको छ । अर्को साताबाट भारतमा सुरु हुने डुरान्ड कपको तयारी गरिरहेको आर्मीको भद्रकाली स्थित मुख्यालयको फुटबल मैदानमा खेलिएको खेलमा पाहुना टोली ३-२ ले विजयी रह्यो । चर्च ब्वाइजका लागि फरवार्ड अन्जनले दुई […]
July 26, 2024
सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार सौराहा युवा समाज र पानस युवा क्लब विजयी भएका छन् । शारदानगरको मैदानमा पहिलो खेलमा सौराहाले गीतानगर ब्वाइजलाई ३-१ ले हरायो । खेलमा सौराहालाई जिताउन सुशील घलानले ३५ औं र ५२ औं मिनेटमा गोल गरे । यस्तै लक्की गायकले २७ औं मिनेटमा गोल […]
July 26, 2024
काठमाडौं (हाम्रो खेलकुद) – ललित स्मृति यु-१८ लिग अन्तर्गत शुक्रवार भएका खेलमा सातदोबाटो युथ क्लब र नेपाल पुलिस क्लब विजयी भएका छन् । एन्फा कम्प्लेक्स सातदोबाटमा भएको दिनको पहिलो खेलमा सातदोबाटोले मनाङ मर्स्याङ्दी क्लब माथि २-० को जित दर्ता गरेको हो । सातदोबाटोका लागि सोनाम छिरिङ गुरुङ र प्रज्वल कार्कीले समान १-१ गोल गरे । […]