default_image

9 months ago

June 3, 2023

थ्री स्टार हारबाट जोगियो

काठमाडौं (हाम्रो खेलकुद) – रेलिगेसनको दवाव झेलिरहेको थ्री स्टार क्लब सहिद स्मारक ‘ए’ डिभिजन लिगमा हारबाट जोगिएको छ । इन्ज्युरी समयमा गोल गरेपछि थ्री स्टार हारबाट जोगिएको हो । थ्री स्टारले विभागीय नेपाल एविएफ क्लबसँग १–१ गोलको बराबरी खेलेको हो । त्रिपुरेश्वरस्थित दशरथ रंगशालामा शनिबार भएको रोमाञ्चक र प्रतिस्पर्धात्मक खेलमा एपिएफका मणि कुमार लामाले गोल […]

106 views

0 Bookmark

काठमाडौं (हाम्रो खेलकुद) – रेलिगेसनको दवाव झेलिरहेको थ्री स्टार क्लब सहिद स्मारक ‘ए’ डिभिजन लिगमा हारबाट जोगिएको छ ।

इन्ज्युरी समयमा गोल गरेपछि थ्री स्टार हारबाट जोगिएको हो । थ्री स्टारले विभागीय नेपाल एविएफ क्लबसँग १–१ गोलको बराबरी खेलेको हो ।

त्रिपुरेश्वरस्थित दशरथ रंगशालामा शनिबार भएको रोमाञ्चक र प्रतिस्पर्धात्मक खेलमा एपिएफका मणि कुमार लामाले गोल गर्दा थ्री स्टारका बराबरी गोल फर्काए ।

खेलको २३औं मिनेटमा मणि कुमार लामाको गोलबाट एपिएफले १–० को अग्रता लिन सफल भयो । उनले कप्तान नविन लामाले दिएको पासमा पेनाल्टी बक्स बाहिरबाट गरेको प्रहार थ्री स्टारका गोलरक्षक अरुण ब्लोनको हातमा लाग्दै गोलमा परिणत भएको थियो ।

एक गोलले पछि परेको थ्री स्टारले दोस्रो हाफमा सुधारिएको खेल पस्कदै गोल गर्न सफल हुँदा टोली हारबाट जोगियो । ८६औं मिनेटमा सुनिल तामाङले गोल गर्दै थ्री स्टारलाई खेलमा १–१ गोलको बराबरीमा ल्याए ।

योगेश गुरुङले दिएको क्रसलाई कप्तान विक्रम लामाले हेडर प्रयास गरेपनि नेभेटेको बललाई सुनिलले वान टचमा फिनिस गरे ।
थ्री स्टारले पाँच खेलपछि पहिलो गोल गर्न सफल भएको हो । आर्मीविरुद्ध गोल गरेपछि थ्री स्टारले गोल गन सकेको थिएन ।

यस्तै थ्री स्टार पछिल्लो १३ खेलसम्म जितविहीन बनेको छ । संकटालाई ३–० ले पराजित गरेयता थ्री स्टारले जित निकाल्न सकेको छैन । जसमा थ्री स्टारले ७ बराबरी र ६ हारको नतिजा निकालेको छ ।

यस बराबरीसँगै थ्री स्टार २४ खेलबाट २८ अंक जोडेर ११औं स्थानमा छ । थ्री स्टार रेलिगेसन क्षेत्रमा रहेको टोलीभन्दा ३ अंकले मात्रै अघि छ । एपिएफ २४ खेलबाट ३० अंक जोडेर सातौं स्थानमा छ ।

February 25, 2024

बार्सिलोनाको सानदार जित

एजेन्सी – स्पेनिश क्लब बार्सिलोनाको गएराती सम्पन्न लालिगा अन्तर्गतको खेलमा सानदार जित हात पारेको छ । बार्सिलोनाले गेटाफे माथि ४-० को फराकिलो जित निकालेको हो । धेरै समयपछि खेलमा उत्कृष्ट प्रदर्शन गरेको बार्सिलोनाले चार गोल गर्न पुग्यो । खेलको २०औं मिनेटमा राफिन्हाले गोल गर्दै खेलमा बार्सिलोनालाई अग्रता दिलाएका थिए । जुल्स कुन्डेले आफ्नै हाफबाट खेलेको […]

February 25, 2024

म्यानचेस्टर सिटी र आर्सनलको‌ जित

एजेन्सी – इंग्लिस प्रिमियर लिगमा उपाधि दौडमा रहेका म्यानचेस्टर सिटी र आर्सनल शनिबार विजयी भएका छन् । सिटीले फिल फोडेनको गोलमा बर्नमाउथलाई १-० ले पराजित गरेको छ । उनले २४ औं मिनेटमा गोल गरे । आर्सनलले न्युकासल युनाइटेडलाई ४-१ ले पराजित गर्यो । स्भेन बुटमनले १८औं मिनेटमा आत्मघाती गोल गरेपछि आर्सनलले अग्रता लियो। काइ हाभार्टले […]

February 25, 2024

नेपाल समूह विजेता बन्दै सेमिफाइनलमा

काठमाडौं (हाम्रो खेलकुद) – नेपाली राष्ट्रिय महिला फुटबल टोली समूह विजेता बन्दै वाफ महिला च्याम्पियनसिप २०२४ को सेमिफाइनलमा प्रवेश गरेको छ । शनिबार समूह चरणको अन्तिम खेलमा प्यालेस्टाइनलाई ४-० को फराकिलो अन्तरले पराजित गर्दै नेपालले समूहको शीर्षस्थानमा रहेर अन्तिम चारको यात्रा पक्का गरेको हो । नेपाल लगातार तेस्रो जितका साथ ९ अंक जोड्दै शीर्षस्थानमा रह्यो […]

Success

Thank you for your time.