default_image

12 months ago

June 5, 2023

ज्लाटनद्धारा सन्यास घोषणा

623 views

0 Bookmark

एजेन्सी – इटालियन क्लब एसी मिलानका स्वीडिस भेट्रान फरवार्ड ज्लाटन इब्राहिमोभिचले फुटबलबाट सन्यासको घोषणा गरेका छन् ।

AC Milan’s Zlatan Ibrahimovic reacts after his last game for the club at the end of a Serie A soccer match between AC Milan and Hellas Verona at the San Siro stadium, in Milan, Italy, Sunday, June 4, 2023. (AP Photo/Antonio Calanni)

४१ वर्षीय ज्लाटनले इटालियन सिरी ‘ए’ को खेलसँगै सबैखाले फुटबलबाट सन्यास लिएको बताएका छन् । ‘म फुटबललाई गुडवाई भन्छु तर तपाईलाई होइन ।’ आइतबार सिजनको अन्तिम खेलपछि सान सिरो भीडलाई ज्लाटनले भने ।

इब्राहिमोभिचले यसअघि नै इटालियन क्लब छाड्ने घोषणा गरिसकेका थिए । उनले पेरिस सेन्ट जर्मेन, म्यानचेस्टर युनाइटेड र एसी र इन्टर मिलान जस्ता क्लबहरूका लागि ५११ गोल गरिसकेका छन् । चार देशमा उपाधिसमेत जितिसकेका छन् ।

इब्राहिमोभिकले सन् २०२० को शुरुमा एसी मिलानसँग आफ्नो दोस्रो स्पेल सुरु गरेका थिए । त्यसअघि उनले सन् २०११ देखि मिलानमा खेलेका थिए । लगातार चोटका कारण उनले यो सिजन चार खेल मात्रै खेले । यस अवधिमा उनले सिरी ‘ए’ मा एक खेलमा पहिलो रोजाईमा खेल्दा एक गोल गरेका छन् ।

‘अहिले मेरो लागि धेरै भावनाहरू छन् । फोर्जा मिलान गुडवाई ।’ इब्राहिमोभिकले आँसु थाम्दै भने, ‘पहिलो पल्ट म यहाँ आए । मलाई खुशी दियौ, दोस्रो पटक माया दियौ । खुल्ला हातले स्वागत गर्नुभयो, तपाईंले मलाई घर महसुस गराउनुभयो, म मेरो बाँकी जीवनको लागि मिलानिस्टा हुनेछु ।’

इब्राहिमोभिचले १४ लिग उपाधिसहित ३४ ट्रफी जितेका छन् । ११ पटक बालोन डी’ओरको लागि मनोनित भएपनि बालोन डिओर भने जित्न सकेन । आफ्नो समयमा च्याम्पियन्स लिग जित्न नसकेको ज्लाटनले सन् २०१७ मा इंग्लिस क्लब म्यानचेस्टर युनाइटेडबाट युरोपा लिग जितेका छन् ।

ज्लाटन १२२ खेलमा ६२ अन्तर्राष्ट्रिय गोलसहित स्विडेनको सर्वकालीन शीर्ष गोलकर्तासमेत हुन् । उनले युरो २०१६ पछि राष्ट्रिय टोली छाडेका थिए । तर, उनले २०२१ मा सन्यास फिर्ता लिदै राष्ट्रिय टोलीमा फर्किएका थिए ।

इब्राहिमोभिचले आफ्नो व्यावसायिक करियर सन् १९९९ मा स्वीडिस क्लब माल्मोबाट सुरु गरेका थिए । सन् २००१ पछि डच क्लब आयाक्समा ३ वर्ष बिताउँदा तीन उपाधि जित्न सफल भएका थिए ।

सन् २००४ मा युभेन्ट्स पुगेका ज्लाटनले दुई लिग उपाधि जिते । सन् २००९ मा बार्सिलोना जानुअघि ज्लाटनले इन्टर मिलानसँग थप तीनवटा सेरी ए उपाधि जित्यो ।

इब्राहिमोभिकले क्याटालान क्लबमा मात्र एक सिजन बिताउँदा ला लिगा जित्न सफल भए । त्यसको एक सिजनपछि उनी फ्रान्सेली क्लब पेरिस सेन्ट जर्मेन (पिएसजी) पुगे । त्यहा चार सिजन बिताएका उनले १२२ लिग खेलमा ११३ गोलसँगै चार लिग वान उपाधि र १ अर्काे ट्रफी जिते ।

सन् २०१६ मा उनी इंग्लिस क्लब म्यानचेस्टर युनाइटेडमा पुग्यो । त्यहाँ उनले लिग कप र युरोपा लिग जित्यो । सन् २०१८ मा ज्लाटन अमेरिकी मेजर लिग सकर क्लब एलए ग्यालेक्सीमा दुई वर्ष रहे । त्यसपछि उनी मिलान फर्किएका थिए ।

May 19, 2024

प्रिमियर लिग विजेताको छिनोफानो आज

एजेन्सी – इंग्लिश प्रिमियर लिग २०२३/२४ सिजनको विजेताको टुंगो आज लाग्दैछ । पछिल्लो तीन सिजनको विजेता म्यानचेस्टर सिटी र आर्सनल मध्य एक टोलीले आज लिग उपाधि उचाल्ने छ । लिग लिडर सिटीले आज ८:४५ बजे वेस्ट ह्यामसँग अन्तिम खेल खेल्दैछ । सोही समयमा दोस्रो स्थानमा रहेको आर्सनलले एभर्टनसँग खेल्दैछ । सिटीले आफु अनुकुल नतिजा निकाल्न […]

May 18, 2024

काठमाडौंलाई गोदावरी मेयर कप फुटबल उपाधि

ललितपुर (हाम्रो खेलकुद) – काठमाडौं महानगरपालिकाले गोदावरी प्रथम उपत्यकाब्यापी अन्तर पालिका मेयर कप फुटबल प्रतियोगिताको उपाधि जितेको छ । प्रस्तावित गोदावरी बहुउदेश्यीय रंगशालाको झ्यालुन्टार मैदानमा शनिबार भएको फाइनलमा चन्द्रागिरी नगरपालिकालाई २–१ गोल अन्तरले हराउँदै काठमाडौं च्याम्पियन बनेको हो । काठमाडौंका लागि अखिलेष कार्की र दीपेश श्रेष्ठले गोल गरे । उपाधिका साथ काठमाडौंले ५ लाख रुपैयाँ […]

May 18, 2024

पूर्वेली रातो दुर्गादेवी श्रेष्ठ स्मृति भेट्रान्सको फाइनलमा

हिमाल खरेल, बिर्तामोडआयोजक पूर्वेली युवा क्लब रातो बिर्तामोडमा जारी स्वर्गीय दुर्गादेवी श्रेष्ठ स्मृति भेट्रान्स फुटबल प्रतियोगिताको फाइनलमा प्रवेश गरेको छ । बिर्तामोडको डोमालाल राजवंशी रंगशालामा आज भएको अन्तिम सेमिफाइनल खेलमा मोरङको विराट मेगा भेट्रान्स एफसीलाई ५–० ले पराजित गर्दै आयोजक रातो उपाधिनजिक पुगेको हो । जितसँगै आयोजक पूर्वेलीका दुवै टिम फाइनलमा पुगेका छन् । दुवै […]

Success

Thank you for your time.