default_image

1 year ago

June 7, 2023

विश्वकपको टिकट विक्रीका लागि एन्फामा भागबन्डा

331 views

0 Bookmark

काठमाडौं (हाम्रो खेलकुद) – कतारमा पुरुष फुटबल विश्व कप सकिएको ६ महिना बितिसक्दा टिकट विक्रीको हिसाब सार्वजनिक गर्न नसकेको अखिल नेपाल फुटबल संघ (एन्फा) ले झण्डै डेढ महिनापछि अष्ट्रेलिया र न्यूजिल्यान्डले संयुक्त रुपमा आयोजना गर्ने महिला विश्वकपको २ सय ३० टिकट विक्रीका लागि आन्तरिक भागबण्डा गर्ने निर्णय गरेको छ ।

एन्फा अध्यक्ष पंकजविक्रम नेम्बाङको अध्यक्षतामा जेठ २० गते बसेको आपतकालीन बैठकले अध्यक्ष, वरिष्ठ उपाध्यक्ष, ४ उपाध्यक्ष, महासचिव, सह महासचिव, प्रवक्ता, कोषाध्यक्ष, सदस्य, जिल्ला, क्लब, मिडिया, प्रायोजक र शुभचिन्तकका लागि टिकटको भागबन्डा गरेको छ । एन्फाका अनुसार महिला विश्व कपका लागि एन्फालाई अष्ट्रेलियामा हुने खेलको १ सय २५ र न्यूजिल्यान्डमा हुने खेलका लागि १ सय ५ गरि २ सय ३० टिकट विक्रीका लागि उपलब्ध भएको छ ।

एन्फाले पदीय मर्यादाक्रम अनुसार टिकटको भाग बण्डा गरेको छ । जसअनुसार अध्यक्षलाई अष्ट्रेलियाको ८ र न्यूजिल्यान्डको ७, वरिष्ठ उपाध्यक्षलाई अष्ट्रेलियाको ७ र न्यूजिल्यान्डको ६, चार उपाध्यक्ष र महासचिव हरेकलाई अष्ट्रेलियाको ५ र न्यूजिल्यान्डको ४, केन्द्रिय सदस्य हरेकलाई अष्ट्रेलिया र न्यूजिल्यान्डको समान ३ टिकट भाग लगाइएको छ ।

त्यस्तै एन्फा कोषध्यक्षलाई अष्ट्रेलियाको र न्यूजिल्यान्डको समान १, तीन सहायक महासचिव र प्रवक्ता हरेकलाई अष्ट्रेलियाको १ र न्यूजिल्यान्डको २ टिकट भाग बण्डामा परेको छ । एन्फाका सदस्य जिल्ला, क्लब, मिडिया, प्रायोजक र शुभ चिन्तकलाई अष्ट्रेलियाको ३५ र न्यूजिल्यान्डको १८ टिकट भागमा राखिएको छ ।

भाग लगाइएको अनुसार कुनै पदाधिकारीले टिकट खरिद गर्न नचाहेको वा कम खरिद गर्न चाहेको अवस्थामा आपसी सहमतिमा अन्य पदाधिकारी वा व्यक्तिले खरिद गर्न सक्नेछन् । टिकट खरिद वा विक्री गर्दा सम्बन्धित पदाधिकारीले सिफारिससहित गैरकानुनी गतिविधि नहुने जिम्मा जमानीको करारनामा गर्नुपर्ने पनि एन्फाले निर्णय गरेको छ ।

एन्फाका महासचिव किरण राईले पारदर्शिताका लागि टिकट पदाधिकारीलाई दिने निर्णय गरेको बताए । उनले भने, ‘एन्फाका सदस्य संस्थाहरुलाई पनि पत्राचार गरेका थियौं । एन्फाले आफै पनि विक्री गर्न त सक्थ्यो । त्यो भन्दा पदाधिकारीलाई दामासहिले भाग लगाइदिएपछि पारदर्शिता पनि हुने भएकाले यो निर्णय गरेका हौं ।’

गत वर्ष पुसमा कतारमा सम्पन्न पुरुष विश्व कपमा एन्फाले २ सय ९० वटा टिकट विक्रिका लागि प्राप्त गरेको थियो । जसमा एन्फाले एसियाली फुटबल महासंघ (एएफसी) लाई ६५ टिकट दिएको जनाएको थियो ।

त्यसबाहेकका टिकटका लागि एन्फाले आफू मातहतका ३ डिभिजन (ए,बी,सी) का ४२ क्लब, ४८ जिल्ला फुटबल संघ, ४ फुटबल संघ (रेफ्री, खेलाडी, प्रशिक्षक र महिला), राष्ट्रिय लिगका लागि छनोट भएका ४ क्लब र ७ प्रदेश फुटबल संघलाई समान १ टिकट विक्रीको प्रावधान राखेको थियो । राईले त्यति बेला सबै टिकट विक्री गरिएको भएपनि सबै सार्वजनिक गर्न आवश्यक नरहेको र त्यसको हिसाब संस्थागत अडिटमा हुने बताए । यसपटक भने पदाधिकारी र अन्यका लागि टिकट विक्रीकै भागबन्डा लगाइएको छ ।

June 25, 2024

नाचो र जोसेलुले रियल म्याड्रिड छाड्ने

एजेन्सी – स्पेनिस क्लब रियल म्याड्रिडका कप्तान तथा डिफेन्डर नाचो फर्नान्डेस र फरवार्ड जोसेलु माटाले यो सिजनको अन्त्यसँगै क्लब छाड्ने भएका छन् । सान्टियागो बर्नाबेउमा सम्झौताको अवधि सकिएसँगै युरो २०२४ मा स्पेनको प्रतिनिधित्व गरिरहेका नाँचोले नयाँ चुनौती पछ्याउने निर्णय गरेका छन् । उनी साउदी प्रो लिग क्लब अल कादासियामा सामेल हुने सम्भावना रहेको छ । […]

June 25, 2024

ब्राजिल र कोस्टारिकाको बराबरी

एजेन्सी – उपाधि दावेदार ब्राजिलले कोपा अमेरिका २०२४ अन्तर्गत आफ्नो पहिलो खेलमा कोस्टारिकासँग बराबरी खेलेको छ । अमेरिकाको लस एन्जेलसस्थित सोफाइ रंगशालामा सम्पन्न खेल गोलरहित बराबरीमा टुंगिदा दुवै टोलीले १-१ अंक हात पारे । ब्राजिलले खेलमा एकपक्षीय आक्रमण गरेपनि आवश्यक गोल भने गर्न सकेन । ब्राजिलले पहिलो हाफमा मार्किन्हसको प्रयासमा बललाई पोस्टभित्र पठाएपनि रेफ्रीले भीएआरको […]

June 25, 2024

इटाली नाटकीय ढंगले युरो कपको अन्तिम १६मा

एजेन्सी – अन्तिम मिनेटमा बराबरी गोल गर्दै साविक विजेता इटाली युरो कप २०२४ को अन्तिम १६ मा प्रवेश गरेको छ । इन्ज्युरी समयको अन्तिम समयमा एक गोलले पछि परेको अवस्थामा गोल गरेर क्रोएसिया विरुद्ध १-१ को बराबरी खेल्दै इटाली नकआउट चरणमा पुगेको हो । ५५औं मिनेटमा लुका मोड्रिचको गोलमा क्रोएसियाले अग्रता लिएको थियो । त्यसअघि […]

Success

Thank you for your time.