default_image

12 months ago

June 7, 2023

मेस्सी इन्टर मायमी जाने

233 views

0 Bookmark

एजेन्सी – अर्जेन्टिनी स्टार फरवार्ड लिओनेल मेस्सी अमेरिकी क्लब इन्टर मायमी जाने भएका छन् । यसै साता फ्रान्सेली च्याम्पियन पेरिस सेन्ट जर्मेन (पिएसजी) छोड्ने घोषणा गरेका उनी मेजर लिग सकर (एमएलएस) क्लब जाने भएका हुन् ।

साउदी क्लब अल हिलालले राखेको प्रस्ताव नकार्दै मेस्सीले अमेरिकी क्लब जाने निर्णय गरेका हुन् । युरोप बाहिर खेल्ने निर्णय लिएका मेस्सीसामु आफ्नो पूर्व क्लब बार्सिलोना फर्कने अवसर पनि थियो । तर मेस्सीले करिअरको अन्त्य अमेरिकी क्लबमा गएर गर्ने भएका हुन् ।

मेस्सीलाई आर्थिक रुपमा निकै ठूलो प्रस्ताव गर्नेमा इन्टर मायमी र अल हिलाल थिए । साउदी क्लबहरुले निकै मोटो रकम खर्च गरिरहेको अवस्थामा मेस्सी पनि त्यसतर्फ जाने चर्चा रहेको थियो । तर मेस्सीले फुटबलबाहेक व्यापारिक पक्षमा पनि मायमीबाट राम्रो प्रस्ताव पाएपछि त्यसतर्फ आकर्षित भएको बुझिएको छ ।

युरोपेली फुटबलका वरिष्ठ पत्रकार गिलेम बालागेका अनुसार मेस्सीलाई मायमीले एडिडास र एप्पलसँग प्रायोजन सम्झौताक पनि केहि अंश दिने प्रस्ताव राखेको थियो । यसबाहेक मेस्सीसामु क्लबबाट संन्यास लिने समयमा क्लबकै शेयर पनि दिने चर्चा रहेको छ ।

मेस्सीले फ्रान्समा दुई सिजन बिताए । सन् २०२१ मा आर्थिक समस्याका कारण बार्सिलोना छोडेका उनले १० पटक ला लिगा र ४ पटक च्याम्पियन्स लिग जितेका थिए । पिएसजीमा भने च्याम्पियन्स लिग जित्ने उनको इच्छा पूरा हुन सकेन । यसक्रममा मेस्सीले अर्जेन्टिनाका लागि कोपा अमेरिका र विश्वकप जित्ने उपलब्धि भने हासिल गरे ।

May 26, 2024

पिएसजी फ्रेन्च कप च्याम्पियन

एजेन्सी – फ्रेन्च कपको उपाधि जित्दै फरवार्ड केलियन एमबाप्पेले आफ्नाे पेरिस सेन्ट जर्मेन (पिएसजी) बसाईकाे सुखद् अन्त्य गरेका छन्। पिएसजीले शनिबार लियोनमाथि २–१ को जित निकाल्दै उपाधि जित्न सफल भएको हो । पिएसजीका लागि आफ्नाे अन्तिम खेलमा भने एमबाप्पेले गाेल गर्न सकेनन् । पिएसजीका लागि अन्तिम खेल खेलिरहेका केलियन एमबाप्पेले उपाधिसहित क्लबबाट सुखद बिदाई लिएका […]

May 26, 2024

म्यानचेस्टर युनाइटेडलाई‌ एफए कप

एजेन्सी – म्यानचेस्टर युनाइटेडले एफए‌ कपको उपाधि जितेको छ। म्यानचेस्टर सिटीलाई‌ शनिबार २-१ ले हराउँदै युनाइटेडले उपाधि जितेको हो। गत वर्ष युनाइटेडलाई‌ २-१ ले नै हराउँदै सिटीले उपाधि जितेको थियो। युनाइटेडलाई‌ शनिबार जित दिलाउन अलेहान्द्रो ग्रानाचो र कोबी माइनोले गोल गरे। सिटीका जेरेमी डोकुले एक गोल फर्काए । खेलको ३० औं मिनेटमा ग्रानाचोले युनाइटेडलाई अग्रता […]

May 25, 2024

अञ्जनलाई स्पोर्ट्स कम्पनी ३६१ को साथ

काठमाडौं (हाम्रो खेलकुद) – नेपाली राष्ट्रिय फुटबल टोलीका सदस्य अञ्जन विष्टलाई चाइनिज स्पोर्ट्स पोशाक ब्रान्ड कम्पनी ३६१ डिग्रीले प्रायोजन गरेको छ । नेपालको लागि स्पोर्ट्स ब्रान्ड ३६१ का आधिकारिक विक्रेताका प्रमुख कार्यकारी अधिकृत (सिइओ) सरोज कार्की र अञ्जनबीच शनिबार सम्झौतामा हस्ताक्षर गरेका थिए । सम्झौता तीन बर्ष रहने बताइएको छ । कम्पनीले अञ्जनलाई तीन वर्षसम्म […]

Success

Thank you for your time.