default_image

1 year ago

June 8, 2023

अर्जेन्टिनी मिडफिल्डर लिभरपुलमा अनुबन्धित

141 views

0 Bookmark

एजेन्सी – विश्व विजेता अर्जेन्टिनी मिडफिल्डर एलेक्सिस म्याक एलिस्टर इंग्लिस क्लब लिभरपुलमा अनुबन्धित भएका छन् । एलेक्सिस म्याक एलिस्टर अर्काे प्रिमियर लिग क्लब ब्राइटन होव अल्बियोनबाट लिभरपुलमा सरेका हुन् ।

लिभरपुलले एलिस्टरलाई ५ वर्षको लागि ३५ मिलियन पाउन्डमा अनुबन्ध गर्न सफल भएको हो । यससँगै उनी अब सन् २०२८ को समर ट्रान्सफरसम्म लिभरपुलमा रहनेछ ।

यस सिजन प्रिमियर लिगमा ब्राइटनलाई पहिलोपटक युरोपिन फुटबलमा छनोट गराउन महत्वपूर्ण भुमिका निभाएका उनको सम्झौता ५५ मिलियन पाउन्डसम्म बढ्न सक्नेछ ।

२४ वर्षीय एलिस्टरले ब्राइटनमा साँढे तीन सिजन बिताउादा ११२ खेलमा २० गोल गरेका छन् । उनले अर्जेन्टिनालाई गत वर्ष नोभेम्वर डिसेम्वरमा भएको फिफा विश्वकप जिताउन पनि महत्वपूर्ण भुमिका निभाएका थिए ।

‘यो सपना साकार भएको छ र म पर्खन सक्दिन ।’ म्याक एलिस्टरले भने, ‘म प्रि–सिजनको पहिलो दिन बाटै आउन चाहन्थे, सबै कुरा राम्रो छ । म मेरो टोलीका साथीहरूलाई भेट्न उत्सुक छु ।’

‘यो मेरो लागि उत्कृष्ट वर्ष थियो, मैले विश्वकप जिते, ब्राइटनलाई युरोपियन फुटबलमा छनोट गराए । तर अब यो समय लिभरपुलको बारेमा सोच्ने र राम्रो प्रदर्शनलाई निरन्तरता दिने प्रयास रहनेछ ।’ एलिस्टरले थपे ।

केही अनुभवी मिडफिल्डरले क्लब छाड्दै गर्दा लिभरपुलका प्रशिक्षक योर्गेन क्लोप आफ्नो मिडफिल्डलाई बलियो बनाउन खोजिरहेका छन् ।

म्याक एलिस्टर सन् २०१९ को जनवरीमा अर्जेन्टिनोस जुनियर्सबाट ब्राइटनमा सामेल भएका थिए । तुरुन्तै उनी लोनमा ब्यूनस आयर्समा फर्किएका थिए । एलिस्टरले अर्जेन्टिनाका लागि १६ क्याप जित्दा एक अन्तर्राष्ट्रिय गोल गरेका छन् ।

डिसेम्बरमा अर्जेन्टिनाले तेस्रो विश्वकप जित्दा उनी प्रमुख खेलाडीको रूपमा उभिए । साउदी अरेबियासँग हार भोगेको अर्जेन्टिनाले त्यसपछि सानदार प्रदर्शन गर्दै उपाधि जित्न सफल भएको थियो । अर्जेन्टिनाले फाइनलमा फ्रान्सलाई पेनाल्टीमा पराजित गर्दै च्याम्पियन बन्न सफल भएको थियो ।

‘विश्वकप जितेदेखि मैले थप ट्रफीहरू जित्न चाहन्छु । मलाई लाग्छ कि यो क्लबले मलाई त्यसो गर्न मद्दत गर्नेछ ।’ एलिस्टरले भने, ‘म साँच्चै खुसी छु र म यो क्लबको लागि खेल्नको लागि उत्सुक छु ।’

म्याक एलिस्टरले इन्स्टाग्राममा ब्राइटनलाई धन्यवाद दिँदै लेखेका छन्, ‘यो क्लबलाई बिदाई गर्ने समय हो जसले मेरो लागि ढोका खोल्यो र मलाई यस्ता अद्भुत क्षणहरू दियो । मैले कहिल्यै सोचेको थिइनँ म सधैं आभारी रहनेछु ।

July 24, 2024

सेल्टिकले म्यानचेस्टर सिटीलाई हरायो

एजेन्सी – प्रि-सिजन खेलहरुका लागि अमेरिका पुगेको इंग्लिश क्लब म्यानचेस्टर सिटी स्कटिस क्लब सेल्टिकसँग पराजित भएको छ । च्यपेल हिल शहरमा भएको खेलमा म्यानचेस्टर सिटी ४-३ ले पराजित भएको हो । सेल्टिकले पहिलो हाफमा नै ३-१ को अग्रता लिएको थियो । निकोलस-गेरिट कुह्नले १३औं मिनेटमा सेल्टिकलाई अग्रता दिलाएका थिए । ३३औं मिनेटमा सिटीका ओस्कार बबले […]

July 24, 2024

नेपालमा संचालित ‘रोड टु टोटेनहम’ अवैध

सुबास हुमागाईं, काठमाडौं भारतीय क्लब किकस्टार्ट फुटबल क्लबले स्थानीय क्लब र संस्थासँग मिलेर इंग्लिस प्रिमियर लिगको क्लब टोटेनहम हट्सपर सम्म पुर्याउने भन्दै नेपालमा आयोजना गरेको ‘रोड टु टोटेनहम’ कार्यक्रम अवैध भएको पाइएको छ । किकस्टार्टले नेपालको बी डिभिजन क्लब श्री भगवती क्लब टोखा र भकुन्डो एनपी नामक संस्थासँग मिलेर ‘रोड टु टोटेनहम’ नामक कार्यक्रम दुई […]

July 22, 2024

मछिन्द्र र सातदोबाटोको बराबरी, संकटा र चर्च ब्वाइजले पनि अंक बाँडे

काठमाडौं (हाम्रो खेलकुद) – ललित स्मृति यु-१८ लिग अन्तर्गत सोमबार भएका दुवै खेल बराबरीमा सकिएका छन् । दुवै खेल १-१ को बराबरीमा सकिएको हुन् । एन्फा कम्प्लेक्स सातदोबाटोमा भएको दिनको पहिलो खेलमा मछिन्द्र एफसी र सातदोबाटो युथ क्लबले बराबरी खेले । ६३औं मिनेटमा रोनिक राना मगरको गोलमा लिएको अग्रता पश्चात ७९औं मिनेटमा आदेश लामाले गोल […]

Success

Thank you for your time.