default_image

12 months ago

June 21, 2023

साफको नयाँ माहोलमा वर्चस्व बढाउने भारतको लक्ष्य

223 views

0 Bookmark

काठमाडौं (हाम्रो खेलकुद) – भारतको बेंगलुरुमा बुधबारदेखि सुरु हुने साफ च्याम्पियनसिपमा आयोजक भारतको लक्ष्य प्रतियोगितामा आफूले कायम गर्दै आएको वर्चस्व आमन्त्रित टोली थपिएको नयाँ थप फराकिलो पार्नु हुनेछ ।

सर्वाधिक ८ पटक उपाधि जितेको भारतले यसपटक भने थप चुनौतीको सामना गर्नुपर्ने छ । दक्षिण एसियाका ६ टोलीसँगै यसपटक लेबनान र कुवेतले पनि साफ च्याम्पियनसिपमा प्रतिस्पर्धा गर्दैछन् । भारत रहेको समूहमा लेबनान रहेको छ ।

प्रशिक्षक इगोर स्टिमाकले यसै साता मात्र भारतमै आयोजित इन्टरकन्टिनेन्टल कपमा भारतलाई उपाधि दिलाए । यसक्रममा भारतले फाइनलमा लेबनानलाई नै २-० ले पराजित गरेको थियो । राम्रो तयारी गरेको भारतले यसपटक पनि साफमा आफ्नो वर्चस्व कायम राख्ने लक्ष्य राखेको छ ।

भारतले पछिल्लो ६ खेलमा अपराजित रहने क्रममा ५ जित निकालेको छ । साफको पछिल्लो संस्करणमा नेपाललाई नै फाइनलमा हराएको थियो । यसपटक समूह चरणमा भारतले नेपाल, कुवेत र पाकिस्तानको सामना गर्नेछ ।

युवा र अनुभवी खेलाडीको सम्मिश्रणसहित आएको भारतीय टोलीको आक्रमणमा फेरी एकपटक सुनिल क्षेत्री हुनेछन् । ३८ वर्षको उमेरमा पनि सुनिलले एकपछि अर्को उत्कृष्ट प्रदर्शन गर्दै आएका छन् । उनकै गोलमा भारतले आइतबार भएको फाइनलमा लेवनानविरुद्ध सुरुवाती अग्रता लिएको थियो ।

मिडफिल्डमा सहाल अब्दुल समाद र अनिरुद्ध थापाको जोडीले उच्च प्रदर्शन गरिरहेका छन् भने अनुभवी सन्देश झिन्गन र युवा अनवर अलीको जोडी भारतका लागि निकै फापेको छ । भारतसँग विंगरमा पनि थुप्रै विकल्प छ । गोलरक्षकमा गुरप्रित सिंह सन्धुलाई अम्रिन्दर सिंहले सुरुवाती स्थानका लागि चुनौती दिइरहेका छन् ।

भारतको घरेलु फुटबलको स्तरोन्नतिले राष्ट्रिय टोलीलाई पनि निकै सहयोग पुर्याएको छ । मैदानबाहिर मात्र नभएर मैदान भित्र पनि युवा खेलाडी फरक स्तरका आउन थालेका छन् । यसैपनि दक्षिण एसियामा वर्चस्व जमाएको भारत अब त्यसलाई थप फराकिलो पार्न यो संस्करण प्रयोग गर्न चाहन्छ ।

June 15, 2024

स्विट्जरल्यान्डको विजयी सुरुवात

एजेन्सी – स्विट्जरल्यान्डले युरो कप २०२४ मा विजयी सुरुवात गरेको छ । शनिबार साँझ भएको पहिलो खेलमा स्विट्जरल्यान्डले हंगेरीलाई ३-१ ले पराजित गरेको हो । खेलको १२औं मिनेटमा नै क्वाडवो डुवाहले गोल गर्दै स्विट्जरल्यान्डलाई अग्रता दिलाएका थिए । माइकल एविसरले दिएको थ्रु-पासमा बक्स भित्रबाट उनले राम्रो फिनिश गरेका थिए । ४५औं मिनेटमा एविसरले गोल गर्दै […]

June 15, 2024

जर्मनीको सानदार सुरुवात

एजेन्सी – उपाधि दावेदार तथा आयोजक जर्मनीले युरो कप २०२४ को सानदार सुरुवात गरेको छ । स्कटल्यान्डलाई ५–१ ले पराजित गर्दै जर्मनीले सानदार सुरुवात गरेको हो । सबै छ गोल जर्मनीका खेलाडीले गरेका थिए । १० खेलाडीमा समेटिएको स्कटल्यान्डविरुद्ध जर्मनीको सानदार जितमा पाँच खेलाडी फ्लोरिएन रिट्ज, जमल मुसिएला, काई हार्भटज, निकलस फुलक्रग र एम्री क्यानले […]

June 14, 2024

दोस्रो चरणमा २५ खेलाडी छनोट

काठमाडौं (हाम्रो खेलकुद)– अखिल नेपाल फुटबल संघ (एन्फा) ले नेपाली महिला राष्ट्रिय फुटबल टोलीका लागि दोस्रो चरणमा २५ खेलाडी छनोट गरेका छन् । मुख्य प्रशिक्षक राजेन्द्र तामाङले प्रारम्भिक चरणमा रहेका ३० खेलाडीबाट ५ खेलाडी कटौती गर्दै दोस्रो चरणमा २५ खेलाडी छनोट गरेका हुन् । प्रशिक्षणबाट सुशीला कुमारी चौधरी, सबिना चौधरी, गंगा गुरुङ, ममता पुन र […]

Success

Thank you for your time.