2 years ago
June 21, 2023
एजेन्सी – भेट्रान फरवार्ड तथा कप्तान क्रिष्टियानो रोनाल्डोले कीर्तिमानी खेलमा गोल गरेपछि पोर्चुगलले युरो कप २०२४ को छनोट खेलमा लगातार चौथो जित दर्ता गरेकाे छ ।

रोनाल्डोले कीर्तिमानी २००औं खेलमा कीर्तिमानी १२३औं गोल गरेपछि पोर्चुगलले १० खेलाडीमा समेटिएको घरेलु टोली आइसल्यान्डमाथि १–० को संघर्षपूर्ण जित दर्ता गरेको हो । बराबरीतर्फ धकेलिएको खेलको अन्त्यतिर रोनाल्डोले गोल गर्र्दै पोर्चुगललाई ३ अंक दिलाए ।
आइसल्यान्डमा मंगलबार राति भएको खेलको ८९औं मिनेटमा ३८ वर्षीय रोनाल्डोले गोन्कालो इनासियोको हेडर पासमा उनले वान टचमा सहज फिनिस गरेका थिए ।
यससँगै रोनाल्डो २०० अन्तर्राष्ट्रिय क्याप जित्ने पहिलो पुरुष खेलाडी बनेका छन् । यो रोनाल्डोको कीर्तिमानी १२३औं अन्तर्राष्ट्रिय गोल हो । उनी राष्ट्रिय टोलीबाट पुरुषतर्फ सर्वाधिक गोल गर्ने सुचीमा पनि शीर्षस्थानमा छ ।

साउदी अरेबियनको अल–नासरका रोनाल्डोले गत मार्चमा कुवेतका फरवार्ड बदर अल–मुतावाको १९६ अन्तर्राष्ट्रिय क्यापको कीर्तिमान तोडेका थिए । रोनाल्डोको यो कीर्तिमानी खेलअघि गिनिज वल्र्ड रेकर्ड्सले रोनाल्डोलाई प्रमाणपत्र प्रदान गरेको थियो ।
‘मेरो लागि यो अविश्वसनीय उपलब्धि हो, यो आश्चर्यजनक छ ।’ रोनाल्डोले खेलपछि भने, ‘र, पक्कै पनि विजयी गोलले अझ विशेष छ । हामीले त्यति राम्रो खेलेका छैनौं तर कहिलेकाहीं फुटबल यस्तो हुन्छ तर हामीले गोल ग¥यौं । हामी यसको हकदार थियौं । म २०० क्यापहरूको कारण धेरै खुसी छु, तर यो अझ विशेष छ ।’
रोनाल्डो पछिल्लो २० वर्षयता पोर्चुगलको टोलीमा नियमित छन् । रोनाल्डोले सन् २००३ मा पोर्चुगलको लागि डेब्यु गरेका थिए । हाल अल नासरमा रहेका पूर्व स्पोर्टिङ लिस्बन, म्यानचेस्टर युनाइटेड, रियल म्याड्रिड र युभेन्टसका फरवार्डले पाँच पटक बालोन डी’ओर जितेका छन् ।

युरो २०२४ को छनोटमा उनको पाँचौं गोलले पोर्चुगललाई चार खेलबाट चार जित दिलाउन मद्दत ग¥यो । ८१औं मिनेटमा घरेलु टोली आइसल्यान्ड १० खेलाडीमा समेटिदा त्यसको फाइदा पोर्चुगलले उठाउन सफल भयो । विलम विलुमसन दोहोरो पहेलो कार्ड खाँदै मैदानबाट बाहिरिएका थिए ।
यस जितले समूह ‘जे’ मा शीर्षस्थानमा रहेको पोर्चुगलको ४ खेलबाट १२ अंक पुगेको छ । पराजित आइसल्यान्ड ३ अंक जोडेर पाँचौं स्थानमा छ ।
यही समूहको अर्काे खेलमा लक्जेमवर्गले बोस्निया एण्ड हर्ज गोभिनालाइए २–० ले तथा स्लोभाकियाले लिचेस्टाइनलाई १–० ले पराजित गरेको छ ।
December 7, 2025
एजेन्सी – शीर्ष स्थानको बार्सिलोनाले ला लिगामा आफ्नो अग्रता थप मजबुत बनाउँने क्रममा शनिवार रियल बेटिसलाई ५-३ ले हराएको छ। रोचक खेलमा फरान टोरेसले पहिलो हाफमै ह्याट्रिक गर्दै टोलीलाई शानदार जित दिलाए। खेलमा अग्रता भने बेटिसले लियो । छैटौँ मिनेटमै एन्टोनीले नजिकैबाट गोल गर्दै १-० को अग्रता दिलाए। तर त्यो अग्रता धरै समय टिकेन। ५ […]
December 7, 2025
एजेन्सी – इन्टर मियामीले शनिवार भ्यानकुवर ह्वाइटक्याप्सलाई ३–१ ले हराउँदै पहिलो एमएलएस कप जितेको छ। खेलमा लियोनेल मेस्सीले दुई असिस्ट दिए। खेलको सुरुआतमै मियामीले अग्रता लियो। आठौं मिनेटमा टाडेओ आलेन्देको पास रोक्न खोज्दा भ्यानकुवरका डिफेन्डर एडियर ओक्याम्पोबाट आत्मघाति गोल भयो। त्यसपछि भ्यानकुवरले दबाब बनाउँदै ६० औं अली अहमेदमार्फत बराबरी गोल गर्यो। मियामीका गोलरक्षक रोको रिओस […]
December 6, 2025
एजेन्सी – म्यानचेस्टर सिटीले सन्डरल्यान्डलाई ३-० ले पराजित गर्दै प्रिमियर लिगको शीर्ष टोली आर्सनलसँगको अंक दूरी घटाएको छ। खेलको अन्त्यतिर लुक ओनाइनलाई रातो कार्ड दिइएपछि सन्डरल्यान्ड १० खेलाडीमै सीमित भयो।पहिलो हाफमा मात्र ४ मिनेटको अन्तरमा गोल गरेपछि सिटी बलियो भएको थियो। रुबेन डियासले ३१ औं र जोस्को ग्भार्डिओलले ३५ औं मिनेटमा गोल गरेका थिए। ६५ […]