10 months ago
June 21, 2023
सुबास हुमागाईं, काठमाडौं नेपाली राष्ट्रिय फुटबल टोलीका लागि साफ च्याम्पियनसिप सबैभन्दा महत्त्व बोकेको प्रतियोगिता हो । माल्दिभ्समा सम्पन्न पछिल्लो संस्करणको फाइनलमा नेपालले पहिलो पटक फाइनल यात्रा तय गरेको थियो । उपाधि भिडन्तमा भारतसँग स्तब्ध हुँदै फर्किएको नेपाली टोलीको त्यसपछिको लक्ष्य उपाधिका लागि हुनुपर्ने थियो, तर भारतमा बुधबारदेखि सुरु हुने प्रतियोगितामा नेपाल उपाधिको अपेक्षा भन्दापनि राम्रो […]
सुबास हुमागाईं, काठमाडौं
नेपाली राष्ट्रिय फुटबल टोलीका लागि साफ च्याम्पियनसिप सबैभन्दा महत्त्व बोकेको प्रतियोगिता हो । माल्दिभ्समा सम्पन्न पछिल्लो संस्करणको फाइनलमा नेपालले पहिलो पटक फाइनल यात्रा तय गरेको थियो । उपाधि भिडन्तमा भारतसँग स्तब्ध हुँदै फर्किएको नेपाली टोलीको त्यसपछिको लक्ष्य उपाधिका लागि हुनुपर्ने थियो, तर भारतमा बुधबारदेखि सुरु हुने प्रतियोगितामा नेपाल उपाधिको अपेक्षा भन्दापनि राम्रो प्रदर्शन गर्ने आशासहित मैदानमा उत्रनेछ ।
कमजोर तयारी, खेलाडी पलायनका कारण नयाँ स्वरूपको टोली, प्रतियोगिताको फेरिएको अवस्था र नयाँ प्रशिक्षकले टोलीसँग निकै कम समय पाएका कारण यसपटक नेपाल विगतभन्दा फरक माहोलमा साफ च्याम्पियनसिपमा सहभागिता जनाउँदैछ । विगतमा नेपालले महिनौंको तयारी गरेर साफ च्याम्पियनसिपमा उपाधि जित्ने लक्ष्य लिएर प्रतिस्पर्धा गर्ने गर्थ्यो । तर यसपटक चौतर्फी बाधा अड्चनले नेपाल उपाधि भन्दापनि समूह चरण पार गर्ने पहिलो लक्ष्य सोचेर भारत पुगेको छ ।
विगतमा नेपालले समूह चरण पार गर्नेबारे खासै चिन्ता लिनुपर्ने अवस्था रहँदैन थियो । कुनै संस्करणमा खराब प्रदर्शनका कारण नेपाल समूह चरणबाटै बाहिरिएको पनि छ, तर त्यसबेला पनि टोलीबाट धेरै अपेक्षा रहने गर्थ्यो । जसका कारण टोलीको प्रदर्शनमा निराशा पनि उत्तिकै बढी थियो । यसपटक भने त्यो अवस्था छैन ।
यसपटक साफमा दुई आमन्त्रित टोलीको आगमनले पनि प्रतियोगिता थप प्रतिस्पर्धात्मक बन्ने पक्का छ । कुवेत र लेवनानको आगमनले समूह चरणमा अझ चुनौती थपिएको छ । पाकिस्तानले विदेशमा लिग खेल्दै आएका खेलाडीलाई प्राथमिकतामा राख्दै टोली निर्माण गर्नुले नेपाललाई अझ कठिन हुने अनुमान छ । भारतको फुटबल दिन प्रतिदिन उकालो लाग्दा छिमेकी नेपालमा भने नैराश्यता छाउँदै गएको कसैबाट लुकेको छैन ।
तीन महिनाअघि नेपाल आइपुगेका इटालियन प्रशिक्षक भिन्सेन्जो अल्बर्टो अनेसेले थ्री नेसन्स कपपछि एउटा पनि पूर्ण प्रशिक्षण सेसन नराखी साफका लागि अन्तिम टोली घोषणा गर्नुपरेको थियो । ए डिभिजन लिगको कारण तीन पटक रणनीतिक प्रशिक्षणबाट खेलाडी छनोट गरेका अनेसेले त्यसपछि भने १० दिन तयारी गर्ने अवसर पाए । यसबीचमा नेपालले गत विहीबार फिलिपिन्ससँग मैत्रीपूर्ण खेल पनि खेल्यो ।
फिलिपिन्सविरुद्ध लाकेन लिम्बु र विमल पाण्डेले सुरुवाती रोजाइमा खेलेर राष्ट्रिय टोलीका लागि डेब्यु गरे । दुवैको प्रदर्शन सन्तोषजनक नै रह्यो । अनुभवी डिफेन्सको भरमा सिकारु मिडफिल्डसहित नेपाली टोली साफको चुनौती दिन जाँदा मिश्रित आक्रमणले थप जिम्मेवारी लिनुपर्ने देखिन्छ ।
नेपाली टोलीमा कप्तान किरण चेम्जोङसँगै डिफेन्डरद्वय अनन्त तामाङ र रोहित चन्दमा नेपालको नतिजा भर पर्ने देखिन्छ । सेन्टर डिफेन्समा देवेन्द्र तामाङ र गोलरक्षणमा विशाल श्रेष्ठ र दिप कार्कीको अनुभव पनि विकल्पमा छ । तर विंगब्याकमा भने नेपाललाई समस्या नै छ । राइट ब्याकमा सनिश श्रेष्ठले डेब्युयता राम्रो प्रदर्शन गरेका छन् । तर सनिश, विमल पाण्डे, निशान खड्का र सिमान्त थापा सबैको कुल खेल जोड्ने हो भने मात्र ६ क्याप हुन आउँछ । यो अनुभवको कमी नेपाललाई भारी पर्न सक्छ ।
मिडफिल्डमा भने पुजन उपरकोटी र एरिक विष्ट आफैं खासै अनुभव बोकेका खेलाडी छैनन् । पछिल्लो ४ वर्षयता नियमित खेल्दै आएका यिनलाई लाकेनसँगै एपिएफका आवास लामिछाने, नविन लामा र मणि लामाले सहयोग गर्नेछन् ।
आक्रमणमा नवयुग श्रेष्ठ, अन्जन विष्ट र विमल घर्ती मगरको अनुभवलाई आयुष घलान, आशिष चौधरी, दिपक राज सिंह ठकुरी र मनिष डाँगीको जोशले साथ दिनेछन् । विशेषगरी युवा आशिष र मनिषको गती प्रशिक्षक अनेसेले बेन्चबाट प्रयोगमा ल्याउने देखिन्छ । साफ प्रतियोगितामा जम्दै आएका विमलले पनि आफ्नो स्तर प्रमाणित गर्न यो समय सदुपयोग गर्न सक्छन् ।
नेपालको समूहमा भारत, पाकिस्तान र कुवेत रहेका छन् । कुवेतसँग बुधबार प्रतियोगिता सुरुवात गर्दा नेपाल कम्तिमा अंक नगुमाउने रणनीतिमा हुनेछ । यस नतिजाले नै नेपालको साफको भविष्य कता जान्छ भने निर्क्यौल गर्नेछ । तर जस्तो तयारी भएको छ, टोलीबाट नतिजाको अपेक्षा गर्नुभन्दा राम्रो प्रदर्शनको आशा गर्नु नै न्यायोचित हुन्छ ।
नेपाली टोली :
गोलरक्षक : किरण चेम्जोङ (राउन्ड ग्लास पन्जाब एफसी), दीप कार्की (मनाङ मर्स्याङ्दी), विशाल श्रेष्ठ (मछिन्द्र)
डिफेन्डर : विमल पाण्डे (त्रिभुवन आर्मी फुटबल क्लब), सनिश श्रेष्ठ (एपीएफ फुटबल क्लब), अनन्त तामाङ (चर्च ब्वाइज युनाइटेड), देवेन्द्र तामाङ (मछिन्द्र), निशान्त खड्का (संकटा क्लब), रोहित चन्द (पर्सिक केडीरी), सिमान्त थापा (जावलाखेल युथ क्लब)
मिडफिल्डर :पुजन उपरकोटी (मछिन्द्र), एरिक विष्ट (चर्च ब्वाइज), नविन लामा (एपिएफ), मणीकुमार लामा (एपिएफ), लाकेन लिम्बु (थ्री स्टार), आवास लामिछाने (एपिएफ)
फरवार्ड : आयुष घलान (संकटा), नवयुग श्रेष्ठ (आर्मी), दीपकराज सिंह ठकुरी (सातदोबाटो), अन्जन विष्ट (चर्च ब्वाइज), मनीष डाँगी (संकटा), आशीष चौधरी (चर्च ब्वाइज), विमल घर्तीमगर (मछिन्द्र)
May 1, 2024
एजेन्सी – युरोपेली च्याम्पियन्स लिग अन्तर्गत पहिलो सेमीफाइनलको पहिलो लेगमा बायर्न म्युनिख र रियल म्याड्रिडले बराबरी खेलेका छन् । घरेलु मैदान आलियान्ज एरिनामा भएको खेलमा बायर्नले खेलमा रहेको अग्रता अन्तिम तिर गुमाउन पुगेको थियो । १-० ले पछि परेको अवस्था उल्ट्याउँदै बायर्नले हाफको सुरुवातमै गोलको अग्रता बनाएको हो । तर खेलको अन्त्यतिर रियलले बराबरी गोल […]
April 30, 2024
काठमाडौं (हाम्रो खेलकुद) – सागर थिङले दोस्रो हाफमा गरेको ह्याट्रिक सहित पुल्चोक स्पोर्ट्स क्लबले सहिद स्मारक सि डिभिजन लिगमा मंगलबार सहज जित दर्ता गरेको छ । पुल्चोकले रानीवन स्पोर्ट्स क्लब माथि ४-० को सहज जित दर्ता गरेको हो । पुल्चोकका लागि सागर थिङले ह्याट्रिक गरे । उनले दोस्रो हाफमा मैदान प्रवेश गर्दा ८२औं मिनेट सहित […]
April 30, 2024
काठमाडौं (हाम्रो खेलकुद) – कोशी प्रदेश र सुदूरपश्चिम प्रदेश एन्फा महिला लिगको अन्तिम चरणका लागि छनोट भएका छन् । कर्णाली प्रदेशलाई लिग छनोटमा मंगलबार १–० ले पराजित गरेसँगै सुदूरपश्चिम लिगको अन्तिम चरणका लागि छनोट हुन सफल भएको हो । ५ खेलमा शीर्षस्थानको रहेको कोशीको १३ र सुदूरपश्चिमको १२ अंक छ । अन्तिम खेल अघि नै […]