default_image

11 months ago

June 21, 2023

कोशी प्रदेश मुख्यमन्त्री कप फुटबलः संखुवासभा सेमिफाइनलमा

224 views

0 Bookmark

हिमाल खरेल, ओखलढुंगा

उदयपुरलाई हराउँदै संखुवासभा कोशी प्रदेश मुख्यमन्त्री कप नकआउट फुटबल प्रतियोगिताको सेमिफाइनलमा प्रवेश गरेको छ ।

प्रदेश खेलकुद विकास बोर्ड कोशी प्रदेशको आयोजनामा ओखलढुंगाको सिद्धिचरण नगरपालिकास्थित सगरमाथा जनता माविको खेलमैदानमा आज भएको दोस्रो क्वार्टर फाइनल खेलमा उदयपुरलाई टाइब्रेकरमा हराउँदै संखुवासभा अन्तिम चारमा प्रवेश गरेको हो ।

निर्धारित समयमा खेल २–२ को बराबरीमा सकिएपछि खेल टाइब्रेकरमा धकेलिएको थियो । सुरुवाती अग्रता उदयपुरले लिए पनि संखुवासभा खेलमा फर्किएपछि उदयपुर स्तब्ध बन्न पुग्यो । १–२ को गोल अन्तरले पछि परेको संखुवासभालाई पेनाल्टीमा गोल गर्दै सन्दीप भगत श्रेष्ठले २–२ को बराबरीमा ल्याएका थिए ।

आज दिउँसो भएको संघर्षपूर्ण खेलमा उदयपुरका खेलाडी तिप्सन मगरले पेनाल्टी बक्समा संखुवासभाका खेलाडी जीवन मगरलाई लडाएपछि संखुवासभाले पेनाल्टी पाएको थियो । यसअघि खेलको १४ औँ मिनेटमा उदयपुरका दिवस श्रेष्ठले गोल गर्दै टिमलाई अग्रता दिलाएका थिए । २६ औँ मिनेट कप्तान सुनिल खड्काले गोल गर्दै संखुवासभाविरुद्ध दुई गोलको अग्रता बनाएका थिए ।

तर, ३१ औँ मिनेटमा जीवन मगर र ६७ औँ मिनेटमा श्रेष्ठले गोल गर्दै खेल बराबरीमा ल्याएपछि खेल टाइब्रेकरतर्फ धकेलिएको थियो । संखुवासभाले टाइब्रेकर ५–४ गोल अन्तरले उदयपुरलाई हराएको हो । खेलको म्यान अफ द म्याच संखुवासभाका गोलकिपर प्रदिप जिमी भए । उनलाई बोर्डका सदस्य सचिव हंशराज वाग्ले र संखुवासभा जिल्ला फुटबल संघका अध्यक्ष भरतकुमार घिमिरेले नगद चार हजार र मेडल प्रदान गरे ।

यसैबीच, आज बिहान भएको अर्को खेलमा खोटाङले जित निकाल्यो । छिमेकी पहाडी जिल्ला तेह्रथुमलाई टाइब्रेकरमा हराउँदै खोटाङले सुनसरीसँगको भेट पक्का गरेका हो । निर्धारित समयमा खेल १–१ को बराबरीमा सकिएपछि नतिजाका लागि टाइब्रेकरमा धकेलिएको थियो । टाइब्रेकरमा ४–२ को अन्तरमा हराउँदै खोटङ विजयी भएको हो ।

यसअघि खेलको ३९ औँ मिनेटमा खोटाङका सुजन माझीले गोल गर्दै अग्रता दिलाएका थिए । तर, खेलको ५० औँ मिनेटमा तेह्रथुमका मिलन राईले गोल गर्दै खेल बराबरीमा ल्याएका थिए ।खेलको मयान अफ द म्याच खोटाङका गोलकिपर किरण राई भए । उनलाई बोर्डका सदस्य सचिव हंशराज वाग्ले र स्थानीय व्यवसायी सर्वोत्तम श्रेष्ठले नगद चार हजार र मेडल प्रदान गरे ।

प्रतियोगिताको विजेताले उपाधिसहित २ लाख र १ लाख रुपैयाँ प्राप्त गर्नेछन् । प्रतियोगिताका उत्कृष्ट गोलकिपर, डिफेन्डर, मिडफिल्डर, फरवार्ड, प्रशिक्षक र उच्च गोलकर्तालो पाँच हजार रुपैयाँ र ट्रफी पाउने छन् ।

May 19, 2024

प्रिमियर लिग विजेताको छिनोफानो आज

एजेन्सी – इंग्लिश प्रिमियर लिग २०२३/२४ सिजनको विजेताको टुंगो आज लाग्दैछ । पछिल्लो तीन सिजनको विजेता म्यानचेस्टर सिटी र आर्सनल मध्य एक टोलीले आज लिग उपाधि उचाल्ने छ । लिग लिडर सिटीले आज ८:४५ बजे वेस्ट ह्यामसँग अन्तिम खेल खेल्दैछ । सोही समयमा दोस्रो स्थानमा रहेको आर्सनलले एभर्टनसँग खेल्दैछ । सिटीले आफु अनुकुल नतिजा निकाल्न […]

May 18, 2024

काठमाडौंलाई गोदावरी मेयर कप फुटबल उपाधि

ललितपुर (हाम्रो खेलकुद) – काठमाडौं महानगरपालिकाले गोदावरी प्रथम उपत्यकाब्यापी अन्तर पालिका मेयर कप फुटबल प्रतियोगिताको उपाधि जितेको छ । प्रस्तावित गोदावरी बहुउदेश्यीय रंगशालाको झ्यालुन्टार मैदानमा शनिबार भएको फाइनलमा चन्द्रागिरी नगरपालिकालाई २–१ गोल अन्तरले हराउँदै काठमाडौं च्याम्पियन बनेको हो । काठमाडौंका लागि अखिलेष कार्की र दीपेश श्रेष्ठले गोल गरे । उपाधिका साथ काठमाडौंले ५ लाख रुपैयाँ […]

May 18, 2024

पूर्वेली रातो दुर्गादेवी श्रेष्ठ स्मृति भेट्रान्सको फाइनलमा

हिमाल खरेल, बिर्तामोडआयोजक पूर्वेली युवा क्लब रातो बिर्तामोडमा जारी स्वर्गीय दुर्गादेवी श्रेष्ठ स्मृति भेट्रान्स फुटबल प्रतियोगिताको फाइनलमा प्रवेश गरेको छ । बिर्तामोडको डोमालाल राजवंशी रंगशालामा आज भएको अन्तिम सेमिफाइनल खेलमा मोरङको विराट मेगा भेट्रान्स एफसीलाई ५–० ले पराजित गर्दै आयोजक रातो उपाधिनजिक पुगेको हो । जितसँगै आयोजक पूर्वेलीका दुवै टिम फाइनलमा पुगेका छन् । दुवै […]

Success

Thank you for your time.